't
Peird
(
Equus ferus caballus
) is e gedomesticeerde
hoefbeeste
uut de
orde
van de
oeneevnhoevign
. 't Is een van de soortn uut de familie van de
peirdachtign
(Equidae). 't Gedomesticeerd peird stamt of van 't wild peird (
Equus ferus
). 't Wordt surtout g'houdn ols rypeird of trekpeird.
't Skelet van e peird bestoat uut gemiddeld 205 beenders. Peirdn en gin sleutelbeen en z'en moar een teen per been.
Peirdn zyn herbivoorn (plantneters), moa gin herkauwers. Under voortandn gebruukn ze vo gras of te trekn en doarachter wordt 't vermoaln deur d' achterste tandn. Ze kunn zowel stoand of lignd sloapn.
Under vacht kan efn zyn van kleur moar ook in verschillige kleurn. Kleurn die vele voornkomn zyn bruun, zwart, voskleurig (bruunrood) en grysde. De moann, 't lang hoar ip de boovnkant van under nekke, zoun oentstoan zyn ols beschermienge teegn roofbeestn lyk katachtign, die ip de rik van 't peird spriengn en in under nekke bytn. De steirt wordt gebruukt vor
insectn
te verjoagn.
't Peird is e kuddebeeste en wordt a peu pres dertig joar oud.