Us der alemannische Wikipedia, der freie Dialakt-Enzyklopedy
D
Georgette Tsinguirides
(*
27. Februar
1928
z
Stuegert
) isch e
dytsch
-
griechisch
Ballettdanzeri
, Choreologi un Ballettmaischteri. Si isch Assischtanti vum
John Cranko
gsii, wu s
Stuetgerter Ballett
vu 1961 bis 1973 glaitet het.
D Georgette Tsinguirides het frie iri Mueter verlore un isch bi ire Großmueter Maria Weickh ufgwagse, wu Hofdame bi dr Chenigi Charlotte von Wurttemberg geb. zu Schaumburg-Lippe gsii isch. Mit sibe Johr het si ne Uusbildig aagfange an dr Ballettschuel vum
Staatstheater Stuegert
. Derno het si Unterricht gnuu bi dr Olga Preobrajenska un dr Madame Nora im Studio Wacker z
Paris
un an dr Royal Ballet School z
London
. Anne 1945 het si ire erscht Engaschmant am Staatstheater Stuegert iberchuu, mit ere Gage vu 2250 Rychsmark. Unter dr Direktion vum Nicolas Beriozoff isch si 1957 Solischti wore. No voreb dr John Cranko 1961 d Laitig vu dr Compagnie ibernuu het, het si scho 1960 in sym Ballett
Der Pagodenprinz
danzt, speter u. a. in
The Lady and the Fool
un in
Romeo und Julia
.
[1]
Anne 1966 isch d Tsinguirides z Stuegert di erscht hauptberuefli Danzschrift-Experti vu Dytschland wore. Dr John Cranko het ere dr Ufdrag gee, syni Choreografie in ere internationale Danzschrift ufzzaichne. As Choreologi un Ballettmaischteri het si em Cranko sy Warch mittlerwyli an e baar Generatione vu DanzerIne wytergee: Nit nume bim Stuegerter Ballet, nai, au waltwyt bi iber 30 andere Ballett-Compagnie.
Uf Aaregig vum Cranko het d Tsinguirides 1966 s Studium vu dr Benesh Movement Notation z London mit eme Diplom abgschlosse. Derno het si dermit aagfange, alli große Warch, wu dr Cranko z Stuegert gschaffe het, in dare Danzschrift ufzzaichne. Dodin ware ainzelni Bewegige wie in ere Partitur prezis schriftlig ufzaichnet.
Am 1. Dezamber 2015 het d Tsinguirides ire 70-jehrig Dienschtjubilaum am Stuegerter Ballett gfyyrt.
[2]
Dr Minischterpresidant
Winfried Kretschmann
het ere am 5. Dezamber d
Staufermedaille
in Gold ibergee.
Im Juli 2017 isch si in Ruestand gange un isch bi Ballett im Park am 8. Juli 2017 offiziall verabschidet wore.
[3]
- 1973 Fellowship of Institute of Choreology vum Benesh Institute of Choreology
- 1980 John Cranko-Bryys fir iri Verdienscht um s chinschtlerisch Erb vum Cranko
- 1985 Ehrig vum Land Bade-Wirttebarg fir 40 Johr Zuegherigkait zum Staatstheater Stuegert
- 1986 Bundesverdienschtchryz am Band fir usserordeligi chinschtlerischi Arbet
- 1987 Uuszaichnig fir bsunderi Verdienscht fir s 21-jehrig Bruuche vu dr Benesh Movement Notation vom Benesh Institute of Choreology
- 1995 Ehrig vum Land Bade-Wirttebarg fir 40 Johr Zuegherigkait zum Staatstheater Stuegert
- 2002 Verdienschtmedaille vum Land Bade-Wirttebarg
- 2006 Ehremitglidschaft vum Stuegerter Staatstheater zum 60-jehrige Dienschtjubilaums
- 2010 Dytsche Danzbryys
- 2010 Mitglidschaft in dr Royal Academy of Dance London
- 2015 Staufermedaille in Gold fir Verdienscht um s Land Bade-Wirttebarg
- Susanne Wiedmann:
Georgette Tsinguirides. Ein Leben fur John Cranko und das Stuttgarter Ballett.
Klopfer & Meyer. Tubingen 2015.
ISBN 978-3-86351-407-5
- ↑
Stuttgarter Ballett ? Georgette Tsinguirides, Choreologin und Ballettmeisterin
(Memento vom 9. Janner 2015 im
Internet Archive
)
- ↑
Ballettmeisterin. Seit 70 Jahren beim selben Arbeitgeber.
Spiegel online, 12. April 2015
- ↑
Blickpunkte der Tagesschau vom 5. Juli