Giufa e lu prutagonista di cunta pupulari siciliani di uriggini arabba . Tanticchia babbu, ni cummina di tutti li culura, ma quasi sempri ci finisci bona, senza chi si nni renni cuntu. Di carattiri semplici, ingenu, vivi ogni jornu comu c'ammatti, pigghiannu la jurnata comu veni.

Storia

Lu stissu pirsunaggiu cu li stessi stori, si trova nta autri tradizzioni pupulari di paisi du meditirraniu . Si chiama Djeha in Algeria e n Maroccu , Goha n Eggittu , Nasreddine Hodja n Turchia , uguali n Calabbria , Giaffah n Sardigna , Gihane a Malta .... e ancora Giucca n Tuscana , Giuca n' Albania , Turlule n Trentinu, Noodles nte paisi angrusassuni.

Giufa nti la littiratura

Na trascrizzioni n sicilianu di sti cunta si po truvari nti Fiabe, novelle e racconti popolari sicilani di

Giuseppi Pitre . Puru Italu Calvinu n Fiabe italiane arripigghiau certi cunta di Giufa du libbru di Pitre.

Giufa e la cijocca

Si cunta ca 'na vota cc'era Giufa; so matri si nni ijvu a la Missa e cci dissi: ≪Giufa, vidi ca staju jennu a la Missa, vidi ca cc'e la cijocca, e hav'a cuvari l'ova, la pighgii, cci duni a manciari la suppa e appoi la minti 'n capu arredi, ca nun bazzi ca s'arrifriddanu l'ova.≫

Giufa pigghia la cijocca, cci fa la suppa cu pani e vinu e la civa, tantu chi la civa ca cci la fudda cu li jita e l'affucca e chista mori; quannu Giufa vidi la cijocca accussi morta, dici: ≪Ora comu fazzu, ca l'ova s'arrifriddanu! ora mi cci mentu ju 'n capu a l'ova.≫
Si leva li causi e la cammisa e s'incula 'n capu a l'ova, e si cci assetta.

Veni so matri e cci grida: ≪Giufa, Giufa!≫

Arrispunni Giufa: ≪Un cci pozzu viniri, ca sugnu cijocca e sugnu misu 'n capu a l'ova , manzino s'arrifriddanu.≫

So matri si metti a gridari: ≪Birbanti, birbanti ! ca tutti l'ova scafazzasti!≫

Si susi Giufa e l'ova sunni tutti na picata.

Lu friscalettu (chiamatu macari frautu, fischiettu, frischiettu, o farautu, a secunnu de diminzioni) e nu strumentu musicali a ciatu di uriggini greca, custruitu ccu canna miditirrania.

Lu sonu do friscalettu addiventa acutu o gravi a secunnu du spissori ca pussedi la canna. Duranti la so custruzzioni, veni tagghiata la chianta di canna nudosa prima e dopu i dui nodi, 'n modu di dari vita a la mbuccatura di na parti e a la chiusura o " culazza" di l'autra; parti da mmuccatura veni fatta di lignu diversu da canna, spissu cu lignu di piru.

Lu bummulu e nu cuntinituri di terracotta, ca na vota vinia usatu pi jinchirilu di acqua e mantinirila frisca ppi tutta la jurnata. Havi la vucca stritta, spissu havi du manichi e nta la parti di sutta s'allarga e forma na speci di panza .

Ppo vinu vinia usatu, nveci, na varianti cchiu nicaredda do bummulu , cu na furma tanticchia cchiu scacciata e chissu vinia chiamatu ciascu .

Nta arcuni bummuli vinia fattu o centru di la panza nu purtuseddu ntuppatu cu nu lignuzzu: di ssu purtusu si biveva.

Lu carrettu , cchiu canusciutu di forasteri cu l'appillativu di sicilianu , e nu menzu di trasportu agriculu in usu nta tuttu lu tirritoriu sicilianu nzina a secunna mita du vintesimu seculu , quannu divinni obsoletu pi la criscenti muturizzazzioni du travagghiu di campagni. Di lignu e trainatu dun cavaddu o di nu scecccu, si cumponi di du roti granni e di n'aria pi lu trasportu da merci e di pirsuni. Lu fattu ca e spissu dicuratu cu quatra di culura sgargianti rapprisintanti spissu stori epichi di origgini mediuevali, n'ha fattu unu di simmuli di l'iconografia folcloristica siciliana. Lu si po truvari ancora oggi nte centri storici siciliani comu curiusita pi turisti, pi farisi nu giru o na fotu, o in miniatura nta tutti li negozzi di souvenir da Sicilia. Certi voti e usatu puru pi cerimoni particulari comu li spusalizzia o autri festi pubblichi e privati.

Lu marranzanu e na sorta di scacciapinzeri , tipicu da Sicilia. Stu strummentu musicali e tipicu di la musica folcluristica siciliana e e usatu, 'n particulari, pi tarantelli .

La gastrunumia siciliana e cu prubbabbilita la cchiu antica di l' Italia , e forsi la cchiu ricca di spicialita, e sicuramenti la cchiu scinografica.
Lu chiattu gastrunomicu cchiu talianu ca c'e, la pasta-asciutta, macari idda, eppi nta l'isula do suli la so culla a l'ebbica da duminazzioni arabba. Lu nomu cchiu anticu era maccaruni , ca veni di maccare , zoe ammaccari e scacciari lu frummentu pi mpastarilu.

Pi lu Fistinu si solinu manciari tanti spicialita palirmitani comu: li Babbaluci (vugghiuti) , lu Scacciu (ciciri e sumenzi di cucuzza atturrati), la Cubbarda (cruccanti e mennuli), li Felli (Milanciani fritti), lu Pani ca meusa (fucazza cu meusa ), lu Sfinciuni (fucazza cu pumadoru e tantissima cipudda), lu pani e panelli .

Lu cuscusu o cuscus e nu piattu tipicu da cucina nordafricana , custituiutu di simmula cotta a vapuri, a quali vennu agghiunciuti carni e virduri vugghiuti n sarsi arumatichi e piccanti.
Nta Sicilia uccidintali, supratuttu tra Mazzara e Trapani lu cuscus e na spicialita tradizziunali e si pripara cu pisci nveci da carni

L' arancina (o arancinu ) e una di spicialita di la cucina siciliana ntra li cchiu canusciuti. Si tratta di na palla di risu, di 8-10 centimitri, jinchiuta di na cumpusizzioni di sarsa, di furmaggiu picurinu, nu pezzu nicu di carni e, a voti, nu quartu di ovu duru o pisedda , lu tuttu misu a frijiri nta l'ogghiu. Na vota ca lu risu arriva a aviri lu culuri di n'arancia, si po nesciri e si po manciari.
La forma cancia a secunna di li zoni: nta zona di Palermu pigghia la forma di na palla tunna e si chiama arancina ; nta zona di Catania pigghia la forma di na palla pizzuta e si chiama arancinu .

• La Scaccia e n' alimentu tradizzionali da cucina siciliana . Si cumponi di nu stratu di pasta chi piegatu in tri o quattru strati po essiri farcitu di diversi maneri.
• La granita siciliana o simplicimenti granita , comu a lu gilatu, e n'alimentu arrifriscanti. Nta so ricetta basi si cumponi di acqua, zuccaru e lumia, ma altirnativamenti la lumia po essiri scanciata cu mennuli a puzzuddi, cafe, o autri assenzi.
• La cassata siciliana o simplicimenti cassata (di l'arabu qas'at, "bacinedda") e na torta tradizziunali siciliana a basi di ricotta zuccurata, pan di Spagna, pasta riali, frutta candita e glassa di zuccuru.
• La ricotta salata e un prudottu tipicu do miridiuni talianu, arrivata ca culunizzazioni greca. Veni assai cunzumata particularmenti nta pruvincia di Catania , unni e ndispinzabbili, misa o postu du furmaggiu grattuggiatu, pi cunniri la famusa pasta a la norma, piattu tipicu do catanisi.