Georhie
is een land in de
Kaukasus
't a voe een stik in
Europa
lig en voe een stik in
Azie
. Dibie is 't et een zohenaemde
transcontinentaole staet
. Georhie hrens in 't noorn an
Rusland
, in 't oossen an
Aazerbeidzjan
, in 't zuuden an
Armenie
en
Turkije
en in 't wessen an de
Zwarte Zee
. Georhie is hericht op Europa, is lid van de
Raed van Europa
en voel zen eihen dan ok een Europees land.
Georhie is een van de Kaukasus-lan'n en wor in 't noorn dan ok behrensd deur 't hebergte van de Kaukasus. Den oogsen berg van Georhie is de
Sjchara
(5201 m). Georhie wor in twi elten edeeld deur de Likhi-bergkeet'n en 't minder berhachtihe Zuud-Georhie besti uut lavaplateaus mie ouwe
vulkaankehels
. Are berhen as de Sjchara in Georhie zien onder are de
Janga
(5051 m), de
Kazbek
(5047 m) en de
Tetnuldi
(4852 m).
De totaole hrenzen van Georhie (zie ierboven) beslaen 1970 km, wivan a 315 km an de Zwarte Zee hrens. De overihe 1655 km hrens an de lan'n Rusland, Aazerbeidzjan, Armenie en Turkije.
Georhie ei over 't alhemeen een subtropisch klimaot, me an de elliengen en op de oogtes van de Kaukasus is 't vee drooher en eers 't er een steppeklimaot.
De langste rivier'n die an deur Georhie lope zien de volhende:
Der is me weinig waeter in Georhie, der zien allaenig ienkele meren en 't waeter van de Zwarte Zee. De hroste meren van Georhie zien de volhende:
Georhie ei te kamp'n mie verschill'nde milieuprobleem'n as luchtvervuulieng in Zuud-Georhie, vurral rond de stad
Rustavi
, waetervervuulieng in de Zwarte
Zee
en de rivier de Kura, en bodemverontreinihieng in 't land deur zwaere chemicaolien.
Toet
1991
maekende Georhie deel uut van de
Sovjet-Unie
. In 2008 kreeg ut mee
Rusland
an de stok. Een vomaelihe president is
Mikheil Saakashvili
. Z'n vrouwe iet
Sandra Roelofs
en is een Zeeuwse. Ze komt uut
Terneuzen
.