De Pyreneeen ( Frans : Pyrenees , Spoans : Pirineos , Cataloans : Pirineus , Baskisch: Pirinioak ) zyn e gebergte in Zuudwest-Europa die de nateurlike grenze vormt tusschn Spanje en Vrankryk . 't Gebergte strekt uut over ca. 430 kilometer, van 't west'n noa 't oost'n, van de Golve van Biskaje noa de Middellandsche Zee . Der zyn 129 piek'n met 'n hoogte van 3000 meter of meer. D'n hoogst'n berg in de keet'n is d'n Aneto (3404 meter), geleegn in 't uterste noordoost'n van Aragon in Spanje.

De Pyreneeen zyn 't gevolg van de botsienge van d' Iberische en Euraziatische tektonische ploat'n .

In 't gebergte lign zes Fransche departement'n ( Pyrenees-Orientales , Aude , Ariege , Haute-Garonne , Hautes-Pyrenees , Pyrenees-Atlantiques ) en vier Spoansche regio's ( Catalonie , Aragon , Navarra en 't Bask'nland ). 't Dwergstoatje Andorra ligt der helegans in.

• 
  Pico de Aneto in Aragon , Spanje
• 
  Wientersportgebied Gourette met de Pic de Ger, Pyrenees-Atlantiques
• 
  Pic du Midi d'Ossau, Nationaal park Pyreneeen
• 
  Col d'Aubisque, bergpas in de Fransche Pyreneeen

Ofbeeldiengn die ier by passn ku je vien in de categorie Pyrenees van Wikimedia Commons .