Teorya ng sustansiya

Ang teorya ng sustansiya , o teorya ng sustansya-katangian , ay isang pang-ontolohiyang teorya tungkol sa pagkabagay na nagpapalagay na naiiba ang isang subtansiya sa katangian. Ang bagay-mismo ay isang nagdadala ng katangian na kailangang ipagkaiba mula sa mula katangian na dala nito. ^[1] Sa Silanganing pilosopiya , svabhava ang katumbas na konsepto.

Sa pilosopiya , ang sustansiya ang " katas " ng isang bagay na nagbibigay-katiyakan dito. Ito ang katuturan , saysay , nilalaman o laman , ubod , buod , esensiya , kabuluhan , diwa , katotohanan ng bagay. ^[2] Hindi maaaring umiral ang isang bagay kung wala nito. Mula sa Latin na sub (sa ilalim) at stancia (tumayo/tumindig) ang salitang sustansiya . Kapag nahukay na natin ang paimbabaw na pagkakabalot ng isang bagay, doon pa lamang natin makikita ang pang-ilalim na sandigan ng isang bagay. Masasabi din natin na "pinakapuso" ng isang bagay ang kanyang "buod"/"pinakabuod".