Da Wikipedia, l'enciclopedia libara.
La
reja de Versailles
, dizesta anca
casteło de Versailles
o (inpropiamente)
pałaso de Versailles
(in franseze
chateau de Versailles
/?a'to d? v??'saj(?)/
) o senplegamente par antonomazia
Versailles
, ła ze un'antiga e grandioza
rezidensa reałe
dei
Borbon de Fransa
situada inte ła sitadina de
Versailles
, inte el
departemento
de łe
Yvelines
, ła cuała, ponesta a sirca 15 chiłometri verso ovest de
Parize
, ła se ga desviłupada e ła ga sorbio col tenpo inportansa propio grasie a ła prezensa de ła istesa reja. El casteło e el so parco i ze unanemamente reconosesti cofa una de łe opare architetoneghe de mejo refinamento de tuta ła istoria de l'omo, tanto che dal
1979
ła reja ła ze devegnesta un ben protezesto da l'
UNESCO
.
Ła reja ła zera nasesta par vołonta del zovane
Luizi XIV
par distansiarse da ła capitałe e dai so sitadini, temesti e considerai difisiłi da tendare (in particułare dopo de l'epizodio de ła
Fronda
). Versailles ła zera restada ła sede del podere pułitego del regno de Fransa dal
1682
co che el Re Sołe el ghe ghea trasferio ła so corte finmente a co che ła fameja reałe no ła ze sta costrinzesta a tornar inte ła capitałe inte l'otobre del 1789 inte el prinsipio de ła
revołusion franseze
. Versailles ła ze sta a rezidensa de tre re de Fransa che i ghe ghea rezidensia stabilmente co łe so corte inte un laso de tenpo conprendesto intra el
6 de majo
del 1682 e el
6 de otobre
del
1789
, co solche na ecesion dei ani de ła Rejensa del zovane Luizi XV dal
1715
al
1723
. Versailles, oltre che cofa strutura, ła ze tanto conosesta cofa sinboło de l'isteso
podere asołuto
de ła monarchia franseze inte el ndar del periodo de l'
Ancien Regime
.
El casteło el ze forma da na serie de ełementi armonizai architetonegamente insieme. Sto cua el se desviłupa inte na superfise de 63 154 m², co drento pi de 2300 ojeti dei cuałi, atualmente, 1000 i ze tochi da museo.
El parco de ła reja de Versailles el se estende onco sora de na superfise de 815 etari, prima de ła
revołusion franseze
i zera 8000, co 93
jardini
e numarevułi ełementi architetoneghi intra i cuałi el
Petit
e el
Grand Trianon
(che i zera stai rezidensa intra tuti chełi altri de
Napołeon I
,
Luizi XVIII
,
Carlo X
,
Luizi Fiłipo
e
Napołeon III
), l'Hameau de la Reine, el Grand ed el Petit Canal, na menagerie (onco desfada), na Orangerie e el Piece d'eau des Suisses che oncora onco i ze intra i ełementi pi tanto conosesti che i carateriza i jardini de ła reja.