Dina fisika , akselerasi atawa gagancangan nyaeta gedena robahan (atawa derivasi laju , anu mangrupa vektor ) kalawan dimensi panjang / waktu ². Dina hijian SI nyaeta meter / detik ².

Akselerasi dilambangkan ku a (aksara panghareupna dina kecap akselerasi). Akselerasi bisa boga harga positif sarta negatif. Lamun harga akselerasi positif, hal ieu nembongkeun yen laju barang anu ngalaman akselerasi positif ieu nambahan (digancangkeun). Sabalikna lamun harga akselerasi teh negatif, hal ieu nembongkeun yen laju barang ngurangan (dilaunkeun). Conto akselerasi positif nyaeta: gerak muragna buah tina tangkalna anu dipangaruhan ku gravitasi . Sedengkeun conto akselerasi negatif nyaeta: gerak mobil anu dierem.

Rumus [ edit | edit sumber ]

Rumus rata-rata akselerasi dina hiji perioda waktu ${\displaystyle \Delta t}$ nyaeta

${\displaystyle \mathbf {\bar {a}} ={\frac {\mathbf {v} (t+\Delta t)-\mathbf {v} (t)}{\Delta t}}}$

di mana

${\displaystyle \mathbf {v} (t+\Delta t)}$ mangrupa laju ahir

${\displaystyle \mathbf {v} (t)}$ mangrupa laju awal

${\displaystyle \mathbf {t} }$ mangrupa waktu awal sarta ${\displaystyle \Delta \mathbf {t} }$ mangrupa robahan waktu.

Rumus akselerasi instan (sakedapan) dina waktu ${\displaystyle t}$ nyaeta

${\displaystyle \mathbf {a} (t)=\lim _{\Delta t\to 0}{\frac {\mathbf {v} (t+\Delta t)-\mathbf {v} (t)}{\Delta t}}={\frac {\mathrm {d} \mathbf {v} }{\mathrm {d} t}}}$

Jadi akselerasi mangrupa derivasi (turunan) tina laju. Perlu dicatet yen pernyataan (Posisi ahir - Posisi awal) / (Jumlah waktu nu diperlukeun) mangrupa laju rata-rata, sarta wates mangsa interval waktu ngadeukeutan enol mangrupa laju sakiceup. Ku kituna, laju mangrupa derivasi kahiji tina posisi, sedengkeun akselerasi mangrupa derivasi kadua tina posisi.

Perlu dicatet oge yen akselerasi rata-rata jeung akselerasi sakiceup dina hiji perioda waktu ${\displaystyle \Delta t=t_{1}-t_{0}}$ dipatula-patalikeun ngaliwatan teorema harga rata-rata pikeun integral :

${\displaystyle {\bar {\mathbf {a} }}\int _{t_{0}}^{t_{1}}\mathrm {d} t=\int _{t_{0}}^{t_{1}}\mathbf {a} (t)\mathrm {d} t}$

Nempatkeun kabehanana babarengan hartina:

${\displaystyle \mathbf {a} ={\frac {\mathrm {d} \mathbf {v} }{\mathrm {d} t}}={\frac {\mathrm {d} ^{2}\mathbf {r} }{\mathrm {d} t^{2}}}}$

di mana

${\displaystyle \mathbf {a} }$ nyaeta akselerasi

${\displaystyle \mathbf {v} }$ nyaeta laju

${\displaystyle \mathbf {r} }$ nyaeta posisi

${\displaystyle {t}}$ nyaeta waktu

Patali jeung hukum gaya Newton, ${\displaystyle F=ma}$, akselerasi sarua jeung kabeh gaya nu nimpah kana hiji barang dibagi ku massa barang kasebut:

${\displaystyle a={\frac {F}{m}}}$

Tempo oge [ edit | edit sumber ]

• Akselerasi sudut
• Derivasi posisi
• Persamaan gerak

Tumbu ka luar [ edit | edit sumber ]

• Acceleration and Free Fall Archived 2007-05-19 di Wayback Machine - a chapter from an online textbook
• Trajectories and Radius, Velocity, Acceleration on Project PHYSNET (ERROR - PAGE MOVED)
• Science aid: Movement
• The physics classroom Archived 2008-09-11 di Wayback Machine
• Science.dirbix: Acceleration Archived 2008-09-05 di Wayback Machine
• Acceleration Calculator
• Motion Characteristics for Circular Motion Archived 2008-12-22 di Wayback Machine
• Practical Guide to Accelerometers Archived 2008-12-17 di Wayback Machine