Cardenałe

Da Wikipedia, l'enciclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Cardinałe


Stema cardenałisio

El cardenałe (el tituło formałe intiero el ze cardenałe de Santa Romana Ceza , in latin : Sanctae Romanae Ecclesiae Cardinalis [1] ) inte ła Ceza catołega el ze un preła dezigna dal papa , al cuało el ghe ze suito soto inte ła zerarchia catołega , so direto cołaboratore in acordo col codaze de derito canonego [1] . Sta cołaborasion ła se ezersita cuerzendo i pi inportanti incarghi inte ła Curia romana (prezidensa de organi o dicasteri) o sano cofa vescovi de łe diocezi inportanti inte el mondo, considerae cardenałisie par inportansa o tradision ecleziałe.

I cardenałi inte ła so union i forma el cołejo cardenałisio , presiedesto dal cardenal decan , e ła so reunion soto ła presidensa del papa ła ze dizesta concistoro . I cardenałi rezidenti inte ła Sita del Vategan o a Roma i otegne ła sitadinansa del Stato de ła sita del Vategan .

Ai cardenałi, dopo ła morte o ła renunsa del pontefego, conpete in pi l'ełesion del novo vescovo de Roma inte na asenblea dizesta conclave . Anca se de norma el papa el vien decidesto intra i cardenałi stesi, de iure podaria vegner sełesiona anca un omo sełebe e bateza, esterior al cołejo cardenałisio; tutavia tal evegnensa inte ła storia de ła Ceza ła ze avegnesta racuanto de raro.

Drio del Catechismo de ła Ceza Catołega (n. 1536), el sacramento del ministero apostołego el conporta tre gradi : episcopa, presbitera, diacona [2] : ła dignita cardenałisia no ła vien de consevensa un ministero ordena (no el ghe ze mai sta un sacramento par ła dignita e l'ufiso del cardenałe) e no el re-entra inte ła strutura zerarchega "de derito divin" (o sia cueła che ła Ceza ła pensa esare stada istituia diretamente da Jezu Cristo ).

I chiereghi erlevai a ła dignita cardenałisia, a l'episcopa, o ecuiparai al vescovo diocezan, i ze obligai personalmente a ła profesion de fede [3] , ła cuała formuła, in vigor partindo dal 1º de marso del 1989 , ła ze conponesta dal sinboło niseno-costantinopułitan sevita da ła profesion de fede inte ła Paroła de Dio scrivesta o trasmetesta (cofa: Sacre Scriture, Concili , Pari ), e inte i dogmi proclamai dal Mazistero ordenario e universałe [4] . El respetivo ministero el ze ezersita co dilizensia e fedelta in magnera conformada al manda apostołego de servisio e de edifegasion pastorałe miranti a ła comunion diacronega dei credenti in Jezu Cristo [5] .

Notasion [ canbia | canbia el codaxe ]

  1. ↑ 1,0 1,1 Cosi la dicitura nel Can. 349 CIC
  2. ↑ La celebrazione del ministero cristiano vatican.va . entrada il 12 luglio 2011 (archivia dal URL orizenałe il 13 marzo 2011 ) .
  3. ↑ Canone 833 del Codice di Diritto Canonico vatican.va . entrada il 1º settembre 2015 (archivia dal URL orizenałe il 20 settembre 2015 ) .
  4. ↑ Professione di fede e giuramento di fedelta nell'assumere un ufficio da esercitare a nome della Chiesa .
  5. ↑ Mons. Dr. Gerhard Ludwig Muller (Prefetto della Congregazione per la Dottrina della Fede), Il ministero del vescovo nella comunione dei credenti. vatican.va . entrada il 23 luglio 2018 (archivia dal URL orizenałe il 12 giugno 2018 ) .


Altri projeti [ canbia | canbia el codaxe ]


Linganbi foresti [ canbia | canbia el codaxe ]






Controło de autorita LCCN ( EN )  sh85020199  · GND ( DE )  4163313-1  · BNF ( FR )  cb11931114p (data)  · BNE ( ES )  XX526060 (data)
Traesto fora da Wikipedia - L'enciclopedia łibara e cołaboradiva in łengua Veneta " https://vec.wikipedia.org/w/index.php?title=Cardenałe&oldid=1162455 "