Da Wikipedia, l'enciclopedia libara.
Mogadiscio
(en somalo
Muqdisho
, popolarmente ciamada
Xamar
) la xe la cavedal de la
Somalia
e la sita pi grande del paexe del
Corno d’Africa
. Mogadiscio la xecostruia su la costa e el porto el xe one de pi importanti de la region.
Documenti del I secolo d.C. i parla del porto de Mogadiscio. La sita la xe sempre sta on importante sentro par i marcanti del
Mar Roso
e de l’interno del Corno d’Africa. A lo steso tempo, no bisogna desmentegarse che Mogadishio no la xera la cavedal de i somali, on popolo nomade. La sita no la ga mai avu n’influensa forte su la popolasion locale. I arabi vegnea qi da i tempi pi lontani. I primi eoropei i xe sta i portoghexi. En tel 1871, la sita la xe finia soto el control del sultan de
Zanzibar
. En tel 1892, i italiani ga afita l’uso de la sita e, pi tardi, i sa ciapa tuto el teritorio e Mogadiscio la xe sta nomina cavedal de la colonia italiana. I italiani ga moderniza el orto e le infrastruture de la sita. En tel 1941, i inglexi ga catura la sita. I italiani i xe torna in del 1950. L’indipendenza la xe riva in tel 1960, ma l’Italia ga mantegnu el controlo de vari ofici fin al 1967.
En tel 1990, le forze ribeli le xe entra ne la cavedal e el ditator Siad Barre ga dovu scapar in
Nigeria
. Da quel momento, la sita la ga visto solo che distrusion e morte. El governo provisorio no el xe mai sta bon de verghe on control su la sita.
Mogadiscio la xe sempre sta on centro de scambi comerciali. Anca anco, co la guera, Mogadiscio la ga on marca che funsiona. Fruta e coton i xe esporta a l’estero, eletronici, armi e droghe i xe comercializa libaramente inte la sita.
Persone inportanti nate a Mogadiscio: