Google
es 'n
Amerikoansche
firma, surtout gekend van zyn
zoekmachien
voo bloadn te zoekn op 't
internet
. Dat algoritme is in 1998 ountwikkeld deur twee gastn van de Stanford University (Amerika): Larry Page en Sergey Brin. Under zoekmachien gift ieder website een
PageRank
die gebaserd is up 't antol andere sites die noa de website verwyzn. Vandoage den dag eit Google zyn activiteitn ol styf uutgebreid en is een van de grotste bedryvn ter weireld gekommn:
- Google Earth: groatis 3D-model van ouze weireld
- Google Adsense en Google Adwords: reclameboodschappn platsn (grotste brounne van inkomstn vo Google)
- Google Calender: groatis kalender
- Gmail: groatis emaildienst met ne mailbox van meer of 7 GB
- Google Analytics: groatis statistiekn vo websites
- Google Video: tegenhanger van
Youtube
- Google Maps: Koartn van heel de wereld me meugelikheid vo routebescrivingn te moakn
- Google Chrome: en internet browser (gelik
Internet Explorer
en
Firefox
)
- Google Translater: programma da tekstn vertoald
- Google News: programma da verschillende nieuws sites scant achter nieuwkes, bestoat ook in 't
Nederlands
- ...
Toch is 't imago van Google, in tegenstellienge tot da van
Microsoft
, nog olsan da van een sympatiek, joeng bedryf. Misschien is da omdat under informeel motto is
Don't be evil
(doe gin kwoad). 't Bedryf is oal zo ryke dat et oal Youtube en verschillnde andre bedryvn ed overgepakt. Ze briedn ook underne markt vree uut. Nu en ze zelvs ol een altirnatief vo Microsoft's
Messenger
en Microsoft
Office
.
Van de zoekmachien est er ook e West-Vlamsche versie,
[1]
woavan dat de noame geschreven wordt lik da ze da in 't West-Vlams uutspreekn:
Hoehel
.
- ↑
hoehel.be