Serat optik
atawa
tapas optik
mangrupa tapas tina kaca atawa
palastik
(
polimer
) anu dirarancang pikeun nungtun
cahaya
sangkan ngarambat dina jero tapas dimaksud.
Elmu tapas optik
mangrupa gabungan
elmu alam terapan
jeung
rekayasa
anu patali jeung rarancang sarta panerapan tapas optik. Tapas optik loba dipake dina
komunikasi
, anu ngajangjikeun pangiriman informasi dina jarak anu leuwih jauh sarta laju data anu leuwih gancang dibandingkeun wangunan komunikasi lianna. Tapas optik digunakeun pikeun ngaganti kawat metal (
logam
) lantaran tapas optik kalayan
atenuasi
sinyal nu leuwih leutik, jeung inyana weduk tina
gangguan elektromagnetik
. Tapas optik oge digunakeun pikeun nyieun
sensor
, jeung rupa-rupa panerapan lianna.
Dina tapas optik, cahaya dijaga tetep aya dina bagian "inti"-na kalayan make cara
pantulan internal total
. Hal ieu ngabalukarkeun tapas optik salaku
panungtun gelombang
. Tapas optik anu bisa ngaliwatkeun leuwih ti hiji jalur rambatan atawa
transverse mode
disebut tapas multi
mode
atawa 'tapas mode tunggal atawa
singlemode fiber
(SMF). MMF umumna miboga diameter inti anu gede, sarta digunakeun pikeun tumbu komunikasi jarak pondok atawa pikeun aplikasi pangiriman daya anu gede. SMF lolobana digunakeun pikeun tumbu komunikasi anu leuwih panjang ti 200
meter
.
Nyambungkeun serat optik leuwih susah ti batan nyambungkeun kawat atawa kabel listrik. Tungtung serat optik kudu dikeureut sacara ati-ati, tuluy disambung babarengan sacara mekanik atawa dilebur ngagunakeun
busur listrik
. Panyambung atawa
konektor
husus digunakeun pikeun nyieun sambungan anu bisa dibongkar-pasang.
Prinsip ditungtunna cahaya dina serat optik ditimukeun munggaran ku
Daniel Colladon
jeung
Jaques Babinet
dina taun 1840an, sarta
John Tyndall
, urang Irlandia nembongkeun ka balarea yen cahya bisa ditungtun dina cai anu ngamalir tina selang, sapuluh taun ti harita.
[1]
Pangiriman gambar ngaliwatan bungbung dipintonkeun ku
Clarence Hansell
jeung panaratas televisi
John Logie Baird
dina tempat anu beda dina taun 1920an. Prinsip kasebut munggaran digunakeun pikeun pamariksaan medis internal ku
Heinrich Lamm
dina dekade saterusna. Dina taun 1952, fisikawan
Narinder Singh Kapany
ngalakukeun eksperimen anu ngarah ka ditimukeunnana serat optik, dumasar kana studi samemehna anu dilakukeun ku Tyndall; serat optik moderen, di mana serat gelas dilapisan ku panylindung transparan pikeun ngahasilkeun indeks nyimpangna cahya atawa
indeks bias
anu leuwih cocog, muncul dina dekade saterusna.
[1]
Kamajuan saterusna dipuseurkeun kana beundeul serat pikeun pangiriman gambar. Gatroskop semi-fleksibel tina serat optik munggaran dipatenkeun ku
Basil Hirschowitz
, C. Wilbur Peters, sarta Lawrence E. Curtiss, para panalungtik di
Universitas Michigan
, dina taun 1956. Dina proses ngamekarkeun gastroskop, Curtiss ngahasilkeun panyalindung gelas munggaran; beda jeung serat optik samemehna anu gumantung kana hawa atawa minyak jeung lilin nu teu praktis sabage material panyalindung lantarab indeks biasna nu leutik. Rupa-rupa panerapan pangiriman gambar lianna saterusna marucunghul.
Dina taun
1965
,
Charles K. Kao
jeung George A. Hockham ti pausahaan Inggris,
Standard Telephones and Cables
mangrupa anu munggaran ngajelaskeun yen atenuasi (ngalemahna sinyal) dina serat kontemporer diakibatkeun ku henteu murnina material, lain ku efek-efek fisika dasar saperti ngahamburna cahaya (
scattering
), tur teu murnina material ieu bisa dileungitkeun. Maranehna ngaduga yen serat optik bisa jadi sahiji medium praktis pikeun komunikasi, lamun
atenuasina
bisa dikurangan nepi ka sahandapeun 20
dB
per kilometer (Hecht, 1999, p. 114). Tingkat atenuasi ieu munggaran kahontal dina taun
1970
, ku sababaraha urang panalungtik, nyaeta Robert D. Maurer, Donald Keck,
Peter C. Schultz
, jeung Frank Zimar anu gawe keur pabrik gelas Amerika nyaeta Corning Glass Works (kiwari
Corning Inc.
Maranehna mintonkeun hiji serat kalayan atenuasi optik 17 dB per kilometer ku cara nambahkeun atawa
doping
titanium
kana
gelas silika
. Sababaraha taun ti harita maranehna ngahasilkeun sahiji serat anu atenuasina ngan 4 db/km ku cara ngagunakeun germanium oksida sabage bahan panambah inti. Atenuasi anu sakitu leutikna ngarah kana
telekomunikasi
serat optik jeung ngamungkinkeun internet. Kiwari, atenuasi dina kabel optik jauh leuwih leutik ti batan atenuasi dina kabel listrik tambaga, ku kituna lahir sambungan serat jarak jauh kalayan jarak ripiter ti 500 nepi ka 800 km.
- ↑
a
b
Bates, Regis J (2001).
Optical Switching and Networking Handbook
. New York: McGraw-Hill. pp. p10.
ISBN 007137356X
.