Ti Wikipedia Sunda, ensiklopedi bebas
Papua Kulon
mangrupa propinsi anyar hasil pamekaran Propinsi
Papua
. Propinsi Irian Jaya Kulon ngadeg dumasar Undang-Undang No.45/1999. Pamekaran Papua jadi tilu propinsi ieu oge masih jadi polemik, sabab sabagian warga nolak keneh. Sanajan kitu, Propinsi Irian Jaya Kulon nu ahirnya hasil diwangun. Ngadegna propinsi ieu teu leupas tina peran pamarentah boh pusat atawa daerah sarta masarakat daerahna sorangan. Ngaran propinsi ieu ahirna robah jadi Papua Barat (Papua Kulon) dumasar aturan Pamarentah Nomor 24 Tahun 2007 tanggal 18 April 2007. Sanajan geus jadi propinsi sorangan, Propinsi Irian Jaya Barat ieu tetep meunang perlakuan husus saperti propinsi indukna. Propinsi ieu oge geus boga KPUD sorangan sarta geus ngayakeun Pemilu saprak tanggal 5 April 2004.
Ibukota propinsi Papua Kulon aya di
Manokwari
nu mangrupa tempat puseur sajarah di Papua. Wilayah propinsi ieu ngawengku wewengkon hulu manuk pulo Papua katut kapuloan di sabudeureunana.
Di kaler, propinsi ieu tepung wates jeung
Samudra Pasifik
, di kulon tepung wates jeung propinsi
Maluku Utara
sarta propinsi
Maluku
, di wetan tepung jeung
Teluk Cenderawasih
, kidul tepung jeung
Laut Seram
sarta tanggara tepung wates jeung propinsi
Papua
.
Propinsi ieu gaduh potensi anu kalayan loba, boh dina sektor pertanian, pertambangan, hasil hutan, boh dina pariwisata. Mutiara jeung rumput laut dihasilkeun di Kabupaten
Raja Ampat
. Aya oge industri tradisional tenun iket anu disebut
kain Timor
anu dihasilkeun di Kabupaten
Sorong Selatan
. Kabupaten
Fak-Fak
boga inuman khas anu ngarana sirup pala harum. Salian ti eta, wisata alam oge jadi salah sahiji potensi andelan Irian Jaya Barat, misalna Taman Nasional Teluk Cenderawasih anu lokasina aya di Kabupaten
Teluk Wondama
. Taman Nasional ieu manjang mulai ti wetan Semenanjung Kwatisore dugi ka kaler Pulau Rumberpon. Panjang garis pantaina nyaeta 500 km, lega wilayah anu di darat nyaeta 68.200 ha, lega laut 1.385.300 ha (80.000 ha kawasan terumbu karang jeung 12.400 ha laut).
Salian ti eta, anyaran ieu, tim ekspedisi speologi Perancis manggihan guha anu diklaim jadi guha anu paling jero di dunia. Lokasina di kawasan Pagunungan Lina, Kampung Irameba, Distrik Anggi, Kabupaten
Manokwari
. Guha ieu diperkirakeun jerona dugika 2000 meter.
- Kabupaten Fak-fak
- Kabupaten Kaimana
- Kabupaten Manokwari
- Kabupaten Manokwari Kidul
- Kabupaten Maybrat
- Kabupaten Pagunungan Arfak
- Kabupaten Raja Ampat
- Kabupaten Sorong
- Kabupaten Sorong Selatan
- Kabupaten Tambraw
- Kabupaten Teluk Bintuni
- Kabupaten Teluk Wondama
- Kota Sorong