Us der alemannische Wikipedia, der freie Dialakt-Enzyklopedy
Dr
Emil Kubler
(*
16. Abril
1909
en Honau ? der Ort gheert heit zor Gmoid
Lichtastoi
em
Landkreis Reitlenga
; †
8. Mai
1981
en
Bad Boll
) isch a deitschr Kombonischt ond Kirchamusiker gwaa.
Em Emil Kubler sei Vaddr isch Pfarrer en Honau gwaa. So isch’r scho als kloiner Bua fescht mit dr Kirch vorbonda gwaa. Als Schialer hot’r drvo draimt, emol a beriimtr Pianischt oder Schauspiiler zo werda. Deshalb hot’r noch em Abidur en Stuegert an dr Musikhochschuel ogfange, Klaviir ond Orgl zo studiira (ob er wirklich Abitur gmacht hot, isch fei osicher, en soiner Autobiographie isch bloß vom Schulabbruch di Red, ned vom Abitur)
[1]
. Neabaher hot’r au no Schauspiilondericht gnomma. Langfrischtig durchgsetzt hot sich abr sei Hang zor Kirchamusik.
1941 isch’r zom Kriag eizoga worda. Sein Dinscht an dr Front hot abr grad emohl oi Johr dauret, bis em deet sei reachda Hand ? net dr Arm, wia mr manchmol leasa koo ? abgrissa worda isch. Fir en Musiker, wo gwohnt ischt, mit zwoi Hend a Instrument zo spiila, isch der Oofall natiirlich a Kadaschtrof gwaa. Spatr hot’r des Schicksal en seim Gedicht ?Schmerz und Uberwindung“ verarbeitet. Abr au drhoim en
Musberg
em
Landkreis Esslenga
isch’r vom Kriag et vorschont bliiba: Zwoimol hend en seim Haus Bomba eigschlaga. Noh wahrend-em Kriag hot en dr Degerlocher Dekan Hermann Kopp zom hauptamtlicha Bezirkskirchamusikwart fir da ganza Filderbezirk ernannt.
Weil abr des Wort ?Wart“ fir da Emil Kubler noch em Kriag mit ma Gschmackle aus dr Nazizeit behaftet gwaa ischt, hot dr oifach sei Berufsbezeichnong aagandret en ?Bezirkskantor“. Dean Titl geit’s heit noh. Mr ko also saga, dass dr Emil Kubler dr erschde Kirchabezirkskantor en Wirteberg gwaa ischt. Der Bezirk vo Degerloch ischt ? vergleicht ma’n mit heit ? riisagrauß gwaa: er hot vo Degerloch bis
Esslenga
ond
Nirdenga
greicht. Jeden Chor hot’r mit seim Fahrradle aufsuecha missa. Weil d Oforderonga vo de Sanger hegscht ondrschiidlich gwaa send, hot’r neie Chorsatz komboniert, vo saumaßig leicht bis kreizschwer. Weil’r s herkemmliche Nodamatrial mit oira Hand uf dr Orgl net spiila hot kenne, isch em nix andrs iibrig bliiba, als des gengige Repertoar fir de lenk Hand ond Doppelpedal zo bearbeida.
1973 isch dr Emil Kubler en Ruhestand ganga ond bald drnoch mit seira Frau noch Auschdralia ausgwandret. Trotzdem hot’r da Kontakt zo seira Hoimet beibhalda ond ischt emmr mol wiidr ens Schwobaland zruckkomma, so au em Johr 1981, wo-n’r bei dr Evangelischa Akademii Bad Boll en Vortrag iibr Auschdralia hot halda wella. So weit isch’s abr nemme komma, weil’r kurz vor seim Vortrag gschtorba isch.
Sei letschda Ruah hot dr Emil Kubler uf em Kirchhof vo Musberg ? des ischt heit a Stadtdoil vo
Leifelda-Echderdenga
? gfonda.
- Du meine Seele, singe
fir Blaser ond Chor
- Schwabische Sauerkrautkantate
fir Soli, Chor ond Orkeschtr (dozua hot’r au da Tekscht gschriiba)
- Die Schneekantate
fir an zwoistemmiga Kenderchor mit Begleidong vo zwoi Geiga, zwoi Blockfleeda, amma Cello (odr Fagott), Triangla ond Ratscha (au dozua isch dr Tekscht von-em selbr)
- Macht hoch die Tur
- Den die Hirten lobeten sehre
- O du frohliche
- Christe, du Schopfer aller Welt
- Wir wollen alle frohlich sein
- Nun bitten wir den Heiligen Geist
- Liebster Jesu, wir sind hier
- Im Friede dein, o Herre mein
- Christe, der du bist Tag und Nacht
- Martin W. Hagner:
Wurttembergs erster Bezirkskantor
,
Wurttembergische Blatter fur Kirchenmusik
, Heft 5/2009, S. 14 ? 15, ISSN 0177-6487
- Emil Kubler:
Aus dem Leben des ?Krautkantors“. Mit personlichen Erinnerungen von Albrecht Goes und Albrecht Muller-Scholl
. Quell Verlag, Stuttgart 1979.
- Neues Chorgesangbuch
, Hanssler-Verlag Neuhausen-Stuttgart (1959)
- ↑
Emil Kubler:
Aus dem Leben des ?Krautkantors“. Mit personlichen Erinnerungen von Albrecht Goes und Albrecht Muller-Scholl
. Quell Verlag, Stuttgart 1979, S. 95.
