? Orca Status di cunsirbazzioni: Quasi 'n piriculu
Orca sautannu fora di l'acqua
Classificazzioni scintifica
Regnu: Animalia Filu: Chordata Classi: Mammalia Ordini: Citacea Famigghia: Delphinidae Geniri: Orcinus Speci: O. orca
Nomenclatura Binomiali
Orcinus orca Linnaeus , 1758
Distribbuzzioni di l'Orca (p'azzolu)

L' orca o firuni ( Orcinus orca ) e un mammifiru marinu c’apparteni a famigghia di Dilfinidi ( Citacei Odontoceti ).

Abbitazzioni [ cancia | cancia la surgenti ]

L' orca e diffusa nta tutti l’ oceani e li mari du munnu e campa sia nta l’ abbissi sia nte vascifunni vicinu e costi agghicannu a li voti addrittura nzinu e foci d’arcuni ciumira .
Nurmarmenti pero l'orca prifirisci campari nta l’acqui friddi di lu Polu Nord unni, ‘n astati, caccia tra li vanchi di ghiacciu. Sulu arcuni speci migranu d’astati versu l' equaturi , ‘n manera veru simuli e baleni griggi che migranu vicinu e costi statunitenzi .

Caccia [ cancia | cancia la surgenti ]

L' orca si nutrica principarmenti di pisci , calamara , feri , fochi e liuni marini .
A diffirenza di tanti autri speci l'orca nun attacca quali e gghie criatura ma si limita a cacciari li speci cchiu friquenti da zona.
St’armali siddu nun sono ‘n vrancu si limitanu a cacciari armali di tagghia nica mentri quannu sunnu ‘n gruppu puntanu a armali macari cchiu grossi d’iddi comu arcuni baleni .

Cumpurtamentu [ cancia | cancia la surgenti ]

L'orca campa nurmarmenti ‘n gruppi cumposti da fimmina, li so picciddi, fimmini cchiu anziani e sterili e un masculu adurtu. Chista e na famigghia basi chiamata midemma pod .
Tutti li cumpunenti di sta famigghia "parranu" tra d'iddi attraversu soni di variu geniri e ogni pad havi lu propiu linguaggiu.
L'orca havi n’organu spicificu postu supra la frunti ca po usari comu sonar . Tutti l’uggetti curputi di l’unni sunori arrimannanu nu leccu ca l’orchi pircipiscinu comu n’armali o comu na roccia a evitari.

Ripruduzzioni [ cancia | cancia la surgenti ]

Na fimmina d’orca po ripruducirisi cu diversi masculi, midemma di diversi pod. Allura li masculi, nun putennu arricanusciri li figghi, s’occupanu di tutti chiddi prisenti nto so gruppu.
Doppu circa 1 annu e menzu di gistazzioni la fimmina parturisci un sulu picciddu, di norma nta l’acqui vasci, e lu porta subbutu vicinu a unu di li so parenti.
Na fimmina d’orca po aviri un figghiu ogni 6 anni vistu li longhi curi ca la matri porta o figghiu.

Diminzioni [ cancia | cancia la surgenti ]

Lu pisu du masculu d’orca po agghicari nzinu a 7700 Kg , mentri chiddu da fimmina nzinu a 5500 Kg.
La lunghizza e di 9 metri pi lu masculu e 8 metri pi la fimmina.
L' Orca e lu mammifiru cchiu viloci o munnu (‘n acqua) e po junciri la vilucitati di 55 km / h .