Retrato fotoreałistego de Kim Jong-Un
Kim Jong-un
(金正恩, 金正恩, Kim J?ng-?n; IPA: [kim.d??ŋ.?n];
Pionjang
,
8 de zenaro
1983
) el ze on
ditador
e
miłitar
corean, el ze prezidente del Partio dei Łaoraduri de ła Corea e cao supremo de ła Republega Democratega Popołar de Corea (DPRK), comunemente ciamada
Corea del Nord
.
Kim ze el segondo fiol de Kim Jong-il e de so mojere Ko Yong-hui. De ła so infansia e del pariodo prima de ła so cariera połitega A se sa tanto poco, anca ła data de nasita ła ze inserta (probabilmente l'8 zenaro o el 5 zunjo 1984).
El ze deventa el leader supremo dopo el funerałe del pare el 28 disenbre 2011.
Kim el mantien el titoło de prezidente del Partio de i Łaoradori de ła Corea, prezidente de ła Comision Sentrałe Miłitare, prezidente de ła Comision de Defeza Nasionałe, Comandante Supremo del Ezersito del Popoło Corean, el ze menbro del Politburo del Comitato Permanente del Partio dei Łaoraduri de Corea.
Kim el ze sta promoso maresiało de ła Nord Corea inte el Ezersito del Popoło Corean el 18 zunjo 2012 asegurando el so podere in canpo miłitare. Da i mass media coreani el ze sołito esar defenio co 'sto titoło.
El 9 marso 2014 Kim el vien eleto inte l'Asenblea Suprema del Popoło (l'organo łezizlativo unicamerałe nordcorean). Kim el ze inserio inte ła Forbes List de łe 46 fegure mondiałi pi influenti.
Ła prima parte de ła vita de Kim ze poco conosua. Ła data de nasita ła ze dibatua: el governo nordcoreano el dize che ła sia el 8 zenaro 1982 ma servisi de intelligence sudcoreani i ze convinti che ła data ła sia stada modifegada. Sirca ła prima edugasion tanti i sostien che Kim gabia studia in do scołe Zvisare co falso nome, ma A ghe ze chi el che crede el fose so fradeło e njente ze sta uncora prova co sertesa.
Pi tardi el ga otenjesto do łauree, una in fizega a ła universita Kim II-sung e n'altra come ufisiałe miłitare a ła universita miłitare Kim II-sung, A se pensa inte el pariodo 2002-2007.
A ze soło inte el 2009 che Kim el deventa noto al'osidente esendo infra i candidai par l'Asenblea Suprema del Popoło. Fin da suito A ze ciaro a i oservaduri osidentai che el pare Kim Jong-il el ło ga sielto come sucesor. A senbra che in zunjo Kim el se gabia prezenta a el governo sineze, anca se ła Sina ła ga nega che ła vizita ła ghe sia stada. Inte el setenbre del steso ano A vien fata na oparasion de propaganda par pareciarghe ła scałada al podere.
El 27 setenbre 2010 el deventa Daejang (o Taejang, on grado simiłe a zenarałe o maresiało). El venjara ełeto vice prezidente de ła Comision Miłitare Sentrałe e menbro de ła Asenblea Sentrałe del Partio dei Łaoraduri. El 10 otobre el derize ła festa par el anivarsaro de i 65 ani del Partio de i Łaoraduri. A vien donca destituii tanti parsonaji połiteghi, anca parenti de Kim, par evitar rivałita che łe posa ostacołarlo.
El 17 disenbre 2011 Kim Jong-il el more. Kim el fa da prezidente al comitato par el funerałe. Inte i di seguenti el Partio de i Łaoradori e i media i scomisia sałudare el futuro ditatore come leader supremo. El 24 disenbre el vien proclama cao supremo del ezersito. L'11 apriłe el deventa primo segretario de ła Asenblea del Partio de i Łaoraduri. Inte el 13 apriłe 2012 el deventa prezidente de ła Comision de Defeza Nasionałe. Inte el łujo 2012 el vien proclama wonsu, ła pi inportante pozision de asion inte el ezersito.
Ofisialmente Kim'l entra a far parte de on triumvirato insenbre al premier Pak Pong-ju, cao del governo, e a Kim Yong-nam, cao del parlamento responsabiłe de łe rełasion estare; Kim el derize'l ezersito e co 'sta pozision el ze sta bon a ver on podere major de i altri do.
El 9 marso 2014 Kim Jong-un el ze sta vota a ła Asenblea Suprema del Popoło.
De ła vita parsonałe de Kim A se sa poco. Ła gran parte de łe informasion łe vien dal so cogo giaponeze Kenji Fujimoto che el ło descrive come guałivo a so pare. Kim el ze partegołarmente apasiona dal basket e da i videogames.
Par ła prima volta i media inte el 2012 i ga reveła al paeze che Kim el ze spoza co Ri Sol-ju (drio oservadori sudcoreani dal 2009, e che i gavaria vuo na fioła inte el 2010, notisia confarmada dal zugador de basket ameregan Denis Rodman inte el 2013).
El ditator el ze de frecuente conpanja da ła soreła pi ceła Kim Yo-jong che ła ło juta par l'organizasion de avegnimenti publeghi.
Ła połitega economega de Kim ła ze simiłe a cueła de ła Sina.
El so programa el prevede na major łibarta a łe aziende, on incremento de ła produsion agricoła, on mejoramento de łe condision de vita dei singołi sitadini, l'introdusion de beni de consumo sol modeło osidentałe, na vertaura ai marcai intarnasionałi.
Kim fin dal 2013 el ga sciario ła so intension de continuar e anpliar i projeti de costrusion e mantenimento de misiłi atomeghi. Inte el 2016 el ga segura che 'sto programa el ga come soło scopo ła defeza nasionałe.
A par che ła Corea del Nord ła gabia sirca na dozina de bonbe nucleare, che łe ga on rajo de tiro che no'l supara el Japon.
Inte el disenbre 2015 Kim el ga anunsia che el so paeze el ze sta bon de reałizare na bonba a idrozeno, anca se A pararia poco probabiłe.
Da'l 2016 ła Corea ła ga subio uncora sansion par via de i test misiłisteghi.
Ezecusion e viołasion de i deriti umani
[
canbia
|
canbia el codaxe
]
Ze sta confarma l'ezistensa de racuanti canpi de reedugasion par tuti i opoziduri połiteghi del rezime prezenti za inte el pariodo de Kim Jong-il. Al momento A ze difisiłe far stime ezate sirca el numaro de deportai.
Inte el 2013 łe Nasion Unie łe ga costituio na comision de inchiesta. El raporto publega inte el 2014 el judega Kim colpevołe de crimeni contro i deriti umani.
Racuanti artigołi i ze stai scriti so ezecusion ordenae da Kim contro i so famejari e cołaboraduri, ma serte łe se ga reveła zbajae o mia verifegabiłe.
I media nordcoreani i ga reza publega ła ezecusion del barba del ditador, Jang Sung-taek.