( VEC )
≪ Fin a ła vitoria, senpre! ≫

( es )
≪ ¡Hasta la victoria, siempre! ≫

? Che Guevara

Ernesto Guevara pi noto come Che Guevara ( Rosario , 14 de zugno 1928 ? La Higuera , 9 de otobre 1967 ) xe sta un [[rivołusion |rivołusionario]] [[Argentina |argentin]].

El soranome de "Che" el ghe xe sta da dai so conpagni de łota cubani in Mesego , e el vien dal fato che Guevara, come tuti i argentini, el dixeva de frecuente l' ałocusion "che". Ła paroła ła deriva da ła łengua Mapuche e vol dir "omo", "persona", e ła xe sta ciapa inte ło spagnoło parla in Argentina e Uruguay , par ciamar l'atension de on interłocutor, o pi in xeneral, come on'esclamasion simile a "hey".

Biografia [ canbia | canbia el codaxe ]

Cronołogia [ canbia | canbia el codaxe ]

• 1928 - 1930 - El nase a Rosario el 14 de zugno ^[1] , primo de sinque fiołi, da Celia de la Serna e Ernesto Guevara Lynch. El ga pasa i primi du ani de vita inte el Nord de l'Argentina, inte ła xona de Misiones . El ga soferto de na forma cronica de asma e ła so fameja ła se ga trasferio so ła Sierra de Alta Gracia, visin a Cordoba.
• 1945 - 1950 - El se trasferise a Buenos Aires insieme a ła so fameja e el łaora come inpiegato munisipal pur frequentando ła Facolta de Medisina . El fa el so primo viajo de 4.500 km in motorin insieme al so mejor amigo Alberto Granado .
• 1951 - 1952 - El viaja atraverso el Ciłe e el Sud America fin a ła Florida .
• 1953 - El se laurea e el parte par on terzo viajo atraverso el Sud America, stavolta in compagnia de on altro amigo, Carlos Calica Ferrer . El taca a intaresarse a ła połitega e el se avisina al comunismo .
• 1954 - 1956 - El Conoce ła xovane peruviana Hilda Gadea che ła sposara inte el '56 . Da eła el ga avudo na fioła, Hildita. El se trasferise a Sita del Mesego . El Conose Fidel Castro e el vien aresta insieme a altri cubani. El vien łibarado dopo sirca du mexi de prexon.
• 1957 - 1958 -Come "dotor-guerijero" el partecipa al fianco de Castro a l'invaxion de ła Sierra Maestra a l' Avana e a ła Bataja de Santa Clara .
• 1959 - 1960 - El diventa sitadin cuban e el entra a far parte del governo castrista come ministro de l'Industria e presidente de ła Banca Nasional. Par on serto periodo el xe diretor del carsere La Cabana. El se marida co Aleida March da cui el gavaa quatro fiołi (Aleidita, Camilo, Celia, Ernesto). El fa viaji diplomateghi a l'estaro.
• 1961 - 1964 - El partesipa a ła conferensa dei stati mericani a Punta del Este . El vien meso al comando de ła Difexa durante ła crixi de ła Baia dei Porci . El incontra a Algeri Ben Bella , el partesipa a Mosca ai festejamenti par el 47.mo aniversario de ła Rivołusion de Otobre , el intervien a New York a l'asenblea de l' ONU . Inte sta sircostansa el pronuncia a ła tełevixion mericana on durisimo discorso indove el riaferma ła so poxisone anti-cavedałistega. El parte par on łongo viajo in Africa .
• 1965 - A marso el rientra a Cuba e l'apare par l'ultima volta in publico. El 1° de apriłe , inte na łetara a Castro, el anuncia łe so dimision da ogni carica e da sitadin cuban. Il mexe dopo el va segretamente in Congo par ajutar miłitarmente i rivoltoxi durante ła crixi del Congo. El ghe restara fin a novenbre quando - altretanto clandestinamente - el fa rientro a Cuba. Insieme a on grupo de fedełi tra cui Tania el prepara on piano de guerija par portar ła rivołusion in Bołivia .
• 1966 - A novenbre el 'riva soto falso nome in Bołivia e el taca a scrivare el "Diario" .
• 1967 - A causa de quache spion ła so posibiłe presensa in Bołivia ła zera sta segnała da ła stanpa. Nonostante sti avertimenti, l'exercito bołivian el xe ciapa de sorprexa durante alcune perlustrasion inte l'area del rio Nancaguazu, afluente del rio Grande.Nonostante sti primi sucesi, ła guerija no l'incontra l'apozo dexidera. Ł'opoxision de alcuni menbri del partio comunista bołivian, che i reclamava ła diresion de łe operasion, ła scarsa adexion de łe popołasion contadine, martełae da na propaganda nasionałista, contro l'invaxion straniera, da parte del governo ditatoriałe del generałe Barrientos , łe inospidałi rejon, coerte da boscaja spinosa e dexerti, e ła catura e sucesiva de ła sion, anca soto tortura, de alcuni menbri de ła guerija, i debiłita l'asion del Che. Ł'exercito fratanto el consołida łe poxision aumentando numaro e mesi dei conbatenti. Tra agosto e setenbre, oramai braca da forse sostansialmente superiori, ła so presensa ła vien segnała da alcuni contadini inte łe vałate tra el rio Grande e Pucara. Ł' 8 de otobre inte on scontro a fogo el vien ferio a łe ganbe e catura inte ła "quebrada del Yuro". El di dopo el vien copa a sangue fredo inte ła scoła del viłajo de La Higuera par ordene de Barrientos . Felix Rodriguez, agente de ła CIA de orixine cubana, consijer miłitar de l'exercito bołivian, el ga scata łe ultime foto in vita del Che.

Infansia e xoventu [ canbia | canbia el codaxe ]

Ernesto Guevara de la Serna el xe nato a Rosario , in Argentina , da na fameja de orixini spagnołe , basche e irlandexi . I xenitori i gerano Ernesto Guevara Lynch e Celia de la Serna.

Rełativamente a ła data de nasita a se ga notisie discordi: inte ła biografia pi conpleta e documentada, queła redata da Jon Lee Anderson a vien cita l'afermasion de so mare, ła cuałe ła ga dito che ła data coreta ła xe el 14 de majo . El zera el primo de sinque fradei (tre mas'ci e do femene). (Ma so pare el gavara da on secondo matrimonio co ła pitrice argentina Ana Maria Era altri 3 fiołi, Ramon, Maria Victoria e Ramiro)

Inte sta fameja, benestante e połiticamente de sanca , za da putin el futuro Che el se ga fato notar par el dinamismo e łe sinpatie radicałi.

Nonostante el sofrise de asma (małe che costrinxara i Guevara a trasferirse a Cordoba e che ło ga aflito tuta ła vita), el se ga dedica inte el sport , specialmente al rugby , co otimi risultati.

El ga studia dal 1941 inte el "Colegio Nacional Dean Funes" e, inte el 1948 , el se ga iscrito a l'Universita de Buenos Aires par studiar medisina . Dopo diverse interusion, el se ga łaurea inte el marso 1953 , ma - probabilmente - no el fa finio el tirocinio necesario par exercitar ła profesion medica.

El Sudamerica in moto [ canbia | canbia el codaxe ]

Quando el zera oncora studente, Guevara el ga pasa parecio tenpo a viajar in America Łatina . Inte el 1951 on so vecio amigo, Alberto Granado , el ga proposto a Guevara de ciapar on ano de pauxa dai studi in medisina par intraprendare el viajo atraverso el Sudamerica che par ani i se zera proposti de fare. Guevara e el so amigo Alberto i xe partii da ła sita de Alta Gracia a cavało de na moto Norton da 500 cc del 1939 . Ła so idea ła zera queła de pasar qualche setimana inte el lebroxario de San Pablo, in Peru , so łe rive del Rio de łe Amasoni , a far ativita de vołontariato. Guevara el ga cunta sto viajo inte el diario "Latinoamericana" ( Notas de viaje ) da cui - inte el 2004 - a xe sta trato el film I diari della motocicletta .

Dopo aver visto tanta mixeria e influensa da łe łeture marxiste, el finio col pensar che soło ła rivołusion ła gavaria podesto risolvare łe difarense sociałi e economeghe de l'America Łatina. I so viaj i ghe ga fornio anca l'idea de non vedare el Sudamerica come tante diverse nasion, ma come on'unica entita, par ła łiberasion de ła cuałe a zera necesaria na strategia de respiro continentale. El ga scuminsia a imaginar ła posibiłita de na Ibero-America unia e sensa confini, łigada da na stessa cultura ( mestizo ).

El Guatemała [ canbia | canbia el codaxe ]

Dopo ła łaurea a ła scoła medica de l'Universita de Buenos Aires inte el 1953 , Guevara el ga riscuminsia a viajar, vixitando Bołivia , Peru , Ecuador , Panama , Costa Rica , Nicaragua , Honduras e El Salvador . El xe riva infin in Guatemała dove el presidente Jacobo Arbenz Guzman el guidava on governo popułista che el zeercava de portare avanti na rivołusion sociałe atraverso varie riforme, soratuto fondiarie.

Guevara el ga ciapa contato anca co difarenti exułi cubani, łiga a Fidel Castro , tra cui Antonio "Nico" Lopez, che el gaveva ciapa parte a l'ataco de ła caxerma "Carlos Manuel de Cespedes" a Bayamo , inte ła provincia cubana de Oriente, e che el saria morto al ponte Ojo del Toro poco dopo ło sbarco a Cuba de ła Granma .

Guevara el zera 'nda par on periodo inte el Salvador par procurarse on novo visto e in seguito el zera ritorna in Guatemała. Inte el fratempo, el zera taca el colpo de Stato de Carlos Castillo Armas , messo in ato co l'apoxo de ła CIA. ^[2] Łe forze contrarie a Arbenz no łe zera sta grado de arestar el trasporto de łe armi ceche so ferovia. In seguito paro, riorganizae e dotae de suporto aereo, łe ga taca a guadagnar teren. Guevara el xe 'nda drento inte na miłisia armada organizada dai xovani comunisti, ma ben presto a xe ritorna ai so inpegni medeghi. A seguito del colpo de Stato, Guevara el se zera presenta vołontario, ma Arbenz el ga consija ai sostenidori dotai de sitadinanza estara de abandonar el paexe. Guevara par breve tenpo el se ga sconto inte el consołato argentin e po el se ga trasferio in Mesego .

El colpo de Stato contro Arbenz, apoza da ła CIA, el ga consołida l'opinion de Guevara che i Stati Unii i fuse na potens inperiałista, che ła saria sepnre 'nda contro i governi intensionai a ridure łe disparita economeghe, endemiche in America Łatina e inte i altri paexi in via de sviłupo. A sto punto el zera convinto che soło el sociałismo, ragiunto atraverso ła łota armada e difexo dal popoło in armi, el gavaria risolto i problemi dei paexi poariti.

Ła Rivołusion cubana [ canbia | canbia el codaxe ]

Poco dopo l'arivo in Mesego, el se ga rimeso insieme ai altri exułi cubani che el gaveva incontra in Guatemała. Quando Fidel Castro el xe riva a Sita del Mesego , so fradeo Raul el ghe ga presenta Guevara. Dopo aver ciacoła tuta na note, Guevara el se ga convinto che Castro el zera el cao rivołusionario che el zera drio sercar e el ga aderio al Movimento del 26 de lugjo che el gaveva intel programa de butare zo el ditator cuban Fulgencio Batista . Anca se i se zera mesi d'acordo che Guevara el saria sta el soło el dotor, el ga partesipa l'isteso a l'adestramento miłitar insieme ai altri menbri del movimento e, a ła fin del corso, el xe sta segnała da l'istrutor, el cołoneło Alberto Bayo , come el pi bravo de tuti. El 18 de agosto 1955 Guevara el se ga marida e el 15 de febraro 1956 a xe nata so fioła, Hilda Beatriz.

Quando, el 25 de novenbre 1956 , ła nave Granma ła xe partia da Tuxpan , in Mesego (provincia de Veracruz ) a ła volta de Cuba, Guevara el zera l'unico non cuban a bordo. El 2 de dicenbre i xe sbarca a La Playa de las Coloradas , na zona pałudoxa visin a Niquero (Cuba sudoriental). Poco dopo i xe sta atacai dai miłitari de Batista e ła meta de luri i xe morti in conbatimento o sta copa dopo ła catura. I sopravisui, sirca na ventina, i se ga riorganisa e i xe scapa so łe montagne de ła Sierra Maestra , par condure ła guerijia contro el regime.

Inte i ultimi di del dicenbre 1958 , el ga direto l'ataco condoto da ła so "squadra suicida" (on reparto che ga fato łe mision pi a ris'cio de l'exercito rivołusionario) ^[3] so Santa Clara . Ła xe sta una de łe bataje decixive de ła rivołusion, anca se ła serie de inboscade, prima durante la ofensiva so ła Sierra Maestra po' so ła Guisa e l'intiera canpagna de łe pianure de Cauto probabilmente łe ga avudo na major inportansa miłitar. Dopo esarse incorto che i so alti ofisiałi, come el generałe Cantillo che el gaveva incontra Castro ał zucherificio abandonado "Central America", i zera drio far na pace separa co Castro, Batista, el 1° de genaro 1959 , el scapa inte ła Republica Dominicana .

Inte el governo cuban [ canbia | canbia el codaxe ]

El 7 de febraro 1959 , el novo governo el ga nomina Guevara "Sitadin cuban par dirito de nasita". Poco dopo, Guevara el ga scuminsia łe procedure de divorsio da Hilda Gadea. El 2 de zugno 1959 , el ga spoxa Aleida March, na cubana che ła faxeva parte del Movimento del 26 de lujo.

El e sta nomina comandante de ła prexon de San Carlos de La Cabana a L'Avana , e, par i sie mixi de incarico (dal 2 de genaro al 12 de zugno 1959 ) ^[4] , el ga sovrintexo ai procesi e a łe execusion de parece persone (secondo alcune stime 20 000), comprexi ex ufisiałi del rexime de Batista, menbri del BRAC ( Buro de Represion de Actividades Comunistas , "Ufficio repression attivita comuniste", na połisia segreta), acusai de crimini de guera e disidenti połiteghi. Mentre el faxeva el procuratore miłitare el ga influio so ła sorte (avendo ła posibiłita de dare o manco l'apeło) de alcuni tra i condana a ła pena cavedal (fonti diverse łe riporta da 55 a "sirca domiła" ^[5] ) tramite fuxiłasion acusai de crimini de guera, torture e omisidi. Secondo Orlando Borrego ^[6] Guevara el ga fato oservare tute łe regołe procesuałi e el xe sta acusa adiritura de far 'ndar pian i procesi par "exigere eceso de ełementi probatori". Secondo Tony Saunois a xe sta condanai quełi ca zera sta responsabiłi de torture e asasini durante ła ditatura de Batista . In seguito, Guevara el xe diventa dirigente de l'Istituto Nasional par ła Riforma agraria e po' presidente de ła Banca Nazionale de Cuba.

Za dal 1959 , Guevara el ga ajuta a organixar tentativi rivołusionari, a Panama e po' inte ła Republica Dominicana .

Inte el 1960 Guevara el ga ciapa parte socorsi a łe vitime in seguito a l'esploxion de ła nave La Coubre . Mentre l'operasion de salvatajo ła zera in corso, a xe sucesa na seconda esploxion. I morti i xe sta oltre sento. ^[7] A xe sta inte sta ocaxion che Alberto Korda el ga fato ła so fotografia pi famoxa. A no' xe oncora ciaro se ła nave ła fuse sta sabota o se ła xe esploxa par on insidente. Quei ca xe par ła teoria del sabotajo i tende a atribuirlo a ła Central Intelligence Agency ^[8] e de frecuente i atribuise ła colpa a William Alexander Morgan ^[9] on rivałe de Guevara inte łe forse anti-Batista de łe province sentrałi, che pi tardi el saria 'nda drento ła CIA. Alcuni exułi cubani i porta invese avanti ła teoria secondo ła cuałe l'atentato el saria sta fato dai fiłosovieteghi, nemighi de Guevara ^[10] .

El Che inte el 1960 el ga inaugura el primo canpo de rieducasion, precixamente inte ła penizoła de Guanaha.

Dopo i insucessi come diretor de l'Istituto Nasional par ła Riforma Agraria e de ła Banca Nasional de Cuba, Guevara el xe sta nomina ministro de l'industria. Inte sta poxision, el ga da el so contributo a modełare el sociałismo cuban, diventando una de łe figure połiteghe pi inportanti de l'izoła. Inte el so livro Sulla guerriglia , Guevara el ga sostegnuo el modeło cuban de rivołusion, scuminsia da grupeto de guerijeri ( foco ), sensa ła necesita de ricorare a grandi organizasion che i sostegnese l'insuresion armasa ( dotrina del fogołar ). Sta strategia pi tardi ła saria fałia in Bołivia .

Durante l'invaxion de ła Baja dei Porci ( 1961 ), Guevara no el ga partesipa ai prinsipałi conbatimenti, parche el zera sta asegnado da Castro a on comando inte ła provincia pi osidental de Cuba, Pinar del Rio , dove el ga respinto on tentativo d'invaxion. Intanto che el zera drio espletare sto incarico el se ga ferio in faciao, el ga aferma in seguito ca zera sta ła so pistoła che ła gaveva spara asidentalmente.

Guevara el ga xuga on ruoło inportante inte ło schieramento a Cuba dei misiłi bałisteghi sovieteghi, armai co testate nucleari, cauxa de ła crixi de l'otobre 1962 .

Ł'ałontanamento da Cuba [ canbia | canbia el codaxe ]

Inte el dicenbre del 1964 Guevara el xe 'nda a New York in cuałita de cao de ła dełegasion cubana e el ga tegnuo on discorso a l'asenblea xeneral de l'ONU ( ascolta , A ghe xe bisogno de RealPlayer ; opure lexi Archivia il 21 de zunjo 2006 in Internet Archive . ). Inte che l'ocaxion, el xe 'nda fora inte el programa d'informasion Face the Nation so ła CBS e el ga incontra diverse personałita e esponenti de grupi połiteghi. Tra questi, el senador statunitense Eugene McCarthy , conponenti del gruppo guida da Malcolm X e da ła radicałe canadexe Michelle Duclos ^{[11] [12]} . El 17 de dicenbre el xe xoła a Pariji , scuminsiando on viajo de tri mixi, dove che el ga vixita ła Republica Popołare Cinexe , l' Egito , l' Algeria , el Ghana , ła Guinea , el Mali , el Dahomey , el Congo-Brazzaville e ła Tanzania , co soste in Irlanda , a Pariji e a Praga . A Algeri , el 24 de febraro 1965 , el ga fato l'ultima aparision publica sol palcosienico internasional, intervegnendo al "Secondo seminario economego so ła sołidarieta afro - axiatica". Inte el so discorso el ga dichiara: "Inte sta łota fin a ła morte a non ghe xe frontiere. Non podemo restar indifarenti davanti a quanto a sucede inte ogni parte del mondo. Na vitoria de qualsiasi nasion contro l'inperiałismo ła xe na nostra vitoria, come na sconfita de qualsiasi nasion ła xe na nostra sconfita" ^{[13] [14]} . El ga sorprexo tutti proclamando che "I paexi sociałisti i ga el dovere moral de łiquidar el so siłensio conplice co i paexi sfrutadori del mondo osidental". El ga po dełinea anca na serie de mixure che, secondo łu, i paexi del bloco comunista i gavaria dovesto ciapar par rivar a sto scopo ^{[15] [16]} . El xe ritorna a Cuba el 14 de marso , ricevuo sołenemente a l'aeroporto de Ł'Avana da Fidel e Raul Castro, Osvaldo Dorticos e Carlos Rafael Rodriguez. Do setimane dopo, Guevara el se ga ritira da ła vita publica e el xe spario. Dove chel fusse el xe resta el grande mistero cuban par tuto el 1965 , anca se el zera senpre genericamente considera el "numaro do" del rexime dopo Castro. Ła so łatitansa ła zera sta variamente atribuia al rełativo insuceso del piano d'industriałizasion che el gaveva porta avanti da ministro de l'industria, a łe presion fate so Castro dai Sovieteghi, ałarmai da łe tendense fiło cinexi de Guevara, inte on momento indove ła fratura tra Mosca e Pechin la se zera drio aprofondir, opure a dixacordi tra Guevara e el resto de ła dirigenza cubana so ło sviłupo economego de l'izoła e so ła so łinea połitega. A xe anca posibiłe che Castro el fusse difidente da ła popołarita de Guevara, che ła podeva farlo diventar na minacia. I criteghgi de Fidel i aferma che łe so spiegasion so ła sconparsa de Guevara łe xe senpre pareste sospete e pareci i cata sorprendente che Guevara no el ga mia dito łe so intension in publico, ma soło inte na łetara priva de data a Castro.

Ł'orientamento fiło cinexe de Guevara el zera senpre pi problematego par Cuba , man a man che l'economia del paexe ła diventava senpre pi dipendente da l' Union Sovietega . Dai primi di de ła rivołusion cubana, Guevara el zera sta considera on sostenidor de ła strategia maoista inte l' America Łatina . El so piano par na rapida industriałizasion de Cuba par pareci ła zera conparabiłe a ła canpagna cinexe del grande balzo in avanti .

Durante ła crixi de l'otobre 1962 , Guevara el ga percepio come on tradimento sovietego ła decixion - ciapa da Nikita Khru??ev sensa consultar Castro - de ritirare i misiłi da Cuba. El xe diventa quindi pi sietico inte i confronti de l' URSS . Come ca zera emerso dal so ultimo discorso a Algeri, el gaveva taca a vedar l'emisfero setentrional, guida a ovest dai Stati Unii e a est da l'Union Sovietega, come unica entita sfrutatora de l'emisfero meridional.

Dopo che Che Guevara el zera spario da ła circołasion, Castro, el 16 de zugno 1965 , el ga dito che l'opinion publica ła saria sta informa so Guevara quando ło isteso Guevara ło gavaria ritegnuo oportuno farlo. Il 3 de otobre de queło isteso ano, Castro el ga rexo publica na łetara priva de data ^[17] presumibilmente scritaghe da Guevara difarenti mixi prima, inte ła cuała el riaffermava ła so sołidarieta co Cuba, ma el dixeva anca ła so intension de abandonar l'izoła e de 'ndar a conbatare da altre parti par ła Rivołusion. Inte ła stessa łetara Guevara l'anunciava de dimetarse da tute łe cariche che l'ocupava, inte el governo, inte el partio e inte łe forse armade. El ga rinuncia anca a ła sitadinansa de Cuba, che ła ghe zera sta concesa inte el 1959 par i so meriti inte ła rivołusion.

In Congo [ canbia | canbia el codaxe ]

Durante on incontro, dura tuta ła note tra el 14 e el 15 de marso 1965 , Guevara e Castro i se ga cata d'acordo sol fato che el Che el gavaria guida personalmente ła prima asion miłitar cubana in Africa .

Ł'operasion cubana inte l'ex Congo Belga (pi tardi Zaire e atualmente Republica Democratega del Congo ) ła zera finałizada al sostegno del movimento marxista dei Simba, favorevołe a Patrice Lumumba .

Durante ła mision africana, par oun serto periodo Guevara el xe sta asistio dal cao guerijero Laurent-Desire Kabila , che l'ajutava i sostenidori de Lumumba a condure na rivolta, sopresa da l'exercito congołese inte el novenbre de queło steso 1965 . Guevara el ga considera Kabila insignificante, scrivendo de lui "Gnente a me fa credare che el sia l'omo adato al momento". ^[18]

Guevara el gaveva 37 ani e non el gaveva mai avudo on'istrusion miłitar formałe. Ła so asma ła ghe gheva infatti evita el servisio miłitar in Argentina, on fato de qual el era sta contento, viste łe so opinion pułiteghe de opoxision al goerno. E gheva, tutavia, łe esperiense de ła rivołusion cubana, in particołare ła marcia so Santa Clara, che ła xe sta basiłare inte ła vitoria final de łe forse castriste.

Mercenari sudafricani e britannici come Mike Hoare e exułi cubani i ga łaora co l'exercito congołese par ostacołar i piani de Guevara. I xe sta in grado de monitorare łe comunicasion dei reparti ai ordeni del rivołusionario argentin, de tendare inboscade ai guerijeri e a łe trupe cubane ogni volta inte ła cuała i tentava de atacar, de interonpare łe łinee de rifornimento de Guevara. ^{[19] [20]} El propoxito de Guevara el zera queło de esportar ła rivołusion cubana indutrinando i Simba a l'ideołogia comunista insegnandoghe łe stratexie de ła guerija. Ł'inconpetensa, el setarismo e łe łote intestine de łe varie fasion congołexi łe zera sta indicae da Guevara come łe prinsipałi raxon del fałimento de ła rivolta.

Dopo sete mixi, mała, sofarente par l'asma e zo de moral par łe aversita, Guevara el ga abandona el Congo co i cubani sopravisi. A on certo punto, Guevara el zera sta tenta de rimandare a Cuba soło i ferii, restando a conbatare da łu soło in Congo fin a ła fine, par ofrir on exenpio ai rivołusionari. I so conpagni d'arme e du emisari de Fidel Castro i ło ga convinto paro a łasare el canpo de bataja.

Dal momento che Fidel Castro el gaveva meso de dominio publico ła łetara che Guevara el ghe gaveva manda, indove el rivołusionario argentin el ghe scrito de ła so intension a tajar tuti i łigami co Cuba par dedicarsi intieramente a ła rivołusion inte łe altre parte del mondo, el Che non ła se ga sentia moralmente de tornar indrio e el ga pasa i sucesivi sie mixi vivendo da clandestin a Dar-es-Salaam , Praga e inte ła Republica Democratega Todesca . Durante sto periodo, el ga scrito łe so memorie so l'esperiensa in Congo e el ga taca a ełaborar altri du livri, uno de fiłoxofia ( Apuntes Filosoficos ) e uno de economia ( Notas Economicas ).
In tuti sti mexi, Castro el ga serca de convinsarlo afinche el tornase indrio, ma Guevara el ga aceta soło quando el vołeva aprofitar par preparar na nova inpresa rivołusionaria in America Łatina e che ła so presensa ła saria sta sconta.

In Bołivia [ canbia | canbia el codaxe ]

Ła guerija [ canbia | canbia el codaxe ]

Łe ipotexi so dove Guevara el podese esare finio łe xe sta ojeo de dibatito par tuto el 1966 e i primi mixi del 1967 . El zera sa visto ai scuminsi del 1967 a Dar el Salaam co i rappresentanti del movimento indipendentista moxanbican FRELIMO . Inte on discorso del 1° de majo 1967 a l'Avana , el ministro de łe forse armade faxente funsion, magior Juan Almeida , el ga dito che Guevara el zera drio "servir ła rivołusion da qualche parte inte l'America Latina".

So domanda de Fidel Castro, on toco de tera inte na zona distante el zera sta conpra dai comunisti bołiviani parche Guevara ło doparasse come baxe e canpo d'adestramento. Probabilmente, par Guevara e i cubani che i ło aconpagnava, la sielta de non tacare a conbatare subito, ma de adestrarse inte sto canpo inte ła rejon de Nancahuazu el ga conporta pareci ris'ci.

El reparto de Guevara, conposto da sirca 50 combatenti e ciama ELN ( Ejercito de Liberacion Nacional de Bolivia ), el zera ben equipaja e in scuminsio el ga conseguio on serto numaro de sucesi contro łe forse bołiviane, sora on teren difisiłe e montagnoxo de ła rejon de Camiri. In setenbre, tutavia, l'exercito el xe riusio a ełiminar du grupi guerijeri, copandoo uno dei cai.

Nonostante ła natura viołenta del conflito, Guevara el ga da cure mediche a tutti i miłitari bołiviani che i guerijeri i ga ciapa prexonieri e, de seguito, i łi ga łassa 'ndar. Anca dopo l'ultima bataja de Quebrada del Yuro, indove el xe sta ferio e ciapa, quando el xe sta condoto inte on sentro de detension provisoria e el ga visto che li a se catava difarenti miłitari bołiviani restai ferii inte el conbatimento, el se ga oferto de fornirghe asistenza medica (oferta rifiutada da l'ufisial bołivian in comando) ^[21]

In reałta l'ipotexi che el Che el fusse drio preparar ła rivołusion in Bołivia ła pare non esare coreta. A xe pi probabiłe, come a conferma anca łe ricerche del giornałista bołiviano Jose Luis Alcazar, che el fusse drio preparar na scoła d'adestramento par guerijeri, par portar inte on secondo tenpo ste forse a sud e 'ndar drento el so Paexe d'orijine, l' Argentina . ^[22]

Catura e execusion [ canbia | canbia el codaxe ]

Za da pi de on mexe, dal 31 de agosto, l'avanguardia de Guevara ła zera resta da soła dopo l'anientamento da parte de l'exercito de ła retroguardia comandada da Joaquin , a Puerto Mauricio, sol rio Grande .

Guevara, durante i primi di de otobre, ormai co poche informasion, senza vivari e co scarse vie de scampo, el se gheva rifuja inte on canałon ( quebrada ) dove el xe sta sirconda da forse miłitari preponderanti. Chi Guevara el xe sta catura da l'exercito bołivian, insieme a altri guerijeri, l'8 de otobre del 1967 inte ła quebrada del Yuro, a pochi km dal viłajo de La Higuera . El se ga 'rendu dopo esar sta ferio a łe ganbe e dopo che el so fuxiłe el zera sta distruto da on projetiłe.

Barrientos , apena informa de ła catura, el ga da l'ordene de coparlo, ma el ga fato girar on comunicato indove el afermava che Che Guevara el zera morto in conbatimento. Guevara el xe sta sara drento ła scoła del paexe, dove el ga pasa ła note. El xe sta copa inte el primo pomerijo sucesivo da Mario Teran , on sergente de l'exercito sielto a sorte tra i vołontari. Guevara el ga dito diverse parołe prima de ła morte. A se ga dito che el gavaria acolto cusi el so asasin: "A so ca te si chi par coparme. Spara dunque, codardo, i te si soło drio copar on uomo". ^[23] El so corpo el xe sta porta a Vallegrande, dove a l'ospedałe el xe sta mostra a ła stanpa. ^[24] Łe fotografie fate ałora łe ga fato nasare lexende come quełe de San Ernesto de La Higuera e El Cristo de Vallegrande Archivia il 1º de lujo 2006 in Internet Archive . . ^[25] . Dopo che un dotor miłitar el ga taja łe man al cadavare, l'exercito bołivian el ga fato sparir el corpo, rifiutandose de dire se i resti i fuse sta sepełii o bruxa.

Ła cacia a Guevara in Bołivia ła xe sta guida da Felix Rodriguez , on agente de ła CIA che el zera sta infiltra a Cuba par ciapar contato coi rebełi dei Monti Escambray e co anbienti anti castristi de l'Avana prima de l'invaxion a ła Baia dei Porci e che el zera sta co suceso fato 'ndar fora da l'izoła dopo el fałimento del sbarco. ^{[26] [27]} Rodriguez el ga riferio ła notisia de ła catura al quartier general de ła CIA a Langley , in Virginia , servendose de diverse stasion de l'Agenzia situae in Sud America. Dopo l'execusion, Rodriguez el se ga tegnu l'orołojo de Che Guevara.

On altro fato, de minor riłevanza, łiga a ła catura e a ła morte de Guevara el xe sta l'aresto de Regis Debray . Inte l'avril del 1967 łe forse governative bołiviane łe ga catura Debray, on xovane fransexe , profesor de fiłoxofia a l'Universita de l'Avana, che el gaveva studia a l' Ecole Normale Superieure col fiłoxofo marxista Louis Althusser , ^[28] acusandoło de cołaborar a ła guerija. Debray el ga dichiara co forsa de laorar soło come xornałista e el ga riveła che Guevara, sconparso da tempo, el zera drio guidar ła guerija. El proceso a Debray (che el xe diventa on caxo internasional) el zera apena taca quando łe autorita bołiviane, l' 11 de otobre , łe gheva riporta (falsamente) che Guevara el zera sta copa inte ło scontro co łe forse governative dei di prima.

El 15 de otobre Castro el ga riconosesto publicamente ła morte de Guevara e el ga proclama tre di de luto nasional. Ła morte del Che ła xe sta vista come on grave fałimento par i movimenti rivołusionari d'inpronta sociałista operanti inte l' America łatina e inte el resto del terzo mondo .

Inte el 1997 i resti del cadavare de Guevara i xe sta exuma visin a ła pista de voło a Vallegrande e riportai a Cuba. El 17 de otobre 1997 , i suoi resti, asieme a quełi de sie altri combatenti cubani morti durante ła canpagna in Bołivia, i xe sta tumułai co tuti i onori miłitari inte on mauxołeo costruio apoxitamente inte ła sita de Santa Clara, dove trentanove ani prima el gaveva vinto queła che zera sta ritegnua ła bataja decixiva de ła rivołusion cubana.

El monumento el xe coreda da na grande statua co ła scrita "Hasta la victoria siempre" e da na łapide recante ła parte inisiałe del testo del famoxo ordene de servizio firma da Fidel Castro el 21 de agosto 1958 , col cuało a vegneva comunicae łe istrusion operative par ła cołona numaro 8, comanda da Guevara: "Se asigna al comandante Ernesto Guevara la mision de conducir desde la Sierra Maestra hasta la provincias de Las Villas una Columna rebelde y operar in dicho teritorio de acuerdo co el plan estrategico del Ejercito rebelde" .

So ła guerija [ canbia | canbia el codaxe ]

El livro del Che "Sulla Guerriglia" el xe sta considera par on serto tenpo come on testo definitivo inte ła strategia par conbatare guere iregołari. Secondo altri, invese, ła so catura in Bołivia ła testimonia come, in materia, a non exista strategie rixołutive. Che Guevara el zera convinto che el consenso popołar el fuse indispensabiłe par ła rivołusion, e che sensa questo a non fuse posibiłe portar avanti nisun movimento rivołusionario. In realta, specialmente in Bołivia, l'idealismo del Che el se ga scontra co na realta pi conplesa de queła che ła podeva parer inte on primo momento. I contadini de frecuente i vardava co difidensa i foresti che i dixeva de conbatare par luri, e el grupo de Guevara el xe resta progresivamente senpre pi izołado.

So łe cause de l'insuceso bołivian a xe pexa anca el contesto internasional: i partii comunisti bołiviani no i ga cołabora a ła insuresion projeta, e in cheła faxe dełicada de ła guera freda ogni tentativo de ripropore ła "rivołusion mondiałe" no el zera ben visto inte i pi grandi paexi del bloco sociałista.

Poeta e sagista. El Guevara "sconosesto" [ canbia | canbia el codaxe ]

Sicuramente manco conosesto, esiste anca un Guevara autor de poexie, saji letarari e storeghi. Sti ultimi in particołar no i manca de acutesa, e i se aconpagna a inportanti oservasion połiteghe, come a xe posibiłe par exenpio riscontrar inte el comento che el ga scrito sol livro de Pablo Neruda "Canto Generale". Infati, al contrario de pareci miłitari e omani d'armi, el Che el zera estremamente colto e el pol esare definio on fiłoxofo. Tutavia el zera pi on omo d'asion che on poeta e on fiłoxofo. Riguardo a ła so pasion par ła łeteratura e ła poexia, a xe sta cata on so quaderno de racolte de citasion e publica col titoło Prima di morire - Appunti e note di lettura

Icona rivołusionaria [ canbia | canbia el codaxe ]

Ała fin dei ani '60 Guevara el diventa on'icona mondial par queła parte de xoventu che ła se riconose inte i so ideałi rivołusionari. Anca adeso Ernesto Guevara el xe visto come ła figura de l'eroe ideal, na sorta de eroe sofocleo , che no el xe bon de far conpromesi a costo de ła so stesa vita.

Guevara el xe sta interpreta al cinema da Francisco Rabal (1968), Omar Sharif (1969), Antonio Banderas (1996), Alfredo Vasco (1999), Gael Garcia Bernal (2002) e (2003) e Eduardo Noriega (2005).

Riferimenti e note [ canbia | canbia el codaxe ]

Opare de Che Guevara [ canbia | canbia el codaxe ]

• Prima di morire - Appunti e note di lettura
• Diario della rivoluzione cubana ( Pasajes de la guerra revolucionaria ), Newton & Compton ( ISBN 88-8289-753-2 )
• Latinoamericana ( Notas de viaje ), Feltrinelli ( ISBN 88-07-81259-2 )
• La guerra di guerriglia ( La guerra de guerrillas ), Baldini&Castoldi ( ISBN 88-8490-347-5 )
• Pułitega e sviluppo ( Pułitega y desarrollo ), Baldini&Castoldi ( ISBN 88-8490-509-5 )
• L'economia ( Che y la economia ), Baldini&Castoldi ( ISBN 88-8490-510-9 )
• Diario in Bolivia ( Diaro del Che in Bolivia ), Feltrinelli ( ISBN 88-07-80580-4 )
• Poesie , Liguori ( ISBN 88-207-3464-8 )
• La conquista della speranza (scritto co Raul Castro), Net ( ISBN 88-515-2227-8 )
• I giovani ( Che y la joventud ), Baldini&Castoldi ( ISBN 88-8490-348-3 )
• Creare due, tre, tanti Vietnam ( Mensaje a los publos del mundo a traves de la Tricontinental ), Baldini&Castoldi ( ISBN 88-8089-156-1 )
• Cuba: eccezione storica o avanguardia nella lotta al colonialismo? ( Cuba, ¿excepcion historica o vanguardia in la lucha contra el colonialismo? ), Baldini&Castoldi ( ISBN 88-8089-106-5 )
• Il socialismo e l'uomo a Cuba ( El socialismo y el hombre in Cuba ), Baldini&Castoldi ( ISBN 88-8089-108-1 )

Varda anca [ canbia | canbia el codaxe ]

• Comunismo
• Sociałismo

Persone [ canbia | canbia el codaxe ]

• Alberto Granado
• Fidel Castro
• Raul Castro

Film so Che Guevara [ canbia | canbia el codaxe ]

• I diari della motocicletta (ARG/USA 2004) de Walter Salles co Gael Garcia Bernal
• Che Guevara (USA 2005) de Josh Evans co Eduardo Noriega

Cansoni su Che Guevara [ canbia | canbia el codaxe ]

• Hasta Siempre (conosesta anca come Hasta siempre comandante ): composta inte el 1965 da Carlos Puebla
• La Zamba del Che : scrita inte el novenbre 1967 da Ruben Ortiz Fernandez
• Anch'io ti ricordero : publica inte l'album Endrigo de Sergio Endrigo ( 1968 )
• Cancion para el Hombre Nuevo : publicata inte l'album Canciones para el Hombre Nuevo de Daniel Viglietti ( 1968 )
• Song for Che : publica inte l'album Liberation Music Orchestra de Charlie Haden ( 1969 )
• El Aparecido : scrita da Victor Jara, publicata inte l'album La nueva cancion chilena dei Inti-Illimani ( 1974 )
• Si el poeta eres tu : publica inte l'album Querido Pablo de Pablo Milanes ( 1981 )
• 1° aprile 1965 : publica inte l'album Pane e rose da Angelo Branduardi ( 1988 )
• Che Guevara : Titoło de on album dei The Clash ( 1992 )
• Il comandante Che : publica inte l'album Ufficialmente dispersi de Loredana Berte ( 1993 )
• Cohiba : publica inte l'album Il dado de Daniele Silvestri ( 1996 )
• Transamerika : publica inte l'album Terra e liberta dei Modena City Ramblers ( 1997 ).
• Celia De La Serna : publica inte l'album Il bandolero stanco de Roberto Vecchioni ( 1997 )
• Jamas : publica inte l'album La prova de Raf ( 1998 )
• Stagioni : publicata inte l' album omonimo de Francesco Guccini ( 2000 )
• Poema al Che : publica inte l'album Ernesto Che Guevara (racolta de canson su Che Guevara) de Juan Carlos "Flaco" Biondini ( 2001 )
• Canzone par Che : publica inte l'album Ernesto Che Guevara (racolta de canson so Che Guevara) dei Skiantos ( 2001 )
• 'Nada Mas : publica inte l'album La paloma enamorada de Atahualpa Yupanqui ( 2002 )
• Canzone par il Che : publica inte l'album Ritratti de Francesco Guccini ( 2004 ) (testo de Manuel Vazquez Montalban e Francesco Guccini - muxega de Juan Carlos Biondini )
• Tre passi avanti publica inte l'album Tre passi avanti dei Bandabardo (2004) (testi e muxega dei Bandabardo)
• Isola grande : publica inte l'album Passi d'autore de Pino Daniele ( 2004 )
• Adelante : publica inte l'album La danza dei sogni dei Trenincorsa ( 2007 )

Altri projeti [ canbia | canbia el codaxe ]

• Wikimedia Commons el detien imajini o altri file so Che Guevara

Łigamenti foresti [ canbia | canbia el codaxe ]

• Recordando al Che Da Fusi Orari.org, na riflesion so ła figura de Che Guevara in ocaxion del quaranteximo aniversario da ła sconparsa
• L'Eredita di Che Guevara Archivia il 24 de marso 2008 in Internet Archive .

- Rasegna de avegnimenti in ocasion del 40° aniversario de ła morte de Ernesto Che Guevara (1967-2007)

• "Il Che...era mio padre" Archivia il 23 de marso 2008 in Internet Archive .

- Parla Camillo Che Guevara, el fioło

• ( ES ) Che, Guia y Ejemplo: Archivia il 10 de setenbre 2011 in Internet Archive .

- Racolta de imagini, video, łetare e cansoni dedicade al Che

• ( ES ) Che Guevara: anatomia di un mito - Video visin a łe poxision dei exułi cubani, critego inte i confronti de Che Guevara
• Lettere
• Opere di Che Guevara Archivia il 17 de disenbre 2006 in Internet Archive .

• ( EN ) marxists.org Racolta de informasion, testi e imagini sol Che
• Trascrision de discorsi e testi scriti da Che Guevara Archivia il 24 de otobre 2004 in Internet Archive .

• Articolo di Alvaro Vargas Llosa su Che Guevara apparso originariamente su The New Republic e, in italiano, su Il Corriere della Sera
• Il Socialismo e l'uomo a Cuba in italiano Archivia il 21 de marso 2008 in Internet Archive .

• Articolo di N. Chomsky sull'aggressione USA a Cuba subito dopo la rivoluzione Archivia il 23 de marso 2008 in Internet Archive .

Note [ canbia | canbia el codaxe ]