El copyright (termine de łengua inglexe che leteralmente signifega dirito de copia ) xe l'equivałente del dirito d'autore inte i paexi de common law, come i Stati Unii de ła Merica e la Regno Unio , dal cuałe paro diferise soto vari aspeti.

'L xe sołitamente abrevia co el sinboło ⓒ . Quando tałe sinboło no'l xe utiłixabiłe se riproduce co ła letera "c" posta tra parentexi : (c) o (C) . ^[1]

Considerasion xenerałi par el Copyright [ canbia | canbia el codaxe ]

Deroghe ai diriti par publica utiłita [ canbia | canbia el codaxe ]

Ła propieta inteletuałe pol esare ogeto de "espropio" par fini de publica utiłita, che prevalgono sull'interese del privato. In un caxo del xenere, rientra ła distrusion o ło spostamento a altro sito de un'opera d'arte anca contenporanea, par reałixar un'autostrada o na ferovia; opur ła produsion de un farmaco che xe masa costoxo acquistar dal lejitimo produtore, no riconosendo vałidita al breveto sul teritorio nasionałe e no pagando el copyright a ło scopritore in deroga a un breveto internasionałe depoxita all'estero (se trata de ła inportasion forsa e registrasion paralela).

Ła definision de publica utiłita, par quanto anpia e discresionałe, sołitamente riguarda prodoti tangibiłi, no ła fruision de servisi, come podaria esar un intratenimento muxicałe.

Durata e ereditarieta del copyright [ canbia | canbia el codaxe ]

Ła normativa prevede na durata del copyright limita inte el tenpo e variabiłe significativamente a seconda de ła categoria merceoloxica tutela (medisinałi, brani muxicałi, softuer, evc.).

El periodo de copyright dovaria consentir de 'vere un adeguato margine de guadagno e de recuperare i costi che i presede l'entrata in produsion e ła distribusion del prodoto. Ła durata, in linea de prinsipio, xe proporsionałe ai costi da remunerare. Tutavia no senpre ła proporsion vien rispeta. Par exenpio un brano muxicałe el ga na durata de copyright de 50 ani, mentre par un medisinałe, che el ga costi de riserca e sviłupo on fia magiori, el periodo de copertura xe d 30 ani.

Storicamente, ła morte del'autore cauxava l'estinsion del copyright. In seguito, el dirito d'autore xe pasa agli eredi del sogeto e quindi ła durata prevista da ła lexe xe prescritiva (30/70 ani in ogni caxo). Xe sta canbia anca ła distribusion dei marxini: all'editor toca talvolta pi dell'autore, tałora pi del 50% (a fronte de un equo marxine che par un intermediario xe xeneralmente intorno al 20%).

Dibatito so łee pene pa ła violasion del copyright [ canbia | canbia el codaxe ]

Inte łe lejislasion internasionałi xe frequente na tendensa all'equiparasion intra ła violasion del copyright e el reato de furto.

Existe un dibatito no soło sull'entita de łe pene che na simiłe equiparasion conporta, ma anca so ła reałe oportunita de acomunare łe do tipołoxie de reato. L'equiparasion al furto conporta infati un considerevołe inasprimento de łe pene.

Anałogo dibatito investe el rispeto del proporsionałismo intra łe pene rispeto a ła gravita del reato. El plagio , infati, prevede pene inferiori al furto (anca se l'utiłixo comerciałe xe un'agravante inte ła violasion de copyright). In sostansa, chi copia e vende opare in forma identica all'orixinałe comete un reato punio tanto p' severamente del plagio, o sia de chi aporta lievi modifighe e se apropia de na calche paternita sull'opera, traendone un serto profito.

Ło sviłupo tecnołogico e l'avento de Internet [ canbia | canbia el codaxe ]

Inte el XX secoło , l'avento dei riprodutori e in particołare del computer e de łe Rete internet , ga sotrtto uno dei cardini a ła baxe del copyright in senso clasico: o sia el costo e ła dificolta de riprodure e difondare sol teritorio łe opere, aspeti fino a alora gestii da ła corporasion dei editori dietro congruo conpenso o cesion dei diriti da parte dei autori. Cio ga rexo masa difisiłe ła tuteła del copyright come tradisionalmente intexo, e crea novi spasi par i autori.

El primo epixodio co eco internasionałe, se ga avuo a cavało intra el XX e el XXI secoło co el cussidito caxo Napster, uno dei primi sistemi de condivixion gratuita de file muxicałi, ogeto de enorme suceso a cavało del milenio. Ła ciuxura de Napster, avegnua inte el 2002 e xenera da łe denunse da i editori che i vardava el sistema cofa un concorente ai propi profiti, no'l ga risolto se no par breve tenpo i atriti. Novi programi de file sharing gratuito i xe sorti rinpiasando l'orixinałe Napster e vanificando i scopi de ła ciuxura. Secondo i operatori del merca dell'intratenimento, na costante diminusion de łe vendite de CD muxicałi xe scaturia da ła difuxion de sti sistemi e de ła progresiva obsołescensa dixitałe de ła presedente tecnołogia, obsolescensa dovua prinsipalmente all'ecesivo costo d'acuisto de materiałe orixinałe. ^[2] Questo ga danexa prinsipalmente el sistema corporativo e ingesa dell'industria discografega. I ghe xe, tutavia, autorevułi studi che i dixe el contrario.

El file sharing (scanbio e condivixion de file) de materiałe proteto dal copyright , se ga sviłupa e difondesto co l'inporse de łe tecnołogie enformatighe e del web , e in particołar modo grasie al sistema del peer-to-peer. Ła vełosita de sta difuxion e sviłupo, ga rexo difisiłe pa'l dirito industriałe internasionałe axornarse co ła medexima prontesa. Tanti anałisti internasionałi i xe drio acuxar infati ła prexensa de vodi normativi no omoxeneamente colmai.

Note [ canbia | canbia el codaxe ]

1. ↑ Inte i Stati Unii ła registrasion e l'apoxision del sinboło gaveva na eficacia costitutiva fino a ła riforma del 1976, caratere poi perso dopo tałe riforma cfr. Jarach-Pojaghi Manuałe del dirito d'autore Mursia p.96
2. ↑ Musica & Memoria, " El merca de ła muxega inte el 2006 ", 2006

So Wikipedia e voxi corełae [ canbia | canbia el codaxe ]

• Juto:Copyright
• Lexe e derito

• Wikimedia Commons el detien imajini o altri file so Copyright