格里曆搭儒略曆一樣，都是每四年勒2月?個月底加一日天 閏日 ，必過，格里曆特別規定，所有弗好?400整除個 世紀年 （就是阿末有兩個零個年?， 1800年 、 1900年 該浪）??沒閏日。別個好?400整除個世紀年就有閏日，譬方 1600年 、 2000年 ，所以2000年有 2月29號 。

每400年，格里曆就只有97個 閏年 ，比儒略曆少3個。格里曆個一年平均有365.2425日天，接近平均 回歸年 個365.24219日天，就是差弗多每3300年再有一日天誤差，也接近 春分點回歸年 個365.24237日天，差弗多每8000年誤差一日天。比較下頭儒略曆平均一年365.25日天，差弗多128年就多仔一日天。到1582年辰光，儒略曆個春分日（ 3月21號 ）搭 地球 公轉 到春分點個實際辰光已經交錯仔10日天。

格里曆開始用個辰光，同時規定，原本儒略曆1582年 10月4號 禮拜四 個後頭一日天是格里曆1582年 10月15號 禮拜五 ，有10日天弗見脫哉，必過本來個 禮拜 ?改。格里曆個紀年沿用儒略曆，從傳統個 耶? 養出來箇一年開始，也叫「公元」或者「西元」。

格里曆是陽曆裏向個一種， 中國 勒 1912年 開始用，代替老底子個中國個 農曆 ，農曆是一隻 陰陽曆 ，格里曆勒中文裏向也叫陽曆、西曆、新曆。現在還有國家弗用公曆個。