Da Wikipedia, la nciclupidia libbira.
Palermu, lu 12 di jinnaru 1848.
La
rivuluzzioni nnipinnintista du 1848
succidiu n Sicilia e rapprisenta la prima nta l’Europa di ddu annu ca nfatti era riccu di rivuluzzioni nnipinnintisti e/o libbirali. Duranti lu piriudu di nu menzu seculu du
1812
o
1862
ni attruvamu armenu quattru rivuluzzioni significanti ca abbenninu n Sicilia. Chidda du
1848
e arricurdata nun sulu pu fattu ca succidiu nta n'ebbica europea quannu s'attrovanu assai rivuluzzioni pi tutti li banni, ma videmma pu fattu da mudirnitati di principi affirmati, cuntinennu chiddi da rapprisintativitati pupulari e da cintralitati du Parramentu, tantu menu da supiriuritati du Parramentu a rispettu o stissu reghi. O stissu tempu fu propunuta l'idia assai avanzata di na cunfidirazzioni cu l’autri stati e populi di l'Italia. Li principi suciali e pulitichi ca vinniru affrimmati si ponnu vidiri comu na cuntinuitati di li cunquisti da pricidenti
Custituzzioni siciliana du 1812
, ca rapprisinto nu mudellu assai avanzatu videmma (n termini juridici e pulitici).
Lu risurtatu di sta rivuluzzioni fu n'abbrivisciutu
Statu Sicilianu
, supravivennu p'un annu (o sidici misi, p'essiri cchiu pricisi). Lu statu fu guidatu di
Ruggeru Settimu
, ca, numinatu Patri da Patria e Prisidenti du Cunzigghiu du Regnu di Sicilia, si cumpurto di veru e propiu comu Capu di Statu n aspittanza ca lu
Parramentu Sicilianu
addijissi nu cannidatu o tronu, capaci di libbirarisi d'ogni lijami ca dinastia d’appartinenza. Acchidunu suprattuttu pripiratu a accittari
in toto
la
Custituzzioni Siciliana
.
Ca cunzinna di Palermu, lu
15 di maiu
du
1849
, lu Statu Sicilianu, natu da rivuluzzioni du
12 di jinnaru
, accabbo di viviri e li
Burbuna
arriturnaru o putiri.
Ruggeru Settimu si nni jiu n esiliu nta
Malta
, a bordu di na navi ngrisa. Nto portu di
Valletta
fu accittatu cu l'anuri di nu Capu di Statu. Muriu nta Malta nto
1863
. La salma di Settimu e oi sippilluta nna Chiesa di San Domenico, Pantheon di Siciliani.
- Correnti, Santo (2002)
A Short History of Sicily
, Les Editions Musae, Montreal.
- Sciano, Giuseppe (2004)
Sicilia, Sicilia, Sicilia!
, Edizione Anteprima, Palermo (in Italian).
Avvinimenti storichi da Sicilia
