Papa Paskali I alikuwa Papa kuanzia tarehe 25 Januari 817 hadi kifo chake mnamo Februari / Mei 824 ^[1] . Alitokea Roma , Lazio , Italia ^[2] .

Jina lake la kuzaliwa lilikuwa Paskali Massimi, mwana wa Bonosus ^[3] .

Alimfuata Papa Stefano IV akafuatwa na Papa Eugenio II .

Kabla ya kuchaguliwa Papa alikuwa abati wa monasteri iliyohudumia waliofika mjini Roma kwa hija ^[4] . Kwa kuwa hakusubiri kupata uthibitisho wa kaisari Pius Mtawa , alimtuma balozi kwake ^[5] naye akarudi na hati Pactum cum Paschali pontifice , ambamo kaisari alimpongeza, alithibitisha mamlaka ya Papa juu ya Dola la Papa , na kuhakikisha siku za mbele uchaguzi wa Mapapa hautaingiliwa na serikali tena. ^[6] Wanahistoria wana wasiwasi kuhusu hati hiyo kuwa halisi. ^[7] Kwa vyovyote, baada ya Papa Paskali I kumtia taji la kifalme Lotari I , mwana wa Pius, mahusiano yalizidi kuharibika.

Papa Paskali I alipokea wamonaki wengi kutoka Dola la Roma Mashariki waliokimbia dhuluma ya serikali kuhusu picha takatifu ^[8] , akawapa kazi ya kupamba makanisa aliyoyajenga au kuyakarabati ^{[6] [9]} pamoja na kuwatetea kwa maandishi yake.

Tangu kale anaheshimiwa kama mtakatifu ^{[10] [5]} , hasa tarehe 11 Februari ^{[11] [12]} au 14 Mei ^{[13] [14]} .

Tazama pia [ hariri | hariri chanzo ]

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko
• Orodha ya Mapapa

Maandishi [ hariri | hariri chanzo ]

• Opera Omnia by Migne Patrologia Latina with analytical indexes

Tanbihi [ hariri | hariri chanzo ]

Marejeo [ hariri | hariri chanzo ]

• Goodson, Caroline J. 2010. The Rome of Pope Paschal I: Papal Power, Urban Renovation, Church Rebuilding and Relic Translation, 817?824 . Cambridge University Press.
• John N.D. Kelly, Gran Dizionario Illustrato dei Papi , Edizioni Piemme S.p.A., 1989, Casale Monferrato (AL), ISBN 88-384-1326-6
• Claudio Rendina, I papi , Ed. Newton Compton, Roma, 1990

Viungo vya nje [ hariri | hariri chanzo ]

Wikimedia Commons ina media kuhusu:

Papa Paskali I

• Papa Paskali I katika Kamusi Elezo ya Kikatoliki

Makala hii kuhusu Papa fulani bado ni mbegu . Je, unajua kitu kuhusu Papa Paskali I kama wasifu wake, habari za maisha au kazi yake? Je, unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuiongezea habari .