Arsen , arsenik , atawa arsenikum nyaeta unsur kimia dina tabel periodik anu miboga simbol As jeung nomor atom 33. ^[1] Arsen kapanggih dina taun 1250 ku Albertus Magnus . ^[2] Di alam mah kapanggihanna dina sawatara mineral siga orpiment (AS ₂ S ₃ ), realgar (AsS), arsenopirit , jeung minangka oksida jeung arsenat . ^[2] Arsen mangrupa unsur metaloid (amfoter), banda padet nu warnana abu-abu perak , ngagurilap pisan (bisa burem ku ayana hawa). ^[2] Sipat kimiana mirip fosfor , langsung ngareaksi ku halogen , jeung mun dipanaskeun bakal gancang kaoksidasi jadi arsen(III)oksida anu bauna siga bawang bodas . ^[2] Dua wangun alotropi sejenna nyaeta arsen koneng jeung arsen hideung ngagurilap, tapi arsen abu-abu mah leuwih stabil. ^[2] Arsen dipake pikeun bahan komponen campuran logam jeung semikonduktor. ^[2]

Rujukan [ edit | edit sumber ]

Artikel ieu mangrupa taratas , perlu disampurnakeun. Upami saderek uninga langkung paos perkawis ieu, dihaturan kanggo ngalengkepan .