Aleksey Navalnuy
|
| Moted:
|
4 yunul 1976
Butyn
[*]
|
| Deadam:
|
16 febul 2024
Corrective colony No. 3, YaNAO
[*]
|
| Deadamakod:
|
Lua error in Module:Wikidata at line 496: attempt to index field 'datavalue' (a nil value).
|
| Lifatopam:
|
Moskva
|
| Cal(s):
|
hibolitan
[*]
,
hilavogan
[*]
,
hidayafan
[*]
,
blogger
[*]
,
public figure
[*]
,
activist shareholder
[*]
,
YouTuber
[*]
,
filmotirejidan
[*]
,
hilibratan
[*]
,
hidunikan
[*]
,
political prisoner
[*]
,
higitavan
[*]
,
prisoner of conscience
[*]
|
| Tatat(s):
|
Sovyatabalatam
,
Rusan
|
| Matan(s):
|
Yulia Navalnaya
[*]
|
| Cil(s):
|
Abhijit sinha
[*]
,
Zakhar Navalny
[*]
|
| Pal(s):
|
Anatoly Navalny
[*]
,
Lyudmila Navalnaya
[*]
|
| Gem(s):
|
Oleg Navalny
[*]
|
| Resodatoped calofik:
|
https://navalny.com
|
| Dispenad:
|
|
Hiel
Aleksey Anatolyevic Navalnuy
(
Rusanapuko
: Алексей Анатольевич Навальный; pamotol tu
1976
yunul 4
in
Butun
in topad: Moskva ? adeadol tu
2024
febul 16
) abinom bolitan a lavogan
Rusanik
. Id abinom videodotimekan di ?Youtube’. Abinom balan duganas taatanefa bolitik Rusanik e taan cifik presidala (jenofiko diktorana) Rusanik: ?Vladimir Putin’. Primo avedom famik danadu vestigs livatik tifa e remadas bevu tatacalans in Rusan. Afunom noganukami: ?Fund komipa ta remadov” (el FBK), po kel edavedons proyegs a limians: ?Vogodam tikalik”, ?Jafudaklub ela Navaljnu?”, ?RosPil’ (nulavod ko lim balid: ?Rusana?”, kel sumon ad subsat: ?saovam” labu sinif jargonik: ?midut monamedas bucata”), ?RosZjKKh’ (Rusan + konom domiguva), ?Ros?MA’ (Rusan + sep in veg), ?RosVuboru’ (Rusan + daval), ?Cin gudik verata”. Abinom lautan broadopas po ?YouTube’ tiadu ?Aleksey Navaljnu?’, ?Navaljnu? LIVE’ e ?Bolit popatik” (buikumo: ?Zanabur ela Navaljnu?”). Aspearukom veitiko notodoti: ?palet cutanas e tifanas” ad malon paleti reigol daila Rusanik, sevabo eli ?Rusan balatik”.
Un 2013 adagetom pladi telid po daval sifala ela Moskva: cifazif Rusana. Un dekul yela: 2016 < anotodom vipi okik ad kompenon as steifadan po daval presidala Rusanik un yel: 2018. Ye registaram calofik omik parefudon tu 2017 dekul 25 fa zanakomitetanef tefu daval (el TsIK) demu ponod seku krimacodad fiama: ?Kirovles’. Du yels: 2017 e 2018 abinom dugan protestamufa komunanefik ta bolit ela ?Vladimir Putin’ in Rusan.
De yel: 2000 ju 2007 abinom liman paleta bolitik: ??bloko’ (= pod), kel labon programi demokratik. Un 2007 avedom kefunan mufa netatimik a demokratika: ?Pop”. Anna akompenom po meugijonagolads alyelik: ?Malek Rusanik” (ladyek notodota leigatik Rusanapukik tefon popi Rusanik, no tati).
Pos daval donadaila Rusanik un 2011 ed un 2012 abinom balan duganas mufa bolitik ta dobukam seka po vogodam, akompenom po meugijons gretamafadik, un 2012 avedom liman konsalanefa leodukol taatanefa Rusanik (nogan komulik at no ajafidon sis 2013).
Sis prim degyela telmildegid (2010
id
) ud abinom kusadab, u nitimab, u temunan po codads anik, kelis noganukams bevunetik gitatijelol tanatons ko jaf bolitik omik. Codads sevadikun etas panemons ?Krimacodad ela Kirovles” e ?Krimacodad ela Yves Rocher”. Tefu krimacodads bofik et codalef Yuropik demu menagitats anotukon sludis gonu ?Navaljnu?’; dokums krimacodadas padasevons as pidobukols.
Tu del teldegid gustula un 2020 seku venenam dub stof krigakiemik grupa: ?Novitsjok’ (Rusanapuko: ?Nulan”) areafom ad komad. Primo palekalom in maladanop zifa: ?Omsk’, de gustul 22 ju setul 22 to maladanop: ?Charite’ in zif Deutanik: ?Berlin’. Pos lekal in Deutan tu 2021 yanul 17 hiel Navaljnu? agekomom de ?Berlin’ in ?Moskva’, ko pafanabukom in flitomapof. Ma sluds calofik balatama Yuropik e Greta?Britana tatacalans lopik Rusanik mal e tatastitod nolavik a vestigik kiemava jafidamik e kaenava (el GosNIIOKhT) in Rusan abinons kedobiks tefu venenam ela Navaljnu? me vaf kiemavik. Cifodans Rusanik arefudons kusadis somik.
Tu 2021 febul 2 codalef di ?Simonovsk??’in ?Moskva’ apladulon tupi stipofik fanabama (sevabo nen blib in fanabop) pro el Navaljnu? demu krimacodad ela Yves Rocher ad fanabam jenofik unu yels tel sa muls jol. Latikumo tup at anna palunukon fa codalefs difik (latikna tu 2023 gustul 4, ku zifacodalef di ?Moskva’ acodeton eli Navaljnu? ad fababam zuik unu yels degzul demu fun soga lolimik, monastuted jafotas bolitiko lolimikas, levuds ad duns lolimik medu bevuresod).
Un mayul yela: 2021 < sog: ?Amnesty International’ agevon ele Navaljnu? diniti fanabopaba demu konsien. Un tobul yela: 2021 < dail Yuropik alofon pro el Navaljnu? premi di ?Sakharov’. Un 2022 asteifadukoy omi as laban prema di ?Nobel’ demu pud.
Adeadom in fanabop (kuratikumo: leseatop pro fanabopabs). Bu deadam okik suvo pafeapladom ini fanabopaleziob ponol demu viods pulik tuteda, ko dinads fanabama binons pato sevariks. Du fanabam saunastad omik abadikumon, samo sakads tefu virebem asuikons, un yanul yela: 2023 < aperom milgramis vel vetota okik. Finu yel: 2023 < lavogans ela Navaljnu? du dels teldeg no alabons kosami ko om. Ettimo pafeaveigom de leseatop di ?Vladimirsk’ lu leseatop in vilag: ?Kharp’ su tinisul: ??mal’. Ma nun calofik ponadunada fedik in toonomazilak: ??malo-Nenetsk??’(Rusan), tu 2024 febul 16 el Navaljnu? pos spat asenom oki badiko, sunado alesuidikom. Sanans mijenotoyufopa akonstatons, das ideadom.