Te dielen, me 17 qershor mbush 40 vjet njeri prej skandaleve politike me me pasoja ne historine amerikane, skandali Watergate. Ajo qe filloi si nje hyrje fshehurazi ne zyrat e Partise Demokrate ne kompleksin Watergate ne Washington, solli doreheqjen e presidentit Richard Nixon. Kjo ngjarje vazhdon te kete jehone sot per politikanet dhe ambiciet e tyre, parate e fushatave dhe abuzimimin me pushtetin:

Gjithshka filloi ne oret e para te mengjezit te 17 korrikut te vitit 1972. 5 burra qe punonin per fushaten e rizgjedhjes se presidentit Nixon u arrestuan, ngaqe po perpiqeshin te futeshin ne zyrat e Partise Demokrate ne kompleksin Watergate.

Gazetaret e Washington Post-it, Carl Bernsetin dhe Bob Woodward e mbuluan kete ngjarje per gazeten e tyre dhe zbuluan se ceshtja Watergate ishte vetem pjese e nje programi te perpunuar qe kishte filluar te zbatonte fushata per rizgjedhjen e Richard Nixon-it me synimin qe te minonte kundershtaret politike te presidentit.

“Ne zbuluam emrat e njerezve te perfshire ne nje komplot kriminal, qe synonte te shkaterronte sistemin e lire elektoral qe ne kemi ne vendin tone, duke spiunuar dhe sabotuar demokratet”.

Hetime kriminale dhe ato te Kongresit pasuan njoftimin e Washington Postit dhe zbuluan nje aktivitet te fshehte nga fushata e presidentit Nixon dhe nga Shtepia e Bardhe, duke perfshire edhe vete Presidentin.

Gjate seancave te deshmive ne Senat ne vitin 1973 u zbulua se Nixon-i i regjistronte bisedat e tij ne Shtepine e Bardhe dhe keto kaseta me regjistrime ne fakt ndihmuan per te provuar perfshirjen e presidentit ne perpjekjet per mbulimin e ceshtjes.

Sapo regjistrimet e Shtepise se Bardhe treguan perfshirjen e Presidentit ne perpjekjet per te mbuluar ceshtjen, presidenti humbi mbeshtetejen baze te Partise Republikane ne Kongres dhe ai dha doreheqjen ne gusht te vitit 1974.

“Nuk kam hequr kurre dore nga asgje. Largimi nga detyra para perfundimit te mandatit tim eshte dicka e peshtire per vete qenien time. Por si president, une duhet te ve interesat e Amerikes mbi gjithshka.”

Pas doreheqjes se zotit Nixon, nenpresidenti Gerald Ford beri betimin si president dhe u perpoq menjehere te sheronte vendin e percare.

“Bashkatdhetaret e mi amerikane, ankthi yne ka marre fund. Kushtetuta jone funksionon plotesisht. Republika jone qeveriset nga ligjet dhe jo nga njerezit. Tek ne sundon populli.”

Historiani i Universitetit Amerikan Allan Lichtman thote se Watergate mbetet perpjekja me serioze nga nje president dhe ekipi i tij per te minuar procesin demokratik te vendit.

“Ai ishte nje komplot me permasa te medha. Dhjetra njerez u burgosen, perfshire zyrtare te larte te fushates se zotit Nixon dhe administrates se tij. Pra, shume njerez qe duhet t’i kishin njohur rregullat me mire, u zhyten ne kete skandal te tmerrshem dhe ai u be nje tragjedi me permasa shekspiriane, sepse ne shume drejtime Richard Nixoni beri shume per vendin”.

Para se te largohej nga Shtepia e Bardhe, zoti Nixon mbajti nje fjalim emocional para personelit dhe e perfundoi ate me nje fraze qe i goditi shume njerez si nje keshille ironike.

“Asnjehere mos harroni se te tjeret mund t’u urrejne, por ata qe ju urrejne juve nuk mund te fitojne ne qofte se ju nuk i urreni ata dhe ne nje rast te tille, ju shkaterroni veten”.

Tani 40 vjet me pas, skandali Watergate shihet jo vetem si nje fitore per procesin demokratik, por edhe si nje shembull percaktues mbi rendesine e shtypit te lire ne nje shoqeri demokratike.