L' ouy ou l' iy , c' est l' organe ki sieve a vey clair, as djins et a biesses.

C' est ene bole sititcheye dins les oxheas del tiesse et raloyeye a cervea pa nier del vuwe .

Gn a en ouy di tchaeke coste.

Parteyes di l' ouy [ candji | candji l’?code wiki ]

Gn a les parteyes di l' ouy metowes dins l' bole ouyrece et des otes adfou, mins dins l' cavleure ouyrece .

Bole ouyrece [ candji | candji l’?code wiki ]

Li bole ouyrece est retureye po ene ritocaesse toele : li blanc d' l' ouy . Sol divant, cisse-ciale divent claire come do veule , po leyi passer l' loumire. C' est l' coirneye .

Diri l' coirneye: li tchambe-divant rimpleye avou l' aiwe di l' ouy (claire oumeur).

Diri leye: li tchambe-diri avou li spesse oumeur.

Inte les deus, come ene ronde toele traweye a mitan ki si stind et s' rastrinde : li toele do poupa. Li fniesse k' ele leye a mitan, c' est ca l' poupa d' l' ouy.

Divins gn a ene lintile , li crustalin ( lintile di l'ouy ).

Li fond del bole ouyrece est racovrowe d' on texhou k' atcheteure li loumire: li rixhene . Li rixhene est fwaite di deus sores di celules : les copales et les roketes . Les fis sinsiules di ces celules la si vont rdjonde al miyole di l' ouy ( macula ). C' est la k' atake li nier di l' ouy .

Otes organes del cavleure ouyrece [ candji | candji l’?code wiki ]

• musses moenneus d' l' ouy
• fene pea d' l' ouy
• troejhinme papire
• nier ouyrece

Organes fou del cavleure [ candji | candji l’?code wiki ]

• papires (dizeutrinne, dizotrinne)
• cis
• sorcis
• glandes as lames
• tchena as lames

Rotaedje di l' ouy [ candji | candji l’?code wiki ]

Li vuzion rote insi:

Li loumire djond l' coirneye et passer houte. Li poupa si drouve ou s' rastrinde sorlon l' foice del loumire. Passe les tchambes divantrinne et dritrinne et l' crustalin, k' est inte les deus , ki rashonne li loumire sol rixhene, a mode d' ene lintile as deus vosses .

Li rixhene analize li loumire. Metans ele pout vey u n' nen vey les coleurs . Pu evoyi l' messaedje a cervea hanetrece , pol voye do nier di l' ouy .

Les musses moteurs di l' ouy sont cmandes pa deus nier cranyins a part, li dvintrin et l' difoutrin.

Li drovaedje ou l' rastrindaedje do poupa et cmande po sistinme nierveus otonome .

Maladeyes di l' ouy [ candji | candji l’?code wiki ]

senes des maladeyes [ candji | candji l’?code wiki ]

• aveulte avou ou sins damadje e l' ouy
• boignte
• djontivite , coirneyite , coirneyidjontivite
• breya
• midriyaze et miyozisse
• tchichads ou catches

intites maladieuses [ candji | candji l’?code wiki ]

• catarake
• miyopeye et presbisreye
• glocome
• magnant ma e l' ouy
• morance del miyole di l' ouy ( degenerescence maculaire )

I gn a so les cmons Wikipedia des imadjes ou fitchis son a vey avou l' ouy .