El
Teatro Ła Fenice
el xe el
teatro
lirico
piase inportante de
Venesia
. El xe sta piu olte distruto da incendi e dopo ricostruio, e deso el xe sede de na inportante stajon operistica e del Festival internasionałe de muxega contenporanea.
El Teatro la Fenice de Venexia el lo ga progeta l'architeto
Gian Antonio Selva
inte el
1790
par conto de societa de palchetisti de l'aristocrazia de Venexia; el teatro i lo ga costruio in pressia nonostante ghe sia sta un mucio de polemiche su la so colocazion e su la so strutura razionalista e neoclassica.
El concorso par el progeto l'era sta indetto el 1° novenbre del
1789
e i lavori i xe taca ne l'avril del
1790
.
Ne l’arco de du anni da la presentazion del progeto, el Teatro la Fenice de Venexia el xe sta ultima. I lo ga inaugura el 16 majo
1792
metendo in scena
"i Giochi di Agrigento"
de
Giovanni Paisiello
.
El 13 dicenbre
1836
el teatro el xe nda brusa in un incendio, ma i lo ga ricostruio subito de paca, preciso identico a come l'era prima.
Inte el corso del
XIX secolo
el ga ospita un mucio de prime rapresentazion de opere liriche de grandi autori italiani come
Gioachino Rossini
,
Vincenzo Bellini
e
Giuseppe Verdi
. Proprio
La traviata
de Verdi, a la prima, la jera sta fis-cia sonoramente dal publico de la Fenice.
Inte el
1937
el teatro el xe sta restaura su progeto de
Eugenio Miozzi
.
El 29 de zenaro
1996
un eletricista, Enrico Carella, che l'era in drio laorar inte el teatro, el ga dato fogo intenzionalmente, parche sicome l'era in ritardo coi so laori, no'l volea dover pagar la penale prevista dal contrato. Fatosta che la Fenice la xe brusa de novo tuta quanta.
Le istituzioni del Stato le sa subito prodiga par la ricostruzion. El teatro el xe sta riedifica - rispetando el stile del precedente - in zirca oto anni. El 14 dicenbre
2003
i lo ga inaugura con un conzerto direto da
Riccardo Muti
, che el ga verto le celebrazioni de na
Settimana inaugurale
.
Durante i laori, le rapresentazion de l'ente lirico venexian le ga vu logo al Palafenice, na strutura provisoria parecia aposta al
Troncheto
, e al
Teatro Malibran
.
Da calche anno i ghe fa un
Conzerto de Capodano
, in contenporanea (o mejo, in concorenza) al
Musikverein
de
Viena
.
- 1813
Tancredi
de
Gioachino Rossini
- 1814
Sigismondo
de Gioachino Rossini
- 1823
Semiramide
de Gioachino Rossini
- 1830
I Capuleti e i Montecchi
de
Vincenzo Bellini
- 1833
Beatrice di Tenda
de Vincenzo Bellini
- 1835
Belisario
de
Gaetano Donizetti
- 1838
Maria de Rudenz
de Gaetano Donizetti
- 1843
Ernani
de
Giuseppe Verdi
- 1846
Attila
de Giuseppe Verdi
- 1851
Rigoletto
de Giuseppe Verdi
- 1853
La traviata
de Giuseppe Verdi
- 1857
Simon Boccanegra
de Giuseppe Verdi
- Michele Girardi, Franco Rossi,
Il Teatro La Fenice. Cronołozia degli spettacoli (1792-1936)
, Albrizzi Editore, Venezia 1989 -
ISBN 88-7837-007-X
- Michele Girardi, Franco Rossi,
Il Teatro La Fenice. Cronołozia degli spettacoli (1938-1991)
, Albrizzi Editore, Venezia 1992 -
ISBN 88-317-5509-9
- Manlio Brusatin, Giuseppe Pavanello,
Il Teatro La Fenice. I progetti - l'architettura - le decorazioni
, Albrizzi Editore, Venezia 1987