한국   대만   중국   일본 
Liberty Bell - Wikipedia Sunda, ensiklopedi bebas Lompat ke isi

Liberty Bell

Ti Wikipedia Sunda, ensiklopedi bebas
Liberty Bell
loncéng perunggu gedé kalawan retakan anu jelas, ngagantung dina kai hideung. Éta nu disebut Liberty Bell
Koordinat 39°56′58″N 75°9′1″W  /  39.94944°N 75.15028°W  / 39.94944; -75.15028 Koordinat : 39°56′58″N 75°9′1″W  /  39.94944°N 75.15028°W  / 39.94944; -75.15028
Lokasi Liberty Bell Center, Philadelphia , Pennsylvania , Amerika Sarikat
Desainer Whitechapel Bell Foundry
Jinis Bel munara
Material 70% Tembaga , 20% Timah , 10% logam sejenna
Lebar 3.82 ft (1.16 m) (kelilingna 12 ft (3.7 m) di handap, 7.5 ft (2.3 m) di luhur)
Jangkung Kira-kira 4 ft (1.2 m)
Tanggal beres 1752 (Dirombak di taun 1753 ku Pass jeung Stow)
Ramatloka Liberty Bell Center

Liberty Bell nyaeta hiji lonceng anu ngalambangkeun simbol kabebasan jeung kamerdikaan Amerika Sarikat . Lonceng ieu aya di Philadelphia , Pennsylvania . [1] [2]

Sajarah [ edit | edit sumber ]

Mimitina, Majelis Pennsylvania marentahkeun nyieun ieu bel pikeun mieling 50 taun Charter of Privileges anu dijieun ku William Penn di taun 1701 . Charter of Privileges ngabahas ngeunaan hak jeung kabebasan anu ngahargaan batur di sakuliah dunya. Utamana pamikiran William Penn ngeunaan kabebasan beragama, sikep liberal ngeunaan hak-hak pangeusi asli Amerika , sarta partisipasi warga nagara dina nyieun undang-undang . [2]

Di tanggal 1 Nopember 1751 , hiji surat dikirimkeun ka Robert Charles, Ag'en Kolonial ti Propinsi Pennsylvania anu digawe di London . Surat eta ditandatanganan ku Isaac Norris, Thomas Leech, jeung Edward Warner, pikeun nepikeun kahayang Majelis pikeun meuli bel pikeun munara State House (kiwari Independence Hall). [2] [3]

Tuluy, lonceng nepi di Philadelphia di tanggal 1 September 1752 , tapi teu digantung nepi ka tanggal 10 Maret 1753 , ku sabab sorana anu kurang ngeunaheun sarta retak. [2]

Tuluy di tanggal 8 Juli 1776 , lonceng ieu disada pikeun ngageroan warga Philadelphia sangkan ngadenge biantara munggaran ngeunaan Deklarasi Kamerdekaan anu dibacakeun ku John Nixon . [2]

Nalika Britania Raya ngaereh Philadelphia di taun 1777 , ieu lonceng kungsi dipindahkeun sarta disumputkeun di Gereja Reformasi Sion salila ampir sataun sarta dipulangkeun deui ka Philadelphia nalika usum panas taun 1778 saenggeus Britania Raya mangkat ti kota eta. [4]

Retakan dina lonceng [ edit | edit sumber ]

Liberty Bell miboga retakan anu bisa ditempo kiwari. Kumaha mimitina eta lonceng bisa retak, teu dipikanyaho sacara pasti. [3]

Di taun 1751 , nalika Majelis Propinsi Pennsylvania meuli eta lonceng, loncengna kalahkah retak nalika ujicoba sarta kudu disusun ulang dua kali nepi ka weuteuh deui. [3]

Iraha waktu anu pasti Liberty Bell bisa retak deui sabenerna taya anu apal. Tuluy aya babaraha carita, salah sahijina, nyaeta di taun 1824 , salila pahlawan perang Revolusi Marquis de Lafayette datang. Carita anu lian nyebutkeun yen lonceng retak di ahir taun eta, ku sabab disadakeun pikeun nandakeun aya kahuruan. [3]

Aya deui carita anu sejen, yen lonceng retak nalika pamakaman Hakim Agung John Marshall di taun 1835 , tapi laporan surat kabar ngeunaan pamakaman teu nyebutkeun kajadian saperti eta. [3]

Kumaha caritana, anu jelas, lonceng geus retak di taun 1846 , nalika Walikota Philadelphia menta sangkan lonceng disadakeun pas milangkalana George Washington . Sanajan geus dilakkeun babaraha usaha pikeun ngomean karetakan eta, tapi tungtungna mah teu bisa. Saenggeus dipindahkeun ka paviliun di deukeut Independence Hall di taun 1976 (nalika mieling dua abad kamerdikaan), di taun 2003 , Liberty Bell dipindahkeun ka Liberty Bell Center di Independence National Historic Park. Nepi ka kiwari, eta retakan masih keneh bisa ditempo. [3]

Warisan [ edit | edit sumber ]

alt = Koin, kalawan desain anu midangkeun Liberty Bell anu ditumpangkeun ka bulan

Salian ti replika anu aya di Independence National Historical Park, replika awal Liberty Bell oge nyaeta Justice Bell atawa Women's Liberty Bell, dititah pikeun dijieun di taun 1915 ku suffragist pikeun ngadvokasi hak pilih wanoja. Lonceng ieu miboga legenda anu sarua jeung Liberty Bell, kalawan dua kecap tambahan dina lonceng, nyaeta "negakkeun kaadilan", kecap anu dicokot tina Bubuka Konstitusi Amerika Sarikat . Ieu lonceng teu bisa disada, anu ngalambangkeun henteu mampuhna wanoja pikeun nepikeun aspirasina, teu boga hak sora, sarta teu boga partisipasi dina kagiatan politik. Saenggeus Amandemen Kasalapan Welas (mere wanoja hak sora), Justice Bell dibawa ka hareupeun independence Hall di tanggal 26 Agustus 1920. Eta lonceng aya di Independence Hall salila babaraha bulan saacan pajabat kota marentahkeun pikeun dipindahkeun ka Kapel Memorial Washington di Valley Forge , nepi ka kiwari. [5]

Duit anu aya gambar Liberty Bell, medal taun 1926

Minangka bagian ti drive Liberty Bell Savings Bonds di taun 1950, 55 replika Liberty Bell (48 replika dijieun pikeun sewang-sewang nagara bagian, Distrik Columbia, sarta Hawaii) dipesen ku Departemen Kauangan Amerika Sarikat ti Prancis ku Fonderie Paccard . Lonceng bakal dipidangkeun dina kasempetan patriotik. [6] Kiwari, loba lonceng-lonceng anu disimpen di gedong-gedong DPR nagara bagian. [6] Tapi, lonceng Texas aya di Gedung Akademik kampus Universitas A&M Texas di Stasion College . [6] Lonceng Texas disimpen di universitas minangka pangajen ku sabab layanan lulusan sakola. [6] [7] Walt Disney World miboga replika Liberty Bell anu aya di Liberty Square di Magic Kingdom . [6] [8] [9]

Liberty Bell aya dina koin di taun 1926 pikeun mieling 150 taun kamerdekaan Amerika Sarikat. [10] Oge dina raraga mieling 150 taun Deklarasi Kamerdekaan Amerika Sarikat di taun 1926, Kantor Pos AS ngaluarkeun cap peringatan anu ngagambarkeun Liberty Bell pikeun Pameran Sesquicentennial di Philadelphia di taun 1926, [11] sanajan ieu cap bener-bener ngagambarkeun lonceng replika anu diadegkeun di di pintu asup ka tempat pameran. [12] Liberty Bell dipilih jadi tema desain prangko ku sabab ngawakilan kamerdekaan bangsa. [13] Ti saprak harita, Liberty Bell aya di babaraha prangko Amerika Sarikat sejenna, [14] [15]

Gambar Liberty Bell aya dina duit $ 100 kiwari. Gambar robah warna, gumantung ti juru beulah mana ditempona. [16]

Tingali oge [ edit | edit sumber ]

Lonceng

Rujukan [ edit | edit sumber ]

  1. ↑ Philadelphia, Mailing Address: 143 S. 3rd Street; Us, PA 19106 Phone:965-2305 Contact. "The Liberty Bell - Independence National Historical Park (U.S. National Park Service)" . www.nps.gov . Diakses tanggal 2020-03-04 .  
  2. ↑ a b c d e "The Liberty Bell" . www.ushistory.org . Diakses tanggal 2020-03-04 .  
  3. ↑ a b c d e f Staff, History com. "Why is the Liberty Bell cracked?" . HISTORY . Diakses tanggal 2020-03-06 .  
  4. ↑ "THE LIBERTY BELL" . www.whitechapelbellfoundry.co.uk . Diakses tanggal 2020-03-06 .  
  5. ↑ Nash, hlm. 114? 117
  6. ↑ a b c d e "Replika Liberty Bell milik pemerintah negara bagian AS" . Diarsipkan dari versi asli tanggal 30 Mei 2008 . Diakses tanggal 2020-03-04 .  
  7. ↑ "Gedung Akademik dan Rotunda" . Diarsipkan dari versi asli tanggal 18 Juni 2012 . Diakses tanggal 2020-03-04 .   Archived 2012-06-18 di Wayback Machine
  8. ↑ Duncan, Gene. "Biarkan Cincin Kebebasan pada Hari Kemerdekaan" . Disney Parks Blog . Perusahaan Walt Disney . Diakses tanggal 2020-03-04 .  
  9. ↑ "Liberty Bell" . Diakses tanggal 2020-03-04 .  
  10. ↑ Hudgeons, p. 493
  11. ↑ Nash, hlm. 126
  12. ↑ Laporan Tahunan Postmaster General . Washington, DC: A.S. Kantor Percetakan Pemerintah. 1926. p. 6.  
  13. ↑ "Sesquicentennial Exposition Issue" . Museum Pos Nasional Smithsonian . Diakses tanggal 2020-03-04 .  
  14. ↑ "Liberty Bell" . Museum Pos Nasional Smithsonian . Diakses tanggal 2020-03-04 .  
  15. ↑ "Lembar Fakta Selamanya" . Layanan Pos Amerika Serikat . Diakses tanggal 2020-03-04 .  
  16. ↑ "$ 100" . Biro Pengukiran dan Pencetakan . Diakses tanggal 2020-03-04 .  
Dicomot ti " https://su.wikipedia.org/w/index.php?title=Liberty_Bell&oldid=651214 "