Alexandre Dumas Pere (senior) lahir di Villers Cotterets , Perancis tanggal 24 Juli 1802 . ^[1] . Akina ti golongan menak , ninina urang negro ti Santo Domingo . ^[1] Bapana jendral balatentara Napoleon anu perlaya mangsa Dumas kakara umur opat taun bari henteu ngawariskeun kakayaan nanaon. ^[1] Dumas diurus ku pendeta, laju digawe jadi juru tulis di salah sahiji kantor pangacara. ^[1]

Dina umur 21 taun pindah ka Paris babakti ka menak urang dinya. ^[1] Dumas wawanohan jeung aktor ngaran Joseph Palma , sering lalajo tokoh-tokoh Shakespiere anu nimbulkeun ilham pikeun nulis lalakon Henry III , Anthony , jeung Kean anu kawilang sukses. Dumas nulis oge novel-novel sajarah tur geus ditarjamahkeun kana rupaning basa. ^[1]

Nalika ngarang, Dumas dibantuan ku sawatara urang pangarang pikeun ngumpulkeun bahan-bahan karangan. ^[1]

Alexandre Dumas pere (senior), boga anak anu sangaran tur sarua pada-pada pangarang nyaeta Alexandre Dumas fils (junior). ^[1]

Sok sanajan panghasilan Dumas mucekil tina karangan-karanganana, tapi maotna dina taun 1870 dina kaayaan miskin. ^[1]

Lian ti ku Ermas, karya Dumas, Le Compte de Monte Cristo ditarjamahkeun kana basa Indonesia ku Nur Sutan Iskandar ( 1929 ) lobana genep jilid ^[2] . Karya nu sejenna The Three Muskeeter oge ditarjamahkeun ku Nur Sutan Iskandar kana basa Indonesia ( 1925 ). ^[2]

Ku banget populerna, The Three Musketeers , karya klasik Dumas ieu terus ngajadikeun inspirasi ka para sineas pikeun dipilemkeun. ^[3] Dina taun 2011 aya versi anyarna nu moderen anu ngalalakonkeun para pangawal Raja Perancis. ^[3]

Ieu lalakon masketir dina mangsa Barok sakira abad ka-17 teh munggaran medal dina wangun serial dina surat kabar Le Siecle , Maret nepi ka Juli 1844 . ^[3]

The Three Musketeers atawa Les Trois Mousquetaires dina basa Perancis midangkeun palaku utama hiji pamuda ngaran d'Artagnan anu ngagabung jeung tilu masketir manten: Athos, Porthos, jeung Aramis. ^[3] Arinyana dina lalakonna ngagagalkeun kudeta ku Kardinal Richelieu anu hayang ngaruntagkeun pamarentahan Raja Louis ka-13. ^{[3] [3]}

Referensi [ edit | edit sumber ]

Artikel ieu mangrupa taratas , perlu disampurnakeun. Upami saderek uninga langkung paos perkawis ieu, dihaturan kanggo ngalengkepan .