Us der alemannische Wikipedia, der freie Dialakt-Enzyklopedy
D
Gudrun Kruger
(*
11. Februar
1922
z
Diibenga
, †
25. Mai
2004
z
Enenga ondr dr Achl
) ischt a deitscha Bildhauere gwaa.
Vogelauge
, 1985, Reidlenga
D Gudrun Kruger kommt am 11. Februar 1922 z Diibenga uff d Welt. Ihr Vadder isch dr Bankdirektr Carl Kruger ond ihr Muadr d Inge Kruger, wo us-ra alda Enenger Familie stammt. En dera Gmoid wegst-se au uff. Ihre Eltra hend deet a Villa mit-ma riisiga Garda. Noch-em Abidur studiirt d Gudrun Kruger an de Staatliche Akademia vo de bildende Kinscht, zerscht en
Stuegert
ond hendrher z
Wien
. Do drnoch nemmt-se noh Privatondrricht bei de Professora Otto Baum (1900 bis 1977) ond Alfred Lorcher (1875 bis 1962) ond schliaßlich noh beim Stuegerter Kinschtler Fritz von Graevenitz (1892 bis 1959).
Scho en jonge Johr ondrnemmt d Gudrun Kruger ausdehnde Studiareisa en d
Schweiz
, noch Sidfrankreich ond noch
Paris
. 1953 fihrt-se dr Weag noch
England
, wo-se fenf Johr en
London
hangableibt, deet au an Haufa schafft ond zo ihrem oigena Stil fendet. 1957 abr packt-se s Hoimweh ond se kehrt noch Enenga zruck. Em Lauf dr Zeit werret ihre Skulbdura en viile grauße Musea vo dr Welt, zom Beischbiil z London ond z Paris, ausgschdellt ond vo-ma Haufa Konschtkenner bewondret. Trotz alle Erfolg vrgisst-se abr et ihr Hoimet. Drom loot-se sich’s et nemma, ihre Werk au en Enenga de Leit vorzostella, zom Beischbiil em Rothaus ond en dr HAP-Grießhaber-Hall.
Am 25. Mai 2004 schliaßt d Gudrun Kruger ihre Auga fir emmer en ihrem Hoimetort. 82 Johr alt ischt-se worra.
- Jeweils a Holzrelief fend mr em Sondrschual-Zentrum vo Stuegert-Vaihenga ond em Kreiskrankahaus z
Bad Urach
- S
Vogelauge
, aus Edlstahl, blau oogschdricha, uffgschdellt am Eigangsbereich vo dr Reitlenger Stadtbiacherei
- D
Figurengruppe Gordona
, zwoi seldsame Gschdalda aus Broose, seha koo mr se uff-em ?Calner Platz“ z Enenga
- D
Eichenlaubin
, aus Edlstahl, dui siht mr uff-em Enenger Schillerplatz
- A Broose-Plaschdik vom Enenger Zoichner ond Moler
Paul Jauch
, uffgschdellt em Enenger Rothaus
Der riisige Garda vo dr Kruger-Villa ischt heitzodag dr Effentlichkeit zuaganglich ond hot vo dr Gmoind Enenga da Nama ?Kruger-Park“ kriagt. A Weblenk onda fihrt zom Lageploo ond zwoi Fodola vo sellem Park.
- Gabriele Karus:
Eningen - Portrait der Achalmgemeinde
(1990), Verlag Harwalik, Reutlingen, S. 311 bis 312,
ISBN 3-921638-26-7
- Lueg d Weblink
