Nikotin

Nikotin
Ngaran kimia	( S )-3-(1-Metil-2-piroli- dinil)piridin
Rumus kimia	C ₁₀H ₁₄N ₂
Massa molekul	162.23 g/mol
Densitas	1.01 g/ml
Titik leeh	-79 °C
Titik golak	247 °C (dekomposisi)
Panas Otoignisi	240 °C
Flash Point	95 °C
Tekenan Uap	0.006 kPa at 25 °C
Viskositas	2.7 mPa na 25 °C 1.6 mPa na 50 °C
Tegangan Beungeut	37.5 dyne/cm na 25.5 °C 37.0 dyne/cm na 36.0 °C
Nomer CAS	54-11-5
SMILES	[H][C@@]2(N(C)CCC2)c1cccnc1

Iwal mun disebutkeun, datana dina kaayaan baku (25 °C, 100 kPa) Infoboks bantahan jeung rujukan

Nikotin mangrupa alkaloid nu aya dina famili tutuwuhan Solanaceae , utamana bako , tapi oge aya dina tomat , kentang , jeung sababaraha tutuwuhan lianna. Alkaloid nikotin oge dikandung dina daun tangkal koka . Kandungan nikotin dina daun bako teh antara 0,3 jeung 5% (beurat garing). Biosintesis nikotin lumangsung dina akar , tapi ditumpuk (akumulasi) dina daunna.

Nikotin mangrupa zat anu nyababkeun kacanduan pikeun anu ngaroko.

Kimia [ edit | edit sumber ]

Nikotin teh cairan higroskopik ngaminyak nu bisa leyur dina cai dina bentuk basana . Salaku hiji basa nitrogen , nikotin jeung asam ngabentuk garam nu ilaharna padet sarta bisa leyur dina cai. Nikotin bisa nyerep kana kulit . Sakumaha ditembongkeun dina data fisik, nikotin basa bebas bakal kaduruk dina hawa handapeun titik golakna. ku sabab kitu, nikotin dina roko teh lolobana kaduruk samemeh kaseuseup, tapi masih aya keneh anu bisa kaseuseup antukna bisa ngabalukarkeun kacanduan.

Pangaruh nikotin kana aliran getih [ edit | edit sumber ]

Dina dosis anu saeutik, nikotin teh ngarangsang, ngaronjatkeun kagiatan, kawaspadaan, jeung ingetan. Nikotin oge ngagancangkeun laju jantung jeung tekenan getih sarta ngurangan napsu dahar. Mun dosisna luhur, nikotin bisa ngabalukarkeun sarebel nepi ka utah .

Nikotin sigana boga pangaruh stimulan jeung depresan , gumantung kana kaayaan pamake jeung lingkungan. Hasil panalungtikan nunjukkeun yen mun dosisna saeutik, nikotin teh boga pangaruh stimulan, sedengkeun mun dosisna loba, pangaruhna jadi depresan.

Mun ngarokona terus-terusan, nikotin teh ngabalukarkeun kacanduan. Laporan nu medal 16 Mei 1988 ku United States Surgeon General C. Everett Koop nyebutkeun yen sipat nyandu nikotin teh sarua jeung heroin jeung kokain . Pikeun nu geus nyandu, mun leungiteun nikotin teh bisa ngabalukarkeun iritasi, nyeri sirah, gangguan kognitif, jeung gangguan sare. Gejala ieu muncak kira dina heuleut 48?72 jam , tapi bakal leler sorangan mun geus dua-genep minggu.

Farmakologi [ edit | edit sumber ]

Farmakokinetika : barang asup ka jero awak, nikotin teh langsung nyebar ngaliwatan aliran getih sarta bisa nembus benteng getih-uteuk . Rata-ratana mah, pikeun nepi ka uteuk teh ukur merlukeun waktu kira tujuh detik. Jumlah nikotin nu diseuseup bareng jeung haseup roko leuwih leutik batan kadar nikotin dina daun bako, sabab lolobana mah ancur alatan panas. Jumlah nikotin nu kaserep ku awak tina haseup roko gumantung kana rupa-rupa faktor, kayaning tipe bako, cara nyeuseup roko, jeung aya/henteuna saringan/filter. Pikeun bako nu digayem ( ngalemar/nyeupah ), jumlah nikotin anu diserep teh leuwih loba batan mun ngaroko.

Farmakodinamika : nikotin ditampa ku reseptor asetilkolin nikotinat . Dina kadar anu saeutik, nikotin teh ngaronjatkeun aktivitas reseptor, antukna ningkatkeun aliran adrenalin . Sekresi adrenalin ngabalukarkeun naekna pacu jantung , tekenan getih , engapan , sarta kadar glukosa dina getih.

Sajarah jeung ngaran [ edit | edit sumber ]

Sebutan 'nikotin' asalna tina ngaran tangkal bako Nicotiana tabacum , nu nyokot tina ngaran Jean Nicot , duta Prancis nu ngirim bako ti Portugal ka Paris taun 1550 sarta ngawanohkeun mangpaat medisna. Nikotin munggaran diekstraksi tina bako taun 1828 ku kimiawan Jerman Posselt & Reimann. Rumus empirikna dipedar ku Melsens taun 1843 , sarta munggaran disintesis ku A. Pictet jeung Crepieux taun 1893 .

Baca oge [ edit | edit sumber ]

Sumber rujukan [ edit | edit sumber ]

Nicotine , Wikipedia edisi basa Inggris (26 Juli 2006)

Bacaan salajengna [ edit | edit sumber ]

Artikel Guardian: "Nicotine could soon be rehabilitated as a treatment for schizophrenia, Alzheimer's and Parkinson's diseases, as well as hyperactivity disorders."
Terapi Nikotin pikeun ADNFLE: "Nicotine as an antiepileptic agent in ADNFLE: An n-of-one study"
Minna, John D.: "Nicotine exposure and bronchial epithelial cell nicotinic acetylcholine receptor expression in the pathogenesis of lung cancer"
Fallon, J.H. , et al. (2005) Gender: A major determinant of brain response to nicotine. Int. J. Neuropharmacology. 8:1-10. [1] Archived 2011-06-04 di Wayback Machine
West, Kip A., et al.: "Rapid Akt activation by nicotine and a tobacco carcinogen modulates the phenotype of normal human airway epithelial cells"
National Institute on Drug Abuse
Powledge TM (2004) Nicotine as therapy. PLoS Biol 2(11): e404.: [2]

Tumbu kaluar [ edit | edit sumber ]

Artikel ieu mangrupa taratas , perlu disampurnakeun. Upami saderek uninga langkung paos perkawis ieu, dihaturan kanggo ngalengkepan .