Ayrton Senna da Silva
(
San Paolo del Brasil
,
21 de marso
1960
?
Bologna
,
1° de majo
1994
) l'e sta un dei pi amadi coridori de
Formuła 1
.
El ga vinto tri titołi mondiałi e el ga fato anca dei inportanti record de ła Formuła Uno, tra quei queo de łe
pole position
. El sa copa in on incidente de gara inte el
Gran premio de San Marin
inte el 1 majo
1994
, mentra el ghera drio guidar na
Williams-Renault
. El x'e sta tri olte canpion del mondo de formula 1 (1988, 1990, 1991).
Dopo na bona trafila inte łe formule minori (canpion de
Formula 3 inglese
inte el
1983
), el ga debuta un Formula 1 inte el
Gran Premio del Brasil
1984
su
Toleman-Hart
. Inte ła so prima stagion ga subito da proa de esar on talento ecesional, cogliendo par la picenina scuderia nglese resultadi otimi, su tuti el clamoroso seondo piazamento inte el
Gran Premio di Monaco
, desputado soto on diluvio incredibil. La gara la xe sta interota proprio par l'enorme quantita de acua che la ghera sula pista, e a Senna, che el recuperava sie secondi par giro su
Alain Prost
) la ghe sta nega na vitoria ormai segura.
La prima scuderia a meterghe i oci su de lu xe sta ła
Lotus
, che el ga ingagia par el
1985
. Ala seonda gara col team inglese, Senna el ga ciapa subito la vitoria inte el
Gran Premio de Portogalo
, anca 'sto qua disputado soto na piogia torensial. Inte el corso dela stagion Senna el ga do esenpio dela velocita inte el gir in prova. Ben 7 le pole position ciapade in 'sta stagion, el pi dee olte vanificade da ritiri par guasti mecanici o par mancansa de benxina (in quel tenpo el ghera n vigor on regolamento che el limitava el quantitativo de benxina inte el serbatoi).
Dopo tri stagioni, co anca el record de pole (ben 8 inte el
1986
), Senna el ga abandona la Lotus par la ben pi competitiva
McLaren
la qual, proprio inte el
1988
, la ghera riusia a firmar on contrato motoristego co la
Honda
.
Inte ła McLaren, Senna se ga trova come conpar de squadra "El profesor"
Alain Prost
, col qual el xe scominsia ben presto na rivalita piasse grosa. La
McLaren-Honda MP4/4
la x'era na vetura ecesional e questo el ga consentio ai do piloti de dominar el canpionato, agiudicandose ben quindese dei sedese gran premi in programa. Senna, co oto vitorie e ben tredese pol, el ga finalmente corona el sogno de agiudicarse el titolo, e el ghe riusio co do gare d'anticipo.
Inte el
1989
la
McLaren
la ga evidensia qualche debolesa dal punto de vista de l'afidabilita, che le ga reguarda sora-de-tuto Senna, colpio da pareci guasti che el ga costreto a darghe el titolo al compar-rival Prost. L'epilogo del mondial el xe sta on dei piasse controversi de la Formula 1: inte el circuito de
Suzuka
, sede del
Gran Premio del Giapone
, i do rivali i se frontegia inte ła penultima gara co Prost in vantagio ma ancor mia serto del titolo. A pochi xiri dala fin, dopo on duel dura par tuta la corsa, Senna, ala chicane, el ga tenta on sorpaso sul rival che, invese, ghe se meso a serar la traietoria e finendo col farse urtar da Senna. Prost el ga termina cussita la propria gara par 'st'urto, e el brasilian, invese, el ga domanda l'juto dei comisari e, anzeche reciapar la pista da dove l'era uscio, el ga riaceso el motor, ga taja la chicane e el ga riciapado la corsa, pur co l'ala anterior desfata. Dopo na sosta ai box, par el canbio de museto, e on breve inseguimento, el brasilian el ga ala fin sorpasa
Alessandro Nannini
, che x'era porta un testa al Gran Premio, e ga potuo tajar par prim el traguardo, versendo de novo el mondial. Ala fin dea gara sul gradin pi alto del podio paro ghe salio Nannini: Senna x'era sta squalifica par salto de chicane e violasion dele regole (nol potea riacender on motor spento e s'era fato ajutar dai comisari par tornare un gara dopo on fuoripista), e Prost el potea cussita, matemategamente, fregiarse del titolo de canpion del mondo. Questo episodio el ga inaspri del tuto i xa compromesi raporti che Senna el gavea co Prost e co tuta la federasion, a quel tenpo reta dal fransese
Jean-Marie Balestre
. El brasilian ga avu, paro, la so rivinsita l'ano sucesivo. Prost x'era pasa ala
Ferrari
, ma inte ła stagion
1990
non la x'era mia canbia la trama, co i do senpre in acanita lota tra de lori.
'Sta olta, paro, Senna el ghera riusio a rivar in Giapon col vantagio de clasifega, ma col rival in recupero. Anca 'sta olta, ala prima curva, Prost ga sera la traietoria al brasilian e el ze sta urta da Senna, impato che ga manda entranbi inte ła sabia. Senna l'era cussita canpion del mondo par la seonda olta.
El calo de competitivita dela
Ferrari
inte el
1991
el ga interoto la saga Senna-Prost, favorendo le vitorie del piloa paulista, che ghe xe agiudica el terzo titolo mondial, dovendo paro far fronte ad on grintoso
Nigel Mansell
, batuo solo ala penultema gara oncora in Giapon. El xe sta l'ultimo titolo par Senna, che inte el
1992
se era trova ale prese col calo di competitivita dela
McLaren
(e co dele
Williams
ecesionai).
Anca inte el
1993
, co na
McLaren
motorizada
Ford
(la
Honda
la gavea abandona le competision ala fin del '92), e contro na fenomenal Williams, la cui prima guida la x'era ora Alain Prost, nol prometeva de mejo, ma nonostante l'evidente inferiorita del mezo Senna el ga dao vita ad alcone dele piasse spetaolari imprese mai viste inte ła Formula 1, culminae a
Donington Park
, inte el
Gran Premio d'Europa
, in quea che la vien definia la vitoria piasse bela del canpion brasilian. Soto l'acqua Senna el ga da spetacolo efetuando 4 sorpasi inte el solo prim xiro e quasi ridicolixando i aversari. Ala fin el xe imposto co quasi on minuo e mezo de distaco su
Damon Hill
e on giro su Prost. Inte el corso de l'ano, paro, la diferensa de qualita e potensa la se ga fato sentir e al fransese ghe riusio ala fin de l'ano, a laurearse canpion del mondo.
Inte el
1994
Senna el ga lasa la
McLaren
par trasferirse inte ła
Williams
canpion in carica, proprio al posto del ritirado Prost. El sembraa on titolo gia segna in partensa, ma nol fu cussita. Dopo na partensa dificil (do ritiri inte łe prime do gare, vinte da on giovan
Michael Schumacher
su
Benetton Ford
, inte łe qual el gavea comunque conquista la pole) Senna el ga afronta la tersa gara, el
Gran Premio di San Marino
, ciapando inte łe prove (funestade dal grave insidente de
Rubens Barrichello
el venerdi ala
variante basa
sensa grose conseguense, nonche da l'insidente mortal de
Roland Ratzenberger
ala
Villeneuve curva
de sabato) la tersa pole position de fila. Al 7° giro dela gara, el seondo dopo la ripartensa drio la safety car (entraa in seguito a on insidente inte ła partensa che el gavea coinvolto
J.J. Lehto
, resta fermo in griglia, e
Pedro Lamy
, e i rotami dele cui veture i gavea provoca el ferimento de alconi spetadori sule gradinae de l'auodromo), Senna el xe usio improvisamente de pista ala fin dela
curva del Tamburelo
, senbra a causa del cedemento del pianton delo sterzo, modifica in ocasion dela gara stesa, parche el pilota el se era lamenta dela scarsa visibilita dela strumentasion del volante. El pianton xera sta alunga e salda a man e cedete un seguito ale solecitasion ecesive par el tipo de saldatura efetuado, e le conseguense le risultaron trageghe: Senna el ga prova a frenar on pochin, ma la via de fuga in quel punto del tracia (gia teatro in pasa de altri grai insidenti co protaonisti
Gerhard Berger
su
Ferrari
,
Nelson Piquet
su
Williams
e
Michele Alboreto
su
Footwork
) la ofriva on spasio ridotisimo.
L'impato el xe sta tremendo. Par efeto de l'urto, el punton dela sospension anterior destra, spezatose, el xe infila soto el bordo suerior dela visiera del casco del piloa, penetrando inte ła region temporal destra e provocando gravisime e fatai lesion. Senna, che gavea perso conoscensa, imediatamente socorso e porta via da li co un eliambulansa, el ze spira a l'
Ospedal Magiore de Bologna
dove x'era sta trasporta, ale 18:39. La so morte la ga geta inte el luto el mondo dela Formula 1, ma sora-de-tuto el popolo del Brasil. I x'e stai proclamai tri di de luto nasional.
La morte de Senna e Ratzenberger l'e staa acompagnada da forti polemeghe: seondo la lege tajana infati, el teatro de on avegnimento sportivo inte el qual se verifega la morte de on atleta, la dev'esar imediatamente abandona da ogni manifestasion. La morte de Roland Ratzenberger, el di pria de quea de Senna, la avrebe dovuo far saltar el regolare svolgemento del G.P..
Par agirar l'eventualita se ga sertifega che la morte de Ratzenberger non la xera avenua sul sircuito, ma in ospedale.
Ayrton Senna ga disputa 161 GP, cogliendo 41 vitorie, 65 pole position, 19 giri piasse veloci dei altri in gara e 610 punti iridati. El xe partio par 87 olte inte ła prima fila e ga otenuo 96 piazamenti a punti, 80 dei quai sul podio.
Ayrton Senna el fasea parte dei "
Atleti di Cristo
".
- 1985
:
Portogalo
,
Belzo
- 1986
:
Spagna
,
Stati Uniti
- 1987
:
Monaco
,
Stati Uniti
- 1988
:
San Marin
,
Canada
,
Stati Uniti
,
Gran Bretagna
,
Germania
,
Ungheria
,
Belzo
,
Giapon
- 1989
:
San Marin
,
Monaco
,
Mesego
,
Germania
,
Belzo
,
Spagna
- 1990
:
Stati Uniti
,
Monaco
,
Canada
,
Germania
,
Belzo
,
Italia
- 1991
:
Stati Uniti
,
Brasil
,
San Marin
,
Monaco
,
Ungheria
,
Belzo
,
Australia
- 1992
:
Monaco
,
Ungheria
,
Italia
- 1993
:
Brasil
,
Europa
,
Monaco
,
Giapon
,
Australia
- 1985
:
Portogalo
,
San Marino
,
Monaco
,
Stati Uniti
,
Italia
,
Europa
,
Australia
- 1986
:
Brasil
,
Spagna
,
San Marin
,
Stati Uniti
,
Fransia
,
Ungheria
,
Portogalo
,
Mesego
- 1987
:
San Marin
- 1988
:
Brasil
,
San Marin
,
Monaco
,
Mesego
,
Canada
,
Stati Uniti
,
Germania
,
Ungheria
,
Belzo
,
Italia
,
Spagna
,
Giapon
,
Australia
- 1989
:
Brasil
,
San Marin
,
Monaco
,
Mesego
,
Stati Uniti
,
Gran Bretagna
,
Germania
,
Belzo
,
Italia
,
Portogalo
,
Spagna
,
Giapon
,
Australia
- 1990
:
Brasil
,
San Marin
,
Monaco
,
Canada
,
Germania
,
Belzo
,
Italia
,
Spagna
,
Giapon
,
Australia
- 1991
:
Stati Uniti
,
Brasil
,
San Marin
,
Monaco
,
Ungheria
,
Belzo
,
Italia
,
Australia
- 1992
:
Canada
- 1993
:
Australia
- 1994
:
Brasil
,
Pacifico
,
San Marin
.
- 1984
:
Monaco
- 1985
:
Portogalo
,
Canada
,
Stati Uniti
- 1987
:
Monaco
,
Stati Uniti
,
Canada
- 1988
:
Monaco
,
Canada
,
Giapon
- 1989
:
Stati Uniti
,
Germania
,
Spagna
- 1990
:
Monaco
,
Italia
- 1991
:
Italia
,
Giapon
- 1992
:
Portogalo
- 1993
:
Europa
(
key
) (Le gare un
grseto
le indica pole position; le gare un
corsivo
le indica el xiro piasse veloxe in gara)