Sos tedescos ( Die Deutschen ) sun unu grustiu etnicu germanicu de s' Europa tzentrale. Su faveddu "tedescu" s'at impreau pro inditare sos chi faveddaban su tedescu in paritzos trettos e istados a largu de s'istoria, mascamente in Prussia , su Sacru Imperu Romanugermanicu , s' Imperu Tedescu , sa Repubrica Federale Tedesca o sa Repubrica Democratica Tedesca .

De sos chi faveddan tedescu che limba mama peri su mundu (unos 100 miliones), si intenden tedescos tra sos 66 e 75 miliones. B'at fintzas unos 80 miliones de erentzia tedesca in su mundu, ma de custos sa prus parte no at mantesu su tedescu che prima limba. Duncas, su numeru de tedescos peri su mundu est tra sos 66 e sos 160 miliones, a secunda de su criteriu chi si impreat pro facher sa conta.

In medas zassos in ube s'allega est cussa tedesca (Austria, Isvitzera , Liechtenstein o Lussemburgu ), oje in die, s'at isvilupau una cussentzia nassionale distinta e sa zente si podet refudare de s'identificare chin custu grupu umanu.