kaca proyek ieu atawa bagianna keur dina proses pamekaran tur parombakan anu sagemblengna. Anjeun dihaturanan pikeun ngarojong dina ngeditna sangkan leuwih eces. Saupamana kaca proyek geus lila teu diedit wae , mangga piceun citakan ieu. Ieu page panungtungan diedit ku Ilhambot ( obrolan | tulisan ) 7 kaliwat. ( Bolaykeun )

Artikel-artikel Wikipedia kudu make sumber dipercaya nu geus dipublikasikeun. Kaca ieu mere pituduh kumaha ngaidentifikasi sumber-sumber eta. Kaca kawijakan nu ngadiskusikeun perluna ngagunakeun sumber nyaeta Wikipedia:Lain riset asli jeung Wikipedia:Pamastian .

Lamun Anjeun bisa mere informasi nu aya gunana pikeun Wikipedia, mangga lakukeun eta, tapi omat tanggung jawab pikeun manggihkeun sumber rujukan aya dina jalma anu nambahan bahan dina hiji artikel. Sumber kudu diwuwuhkeun sabisa-bisa; suntingan tanpa rujukan atawa diragukeun rujukanna bisa ditatanyakeun jeung dipiceun iraha bae. Kadang-kadang leuwih hade teu boga informasi ti batan boga informasi tanpa rujukan. ^[1]

Sumber primer nyaeta dokumen atawa jalma anu mere kasaksian langsung kana hiji kaayaan atawa kajadian. Hartina, hiji sumber anu deukeut pisan jeung kajadian anu dituliskeun ku Anjeun. Istilah ieu pangmindengna ngarujuk kana hij idokumen anu dihasilkeun ku partisipan dina hiji kajadian atawa saurang paniten tina eta kajadian. Sumber nu kieu bisa mangrupa laporan resmi, surat, catetan saksi, otobiografi, atawa statistik anu dikompilasi ku pihak nu boga wewenang. Bahan sumber primer mungkin ngabutuhkeun hiji palatihan pikeun bisa dipake kalawan merenah, utamana topik-topik sajarah. Artikel Wikipedia bisa ngagunakeun sumber primer lamun sumber-sumber eta geus dipublikasikeun ku penerbit nu dipercaya, misalna transkrip pengadilan anu dipublikasikeun ku stenografer pengadilan, jeung ngan bisa dipake pikeun pernyataan deskriptif.

Sumber sekunder nyindekkeun hiji atawa leuwih sumber kahiji atawa kadua. Sacara umum, artikel-artikel Wikipedia kudu dumasar kana sumber sekunder nu bisa dipercaya.

Sumber tersier biasana nyindekkeun sumber sekunder. Ensiklopedia, kaasum Wikipedia, nyaeta sumber tersier. Artikel-artikel Wikipedia teu meunang ngutip artikel Wikipedia sejen minangka sumber, sabab Wikipedia mangrupa wiki anu bisa disunting ku saha wae nu matak teu bisa dipercaya. Sanajan kitu, Wikipedia bisa digunakeun minangka sumber primer ngeunaan WIkipedia, luyu jeung watesan di luhur. Publikasi saperti Encyclopedia Britannica, World Book, jeung Encarta diangga minangka sumber nu bisa dipercaya.

Dumasar sifat publikasi anu dipibanda ku sumber nu diterbitkeun, kapercayaan hiji sumber pikeun dijadikeun rujukan artikel bisa diklasifikasikeun saperti kieu:

1. Referensi nu bisa dipercaya
   1. Jurnal ilmiah nu geus dipublikasikeun.
   2. Karya tugas ahir; skripsi, disertasi, tesis nu geus diuji ku ahli
   3. Karangan ilmiah anu geus diuji ku ahlina
   4. Buku anu diterbitkeun ku penerbit kapercaya jeung disunting ku editor
   5. Buku anu diterbitkeun ku penerbit nu kurang kapercaya tapi geus disunting ku editor
   6. Tulisan biasa nu boga referensi jelas jeung lengkep
   7. Majalah elmu pangaweruh/sains
   8. Tabloid elmu pangaweruh/sains
   9. Artikel anu ditulis di Internet kalawan referensi nu jelas tina sumber non-Internet
2. Referensi anu teu disarankeun pikeun digunakeun
   1. Buku anu diterbitkeun ku penerbit nu kurang dipercaya jeung teu disunting ku editor
   2. Artikel anu ditulis di internet kalawan referensi jelas tina sumber Internet
   3. Artikel anu ditulis jeung dicitak kalawan referensi tina Internet
   4. Koran (bagian bahasan ngeunaan biografi hiji jalma jeung catetan kajadian
   5. Majalah
   6. Sampul kaset
   7. Buku anu ditulis sorangan ku subjekna
3. Referensi anu kudu sabisa-bisa disingkahan
   1. Majalah anu ngabahas isu populer
   2. Koran (bagian iwal ti bahasan biografi hiji jalma jeung catetan kajadian)
   3. Koran kriminalitas
   4. Tabloid gosip
4. Referensi anu teu meunang digunakeun
   1. Artikel sejen dina Wikipedia jeung situs-situs dulurna
   2. Artikel sejen tina ensiklopedia bebas anu sistemna mirip Wikipedia (bebas disunting ku saha wae).

Sing taliti jeung ati-ati, kaasup kategori nu mana sumber anu dipake ku Anjeun teh. Lamun bebeneran jeung motifna diragukeun kanetralanna, leuwih hade tinggalkeun wae. Artikel anu miskin informasi jauh leuwih hade ti batan artikel anu beurat sabeulah.