De doodstraffe is 't terechtstelln van een persoon achter een juridisch proces as straffe vo zwoare misdryvn. Vroeger was de doodstraffe olgemeen toegepast vo misdryvn goande van moord en 't schendn van sexuele restrieksjes toet godslasterienge, en de terechtstellienge gebeurde meestol met de byle of met de strop (olhoewel dat hekserye met den brandstoapel wierd bestraft).

Liechtnstein was in 1798 't eeste land da de doodstraffe ofschaftige, en tegenwoordig zyn der veel landn gevolgd. 't Ofschaffn van de doodstraffe is een van de vorwoardn vo by den Europeesche Unie toe te treen.

Doodstraffe in Belgie [ bewerkn | brontekst bewerken ]

Eigenoardig genoeg is Belgie een van de latste landn in West-Europa die de doodstraffe officieel hen ofgeschaft: toet in 't joar 1996 stound de doodstraffe nog olsan in de wetsboekn, olhoewel dat je in de praktyke sedert 1918 nie me wierd uutgevoerd, moar ottomoatisch wierd ommegezet toet dwangarbeid. Vanof 1996 is levenslange upslutienge de zwoarste straffe die de wette toeloat.

Achter de twidden weireldoorloge zyn der 241 collaborateurs gefusijerd. Normoal gezien wierd in Belgie de doodstraffe vultrokkn met de guillotine, moa de collaborateurs wierdn gefusjerd omdan ze deur een militair gerecht woarn veroordeeld. De latste ke dat de doodstraffe wierd uutgevoerd in Belgie was in ogustus 1950, ot den Duutsen kampcommandant van 't concentroasjekamp in Breendonk, Philipp Schmitt, teegn Antwerpn wierd gefusijerd.

Ofbeeldiengn die ier by passn ku je vien in de categorie Death penalty van Wikimedia Commons .