Ci
xam-xamu nosukaay
nosteg doxiin
, ci tenk ND (
operating system
walla OS ci
wu-angalteer
), mooy mbooleem teriin yiy yor, saytu lekkaloo gu jumtukaayu nosukaay bi (
tappaan
yi,
xel
mi...) ak teriin yi nga ciy jefandikoo.
Naka-jekk nosteg doxiin gi mooy tax jefandikukat bi man di jot ci embiit li nekk ci
nosukaay
bi jaarale ko cib
jokkalekaay
(muy ay
njunj
walla mbind yooy cuq mu lay won li nekk ci biiram). Yitteem bu njekk mooy tax ba jefandikukat bi, muy nit walla leneen, man di jokkalook nosukaay bi.
Danoo am ay cer yu ceslaay yu, daanaka, nosteg doxiin yepp bokk, waaye terewul am yooy fekk ci yenn yi rekk, moo tax nu genante:
- Saalub
noste gi: di mbooloom ay
teriin
yu ndaw yu lekkaloo ci seen biir, lekkaloo itam ak jumtukaayu
nosukaay
bi. Mooy liy njekk a ubbeeku su nosukaay bi di takk, di it, man nanoo wax, wall wi epp solo. Moo tax nuy man a def liggeey yu njekk ci ndoorteelu takk gi, tax nuy man a jot ci
tappaan bu deger
bi, ci
dencukaay yu noste
yi. Ci gattal moo yor jokkalantey xibaar yi ci biir nosukaay bi.
- Yorkaayu
dencukaay yu noste
: mooy liy duggale ci tappaan yi. Wepp teriin wu soxla ab
njoxe
cib tappaan moom ngay woo mu duggal la fa. Mooy ki yor, rawati na, nosug njoxe yi ci nosukaay bi (wayndare yi).
- Yorkaayu xel mi: mooy liy jox xel mu doy ngir seenug ubbeeku ak dox, fu nuy denc seeniy njoxe, teriin yi ba ci nosteg doxiin gi ci boppam.
- Jokkalekaay bi: man nanoo doon
shell
walla
GUI
mooy tax nit ni man di jokkalook nosukaay bi.