Diabetes melitus
(
diabetes mellitus
;
IPA
:
/?da???biːtiːz/
at.
/?da???biːt?s/
,
/m??la?t?s/
at.
/?m?l?t?s/
), atawa 'neneh'na
diabetes
,
diabet
,
DM
, atawa ceuk urang mah
kencing manis
atawa
kasakit gula
, hartina
sindrom
anu cirina mangrupa gangguan
metabolismeu
jeung luhurna kadar
gula getih
(
hiperglikemia
) alatan kurangna
hormon
insulin
atawa
resistansi insulin
anu dibarung ku kurangna sekresi insulin
[2]
. Gejala nu utamana nyaeta loba kiih (
poliuria
), hanaang wae sarta cacai nu asup kaleuleuwihi (
polidipsia
), jeung tetempoan rarang-rorong kurang atra. Mun teu pati parna, gejala-gejala kitu teh bisa wae teu karasa ku nu ngalamanana.
WHO
nyebutkeun tilu wangun diabetes:
diabetes melitus tipeu 1
,
tipeu 2
, jeung
diabetes reuneuh
(narajang ukur nalika
kakandungan
)
[3]
, balukarna tina rupa-rupa faktor jeung beda-beda sebaranana dina unggal populasi. Najan ieu kasakit teh alatan gagalna
sel beta
dina
pangkreas
ngahasilkeun insulin nu cukup pikeun ngahalangan hiperglikemia, tapi anu jadi sababna mah beda-beda
[4]
. Diabetes tipeu 1 biasana alatan karuksakan sel beta
otoimun
. Diabetes tipeu 2 dicirikeun ku resistansi insulin dina jaringan tujul, antukna insulin nu dipikabutuh kadarna kudu leuwih luhur anu teu bisa kahontal ku sel beta. Diabetes anu keuna ka nu keur kakandungan sarupa jeung tipeu 2, alatan ayana hormon-hormon dina mangsa kakandungan (pikeun wanoja-wanoja anu sacara genetik gampang kakeunaan) anu ngabalukarkeun resistansi insulin.
Gejala umum diabetes
Gejala umum diabetes anu teu ditambaan nyaeta awak ngabegangan,
poliuria
(kerep kiih),
polidipsia
(gampang hanaang), jeung
polifagia
(gampang lapar).
[5]
Pikeun DM tipeu 1, gejala-gejalana bisa katangen pisan dina jangka waktu sababaraha minggu. Anapon dina DM tipeu 2, gejala-gejalana lila pisan atawa bisa jadi teu katembong karasa ku nu ngalamanana.
Panyakit diabetes melitus kabagi jadi dua, nyaeta tipe 1 jeung tipe 2. Diabetes tipe 1 mangrupa panyakit kawedelan awak, waktu antibodi hiji jalma ngaruksak
sel
-sel
pankreas
anu ngahasilkeun
insulin
dina awak jalma. Jalma anu keuna ku panyakit diabetes tipe 1 awakna rada begang, henteu ngahasilkeun insulin, jeung merlukeun suntikan insulin sababaraha kali dina waktu sapoe. Loba di antarana pasien anu kakeunaan alatan ku turunan
gen
anu tangtu bakal mere kode unsur-unsur dina sistem imun. Sabalikna, diabetes tipe 2 ngalibetkeun ngaronjatna resistansi sel-sel awak kana insulin anu dihasilkeun ku awak sorangan, nepi ka sel-sel gagal nyandak
glukosa
dina laju normal. Salila pankreas tiasa ngarespon ku ngaleupaskeun leuwih loba insulin, resistansi sel-sel ieu bisa diungkulan nepi gula
getih
tetep dina wates anu normal. Tapi pamustunganana pankreas bakal kacapean, nu ngabalukarkeun moal bisa deui ngahasilkeun hormon insulin anu cukup, jadi kadar glukosa naek nu ngabalukarkeun pasien kaserang diabetes. Pasien diabetes tipe 2 biasana deukeut kana obesitas dina awakna.
[6]
Mekanismeu sekresi insulin dina sel beta pangkreas normal - produksi insulin kurang leuwih matuh dina sel beta. Leupasna dirangsang ku asupna kadaharan, utamana kadaharan anu ngandung
glukosa
anu bisa diserep.
Insulin
teh hormon utama anu ngatur diserepna
glukosa
tina getih kana sel-sel anu aya dina jero awak, utamana
hate
,
otot
, jeung
jaringan adiposa
. Ku kituna, kakurangan insulin atawa insensitivitas
reseptorna
boga peran penting dina sakabeh bentuk DM.
[7]
Awak urang narima glukosa tina tilu sumber utama nyaeta peujit tina hasil nyerna kadaharan,
glikogen
dina ati, jeung
glukoneogenesis
.
[8]
Insulin penting pikeun ngatur kasaimbangan kadar glukosa dina jero awak. Insulin bisa ngahalangan dibongkarna glukosa tina glikogen jeung glukoneogenesis, ngarangsang diakutna glukosa kana sel lemak jeung otot, sarta ngarangsang direundeunna glukosa dina wangun
glikogen
.
[8]
Insulin
dileupaskeun kana sirkulasi getih ku
sel beta
(sel-β) anu aya dina
islet Langerhans
dina pangkreas salaku respons kana naekna kadar glukosa dina sirkulasi, nyaeta sanggeus urang barang tuang. Insulin dipake ku k.l. dua per tilu sel awak pikeun nyerep glukosa tina sirkulasi keur kawangunna energi, konversi jadi molekul anu dipikabutuh, atawa pikeun cadangan tanaga awak. Lamun kadar glukosa dina sirkulasi turun, kadar insulin anu dileupaskeun ku sel-β oge nuturkeun turun. Ieu proses diatur ku
glukagon
, hormon anu fungsina sabalikna tina insulin.
[9]
DM kaasup
panyakit kronis
anu can kapanggih ubarna. Nambaanana oge museur kana ngajaga sangkan kadar gula getih tetep aya dina wates anu normal (euglikemia) ulah nepi ngabalukarkeun hipoglikemia. Carana ku ngajaga dahareun, olahraga, jeung ubar husus (utamana insulin dina kasus DM tipeu 1). Kadar gula getih anu dijaga penting pisan pikeun ngurangan DM anu beuki parna.
[10]
[11]
Lian ti eta, perlu oge nitenan kabiasaan anu bisa nambahan parnana ka nu ngalaman DM, nyaeta dipahing nga
roko
,
hiperkolesterolemia
,
obesitas
,
hipertensi
, jeung kurang ngalakukeun
olahraga
.
[12]
- ↑
"IDF Chooses Blue Circle to Represent UN Resolution Campaign"
. Unite for Diabetes. 17 March 2006.
Archived
26 September 2008 di
Wayback Machine
- ↑
L M Tierney, S J McPhee, M A Papadakis (2002).
Current medical Diagnosis & Treatment. International edition
. New York: Lange Medical Books/McGraw-Hill. pp. 1203?1215.
ISBN
0-07-137688-7
.
- ↑
World Health Organisation
Department of Noncommunicable Disease Surveillance (1999).
"Definition, Diagnosis and Classification of Diabetes Mellitus and its Complications"
(PDF)
.
- ↑
Rother, KI (2007).
"Diabetes Treatment ? Bridging the Divide"
.
N Engl J Med
356
(15): 1499-1501
.
http://content.nejm.org/cgi/content/full/356/15/1499
.
Archived
2009-09-03 di
Wayback Machine
- ↑
Cooke DW, Plotnick L (November 2008). "Type 1 diabetes mellitus in pediatrics".
Pediatr Rev
29
(11): 374?84; quiz 385.
doi
:
10.1542/pir.29-11-374
.
PMID
18977856
.
- ↑
Diamond, Jared (2017).
The World Until Yesterday
. Kepustakaan Populer Gramedia. p. 538.
ISBN
9786024241926
.
- ↑
"Insulin Basics"
. American Diabetes Association
. Diakses tanggal
24 April
2014
.
Archived
14 Pebruari 2014 di
Wayback Machine
- ↑
a
b
Shoback, edited by David G. Gardner, Dolores (2011).
Greenspan's basic & clinical endocrinology
(9th ed. ed.). New York: McGraw-Hill Medical.
ISBN
9780071622431
.
- ↑
al.], Kim E. Barrett, ... [et (2012).
Ganong's review of medical physiology.
(24th ed. ed.). New York: McGraw-Hill Medical.
ISBN
0071780033
.
- ↑
Nathan DM, Cleary PA, Backlund JY, Genuth SM, Lachin JM, Orchard TJ, Raskin P, Zinman B (December 2005).
"Intensive diabetes treatment and cardiovascular disease in patients with type 1 diabetes"
.
The New England Journal of Medicine
353
(25): 2643?53.
doi
:
10.1056/NEJMoa052187
.
PMC
2637991
.
PMID
16371630
.
http://www.pubmedcentral.nih.gov/articlerender.fcgi?tool=pmcentrez&artid=2637991
.
- ↑
The Diabetes Control and Complications Trial Research Group (April 1995). "The effect of intensive diabetes therapy on the development and progression of neuropathy.".
Annals of Internal Medicine
122
(8): 561?8.
doi
:
10.1059/0003-4819-122-8-199504150-00001
.
PMID
7887548
.
- ↑
Citakan:NICE
|
Artikel
ieu mangrupa
taratas
, perlu disampurnakeun. Upami saderek uninga langkung paos perkawis ieu, dihaturan kanggo
ngalengkepan
.
|