Dr
Emile Storck
(*
22. Novamber
1899
z'
Gawiller
; †
9. Novamber
1973
z'Gawiller)
[1]
isch a elsassischer Dichter un Schriftsteller gsii. Si Wark, sehr lyrisch, beschribt bsunderscht guet d Natur un d Landschaft. Ar hat aui Theaterstickla gschriewa, mit'ma Wortschatz wo zeigt ass ma uf
Elsassisch
wirklig alles kaat usdrucka.
Dr Emile Storck isch anna 1899 z'Gawiller uf d Walt kumma, in'ra Familia vu niin Kinder.
Si Vater, wo aui Emile Storck gheißa hat, hat in dr Grun-Fawrik z'Gawiller gschaft, als Meischter. Ar hat
Elsassisch
gredt. Sina Mueter, d Maria Millien, hat
Welsch
gredt.
[2]
Als Kind isch dr Emile Storck in d ditscha Schuel z'Gawiller ganga. Dia Schuel gitt's hitt noch, unter'm Namma ?Ecole Emile Storck“.
Anna 1917 hat'r an dr
Erscht Waltkriag
mueßa geh, als ditscher Soldat. Ar hat awer nit walla uf da franzeescha Truppa schiaßa, un hat derfer vor em Militargricht sotta kumma, wenn's nit - zum Glick - dr Waffastillstand vu 1918 gaa hat.
Dr Emile Storck isch Lehrer worra. Ar hat dernoh a Agregation in Hochditsch gmacht.
Anna 1934 isch'r vum
Elsass
furtganga, fer als Ditschlehrer in andra Gegend vum Frankrich Unterricht z'gaa.
Zwischa 1949 un 1965 isch'r z'Gawiller im Neuenburg-Gebai Ditschlehrer gsii, in dr ?Ecole normale de jeunes filles“.
Wo-n-'r andlig wider zruck im Elsass gsii isch, hat'r fanga-n-a schriiwa, uf Elsassisch, obwohl ass sallamols
Franzeesch
mehr Moda gsii isch (?il est chic de parler francais“, hat's gheißa). Sina Gedichta han d Natur als Hauipthema ghaa; ar hat sich immer um Landschaft un Geographie intressiart. Im Gsamta, zwischa 1954 un 1967, hat'r 200 Gedichta gschriewa, wo in zwei Biacher veraffentligt worra sin:
- Melodie uf de Panfleet
- Lieder vu Sunne un Schatte
Ar hat aui 5 Theaterstickla gschriewa, in'ra sehr scheena Sproch, a ?universala“ Sproch wo bewiist ass sa alles, ohna Beschrankung, kaat saga.
- Der goldig Wage
- Maidle wiss im Felsetal
- E Summertrauim
- Vergib uns unsri Schuld
- Mathis Nithart
Leider sin dia Theaterstickla fascht nit gspielt worra, wahrend'm Lawa vum Autor; as sin Drama, wo schwar ufz'stella sin, un wo sowieso weniger Elfolg bikamma as luschtig Volkstheater.
Anna 1966 hat'r dr ?
Oberrheinischer Kulturpreis
“ bikumma, fer si gsamta Wark.
Anna 1967 hat'r dr ?Claus Rheinbolt“ Priis bikumma, fer sina Theaterstickla.
Anna 2000 isch dr Cercle Emile Storck grinda worra, unter dr Leitung vum Richard Ledermann. D Mitglieder vu dam Cercle wann s Wark vum Emile Storck uf Franzeesch iwersetza un's wider nei loo veraffentliga; im Marz 2013 isch s Buech ?In Grawe un Hecke“, mit sinera Iwersetzung ?Par les fosses et les haies“, ussakumma.
[3]
- ↑
Website ?Ecole Emile Storck“ (fr)
- ↑
Noochrichta im Artikel ?
Joseph Storck
“, in dr franzeescha Wikipedia
- ↑
Buech ?In Grawe un Hecke“, uf Franzeesch ?Par les fosses et les haies“
(
Site cha nume abgrueft warde
; Suche im
Webarchiv
)
[1]
[2]
Vorlage:Toter Link/www.arfuyen.fr