William Shakespeare

**William Shakespeare**

Moted:	31 mazul 1564, 23 prilul 1564, 26 prilul 1564 Stratford-upon-Avon , Stratford-on-Avon [*]
Deadam:	23 prilul 1616 Stratford-upon-Avon
Deadamakod:	unknown value
Lifatopam:	Stratford-upon-Avon
Cal(s):	hidramatavan [] , hipoedan [] , teatadramatan [] , hilautan [] , hidramatan [] , dramaturge []
Tatat(s):	Regan Linglana [*]
Matan(s):	Anne Hathaway [*]
Cil(s):	Susanna Hall [] , Hamnet Shakespeare [] , Judith Quiney [*]
Pal(s):	John Shakespeare [] , Mary Shakespeare []
Gem(s):	Joan Shakespeare [] , Edmund Shakespeare [] , Gilbert Shakespeare [] , Richard Shakespeare [] , Anne Shakespeare [] , Margaret Shakespeare [] , Joan Shakespeare [*]
Dispenad:

Hiel Whilliam Shakespeare (pablunedol tu 1564 prilul 26 - 1616 prilul 23 ma kaled hiela Julius , mayul 3 ma kaled hiela Gregorius ) abinom poedan a dramatavan Linglanik , anu palecedol lautan gretikun in Linglanapuk a dramatavan veutikun vola. ^[1]^[2] Suvo panemom poedan netik Linglana, u ?Bardan di Avon“ (u balugiko: ?Bardan“). Vobotem dabinol omik binadon me dramats 38, poedots degfollianik 154, poedots konotik lunik tel, e poedots smalik anik. Dramats omik petradutons ini puks lifol veutik valik e paplosenons suvumo, kas uts dramatavanas votik valik. ^[3]

El Shakespeare pamotom e padugalom in Stratford-upon-Avon . Baldotu lifayels 18 amatikom ko jiel Anne Hathaway , kel amotof ome cilis kil: Susanna e teladans: Hamnet e Judith . Vu 1585 e 1592 aprimom karieri benosekik in London as dramatan, lautan e dalaban dila dramatanefa: Lord Chamberlain's Men (= Mans hiela Lord Chamberlain), poso pavotanemol as King's Men (= Mans Rega). Jiniko asoalukom oki zao un 1613 in Stratford, ko adeadom pos yels kil. Nemodikos paregistaron tefu lif privatik ela Shakespeare, e modikos pespekulon, tefu yegads as genalif e rel omik, asi tefu mog, das vobots omik pilautons fa votikans. ^[4]

El Shakespeare aprodom pluamanumi vobotas okik vu 1590 e 1613. Dramats primik oma abinons gretadilo fredadramats e jenotems (= dramats do lifup regas Linglanik): dramatasots, kelis alopukom ad somit lekana finu tumyel 16id. Poso alautom ledino lugadramatis ju 1608, keninukamu vobots as els Hamlet , Reg: Lear e Macbeth , atimo papladols vu dramats superikun in Linglanapuk. In period latik oma, alautom freda-lugadramats ed akevobom ko dramatavans votik. Modiks dramatas omik papubons as dabukots kalieta e kurata distofikas du lifup omik. Un 1623, telans teatakevobanas omik apuboms eli Folio Balid : konlet vobotas dramatik oma, kel akeninukon dramatis ti valikis oma (plaamu tels, kels te poso palecedons as omiks).

El Shakespeare abinom poedan a dramatavan pestumol in tim okik, ab te un tumyel 19id benoreput omik arivon nivodi lopik atimik. Pato Romatimans alevokadoms letaleni omik, e timu jireg: Victoria palelogom so vemo as heroedan lekana, das hiel George Bernard Shaw anemom kondoti at ?bardanitulofi“ ^[5] Un tumyel 20id, vobotem omik donuamo padaopton e padonutuvon fa mufs nolavik e dramataviks. Dramats omik palailofons vemo nog un atim, e paplosenons in yumeds kulivik e bolitiks distofiks da vol valik.

Literat [ redakon ? redakon fonati ]

↑ Shakespeare voted millennium's best writer , BBC News, 1999 mazul 1; pakonsulton tu 2007 tobul 11.
↑ Greenblatt, Stephen (2005). Will in the World: How Shakespeare Became Shakespeare . London: Pimlico, 11. ISBN 0-7126-0098-1 .
? Bevington, David (2002) Shakespeare , 1?3. Oxford: Blackwell. ISBN 0-631-22719-9 .
? Wells, Stanley (1997). Shakespeare: A Life in Drama. New York: W. W. Norton, 399. ISBN 0-393-31562-2 .
↑ Craig, Leon Harold. 2003. Of Philosophers and Kings: Political Philosophy in Shakespeare's "Macbeth" and "King Lear", pad: 3. University of Toronto Press. ISBN 0-8020-8605-5 .
↑ Shapiro, James S. 2005. 1599: A Year in the Life of William Shakespeare, pads: xvii-xviii. London: Faber and Faber. ISBN 0-571-21480-0 .
Schoenbaum, Samuel. 1991. Shakespeare's Lives, pads: 41, 66, 397-398, 402, 409. Oxford: Oxford University Press. ISBN 0-19-818618-5 .
Taylor, Gary. 1990. Reinventing Sahkespeare: A Cultural History from the Restoration to the Present, pads: 145, 210-223, 261-265. London: Hogarth Press. ISBN 0-7012-0888-0 .
↑ Bartolini, John Anthony. 1993. Shaw and Other Playwrights, pad: 119. Pennsylvania: Pennsylvania State University Press. ISBN 0-271-00908-X .

[1] Shakespeare voted millennium's best writer , BBC News, 1999 mazul 1; pakonsulton tu 2007 tobul 11.

[2] Greenblatt, Stephen (2005). Will in the World: How Shakespeare Became Shakespeare . London: Pimlico, 11. ISBN 0-7126-0098-1 .
? Bevington, David (2002) Shakespeare , 1?3. Oxford: Blackwell. ISBN 0-631-22719-9 .
? Wells, Stanley (1997). Shakespeare: A Life in Drama. New York: W. W. Norton, 399. ISBN 0-393-31562-2 .

[3] Craig, Leon Harold. 2003. Of Philosophers and Kings: Political Philosophy in Shakespeare's "Macbeth" and "King Lear", pad: 3. University of Toronto Press. ISBN 0-8020-8605-5 .

[4] Shapiro, James S. 2005. 1599: A Year in the Life of William Shakespeare, pads: xvii-xviii. London: Faber and Faber. ISBN 0-571-21480-0 .
Schoenbaum, Samuel. 1991. Shakespeare's Lives, pads: 41, 66, 397-398, 402, 409. Oxford: Oxford University Press. ISBN 0-19-818618-5 .
Taylor, Gary. 1990. Reinventing Sahkespeare: A Cultural History from the Restoration to the Present, pads: 145, 210-223, 261-265. London: Hogarth Press. ISBN 0-7012-0888-0 .

[5] Bartolini, John Anthony. 1993. Shaw and Other Playwrights, pad: 119. Pennsylvania: Pennsylvania State University Press. ISBN 0-271-00908-X .

[1]

[2]

[3]

[4]

[5]