Bevolkingsdigtheid (in Landbou : staande lewende hawe en oes op die lande) is 'n maatstaf van bevolking per eenheidsgebied of eenheidsvolume; dit is 'n tipe van hoeveelheid van aantal digtheid. Dit word gereeld by lewende organismes en in die meeste gevalle by mense toegepas. Dit is 'n belangrike geografiese term. ^[1]

Biologiese bevolkingsdigtheid [ wysig | wysig bron ]

Biologiese bevolkingsdigtheid is die bevolking verdeel deur die totale grondoppervlakte of watervolume, soos dit toepaslik is. ^[1] Dit is 'n mate van die aantal mense of organismes per eenheid area. Variasies hierop sluit in die bevolking per eenheid woonbare, bewone, produktiewe (of potensieel produktiewe) of gekultiveerde area. 'n Sekere geografiese gebied het 'n drakapasiteit , wat die maksimum bevolking voorstel wat onderhou kan word. Sekere waarnemers van menslike gedrag glo dat die idee van drakapasiteit ook op menslike bevolkings toegepas kan word, en dat omgekeerde bevolkingsgroei kan lei tot 'n " Malthusiese katastrofe "; hierdie standpunt word deur andere betwis.

Lae-densiteit kan 'n uitwissings-spiraal veroorsaak wat verder na verminderde vrugbaarheid kan lei. Dit is vernoem na die wetenskaplike wat dit geidentifiseer het ? die Allee-effek. Voorbeelde van die oorsake hiervan in lae-bevolkingsdigtheid sluit in: ^[2]

• Toenemende probleme om seksmaats te kry
• Toename van inteling

Menslike bevolkingsdigtheid [ wysig | wysig bron ]

Met die berekening van mense word die bevolkingsdigtheid volgens die aantal mense in 'n gebied bepaal. Dit word gewoonlik per vierkante kilometer of vierkante myl bereken (dit kan, byvoorbeeld water- of gletsergebiede insluit, of uitsluit). Oor die algemeen word dit vir 'n distrik-, stad-, land-, vir 'n gebied-, of vir die hele wereld bereken.

Die wereld se bevolking is sowat 7,000,000,000 ^[3]  en die   Aarde  se totale gebied (insluitende land en water) is 510,000,000 vierkante kilometer (197,000,000 vierkante myl). ^[4]  Die wereldwye mensbevolkingsdigtheid is dus sowat 7,000,000,000 ÷ 510,000,000 = 13.7 per vierkante kilometer (35 per vierkante myl). Indien net die Aarde se landoppervlakte van 150,000,000 vierkante kilometer (58,000,000 vierkante myl) in ag geneem word, is die mens se bevolkingsdigtheid 47 per vierkante kilometer (120 per vierkante myl) meer. Dit sluit alle vastelande en eilande se grondgebiede asook  Antarktika  in. Met Antarktika uitgesluit, is die bevolkingsdigtheid meer as 50 mense per vierkante kilometer (meer as 130 per vierkante myl). ^[1]  Meer as die helfte van die aarde se landmassa bestaan uit onherbergsame gebiede, wat nutteloos is vir menslike habitat, soos woestyne en hoe berge. Mense is geneig om rondom seehawens en varswaterbronne saam te trek. Daarom bied die syfer dus nie juis enige behulpsame maatstaf van die mens se bevolkingsdigtheid nie.

Verskeie van die mees digbevolkte gebiede in die wereld is stadstate, mikrostate, en,  afhanklike gebiede . ^{[5] [6]}  Hierdie gebiede is relatief klein met hoe verstedelikingsvlakke, met ekonomies gespesialiseerde stadsbevolking wat ook op landelike hulpbronne van buite staatmaak. Dit bewys die verskil tussen hoe bevolkingsdigtheid en oorbevolking.

Stede met hoe bevolkingsdigtheid word, deur sommiges, as oorbevolk beskou, hoewel dit afhang van faktore soos die gehalte van behuising en infrastrukture en toegang tot hulpbronne. ^[7]  Meeste van die digbevolkte stede is in  Suidoos-Asie ,  Kairo  en  Lagos  in Afrika  en val ook in hierdie kategorie. ^[8]

Mees digbevolkte lande/streke [ wysig | wysig bron ]

Volgens bewoonde streke [ wysig | wysig bron ]

Volgens politieke grense [ wysig | wysig bron ]

Bevolking meer as 1,000,000

Rangorde	Land/streek	Bevolking	Gebied per vierkante kilometer	Bevolkingsdigtheid per vierkante kilometer
1	Singapoer	5,535,000	719	7698
2	Hongkong	7,234,800	1,104	6553
3	Palestynse Owerheid	1,816,379	360	5045
4	Bahrein	1,234,567	750	1646
5	Bangladesj	157,457,000	147,570	1067
6	Republiek van China (R.O.C)	23,361,147	36,190	646
7	Mauritius	1,288,000	2,040	631
8	Libanon	5,851,000	10,452	560
9	Suid-Korea	51,529,338	99,720	517
10	Rwanda	11,262,564	26,338	428

Met 'n bevolking meer as 10,000,000

Rangorde	Land/streek	Bevolking	Gebied per vierkante killometer	Bevolkinsdigtheid per vierkante kilometer
1	Bangladesj	157,457,000	147,570	1067
2	Republiek van China (R.O.C)	23,361,147	36,190	646
3	Suid-Korea	51,529,338	99,720	517
4	Rwanda	11,262,564	26,338	428
5	Nederland	16,919,139	41,526	407
6	Indie	1,263,680,000	3,185,263	397
7	Haiti	10,413,211	27,750	375
8	Belgie	11,239,755	30,528	368
9	Filippyne	102,078,300	300,076	340
10	Japan	127,290,000	377,944	337

Ander metodes van meting  [ wysig | wysig bron ]

Hoewel rekenkundige digtheid die algemeenste manier van meting vir bevolkingsdigtheid is, is daar verskeie ander metodes ontwikkel om 'n meer akkurate meting van bevolkingsdigtheid oor 'n spesifieke gebied te meet.

• Rekenkundige digtheid : Die totale aantal mense/gebied of land (gemeet in vierkante kilometer of vierkante myl).
• Fisiologiese digtheid: Die totale bevolking/gebied van landbougrond.
• Landboudigtheid : Die totale landelike bevolking/gebied van landbougrond.
• Residensiele digtheid : Die aantal mense wat in 'n beboude gebied/totale gebied van 'n land se residensiele gebied bly.
• Stedelike digtheid : Die aantal mense wat in 'n stedelike gebied/totale stedelike gebied van 'n land bly.
• Ekologiese optimum : Die bevolkingsdigtheid wat deur natuurlike hulpbronne gesteun word.

Sien ook [ wysig | wysig bron ]

• Lys van lande volgens bevolking
• Lys van lande volgens bevolkingsdigtheid

Verwysings [ wysig | wysig bron ]