In zurisprudensa , ła locusion crimene contro l'umanita ła definise łe asion crimenałi che łe revarda viołense e abuzi contro popułi o parte de popułi, o che in tuti i cazi andove łe sia percepie, par ła so capasita de ełevar zenerałe reprovasion, cofa repeteste in dano de l'intiera umanita. I crimeni contro l'umanita i ze in zenare difarensiai dai crimeni de guera e talvolta anca dal zenosidio ; anca se miga tuti i ordenamenti zurideghi i prevede diretamente figure de crimeni contro l'umanita, e racuanti invese i i prevede indiretamente, in forma de recepision da tratai internasionałi.

Nasita del conceto [ canbia | canbia el codaxe ]

L'espresion ≪crimene contro l'umanita≫ el ze sta dopara par ła prima volta co na acesion stretamente zuridega inte el 1915 . In chel'ano tre potense eoropee, Fransa, Gran Bretagna e Rusia, łe ghea concorda ła scritura de na declarasion de condana de cheło che el ze divegnesto universalmente publego col nome de zenosidio armen . La ≪Declarasion unitaria de Fransa, Gran Bretagna e Rusia≫ (' France, Great Britain and Russia Joint Declaration ), anunsada el 24 de majo del 1915, ła detien na ciara refarensa ai "ultemi reai cometesti da ła Turchia contro l'umanita e ła sivilta" ( new crimes of Turkey against humanity and civilization ) ^{[1] [2]} .

Dopo ła seconda guera mondiałe se ghea verzesto na nova stajon inte łe temateghe rełative ai deriti umani , insieme a ła formasion de na comune cosensa internasionałe so l'ezistensa de un derito universałe ^[3] , che el ghe saria speta e aplega a tuti i conponenti de cadaun ingrupamento sociałe. Se ga sostegnesto, in pratega, l'ezistensa de un derito "conzenito" (scołastegamente da intenderse cofa che na union de regołe obligatorie, che łe stabiłisa facolta e limitasion del personale arbitrio ) comun par so natura a tuti i omani, indipendentemente da łe varieta socio-culturałi de refarimento. Sti crimeni, esendo na fonte de reprovasion "d'istinto" arente de tute łe latitudeni, i ze dunca stai considerai cofa che incorpabiłi inte na nova categoria de fatispece zuridega, de ła cuała se pensa che calsiase stato o ingrupamento sociałe, de calsiase continente o segno etego. rełijozo o cultura łe, el ghene dimandaria ła sansion .

L'Acordo de Londra, che el ghea istituio el Tribunale de Norinberga (8 de agosto 1945 ) el ghea metesto in lista, intra i reai contestabiłi ai crimenałi nazisti, el ≪crimene contro l'umanita≫ (articolo 6, coma C), difarensiandoło dal crimene de guera ^[4] . El prinsipio el ze sta tolto fora de novo inte el Statuto del Tribunałe miłitare internasionałe par l'Estremo Oriente , conosesto anca cofa Carta de Tokyo (19 de zenaro del 1946).

N'altro paso vanti par ła codifegasion del reato ła ze sta ła ≪Convension par ła prevension e punision del crimene de zenosidio≫, siglada a l' ONU inte el 1948 (Resołusion n. 260 del 9 de disenbre 1948); sta cua ła ga dato ła definision normativa de zenosidio . La stesa definision ła ze sta recepia, inte i ani novanta del XX secolo, inte el Statuto del Tribunałe par ła ex-Jugoslavia e in cheło par el Ruanda ^[5] .

Infin, inte el 1998 , co l'aprovasion del Statuto de Roma , istituente ła Corte penałe internasionałe , el reato de crimeni contro l'umanita ze sta inseresto inte ła lista dei prinsipałi reai persevitai da ła Corte, insieme ai crimeni de guera e al crimene de agresion ^[5] .

Notasion [ canbia | canbia el codaxe ]

1. ↑ France, Great Britain and Russia Joint Declaration armenian-genocide.org . entrada l'11/05/2015 .
2. ↑ France, Great Britain, and Russia Joint Declaration, 1915 facinghistory.org . entrada l'11/05/2015 .
3. ↑ ( EN ) Larry May, Crimes against Humanity: A Normative Account , 0521840791, 9780521840798, 9780511266140 Cambridge University Press 2004.
4. ↑ Patto di Londra e Statuto del Tribunale internazionale militare di Norimberga (1945) unipd-centrodirittiumani.it . entrada il 21/05/2015 .
5. ↑ ^{5,0 5,1} Quanto ci costa dire che quello fu un genocidio (ligo ronpesto dispunibiłe in Internet Archive ; vedarse el istorego , la prima version e ła ultema ). mariomauro.it . entrada il 21/05/2015 .

Altri projeti [ canbia | canbia el codaxe ]

• Wikimedia Commons el detien imajini o altri file so Crimene contro l'umanita

Linganbi foresti [ canbia | canbia el codaxe ]

• ( EN ) Richard Vernon, crime against humanity Enciclopedia Britannica , Encyclopædia Britannica, Inc.