Segunda gherra balcanica

Dae Wikipedia, s'entziclopedia libera.
Custu articulu est iscritu cun sa grafia Limba Sarda Comuna . Abbaida sas ateras bariedades graficas:

campidanesu · logudoresu · nugoresu

Segunda gherra balcanica
Example alt text
Cambios de territorios a pustis de s'acabu de sa segunda gherra balcanica
Data 29 de lampadas - 10 de austu de su 1913
Logu Penisula balcanica
Resultadu e cunseguentzias Derrota de sa Bulgaria
Cambios de territoriu Sa Bulgaria aiat tzedidu sa casi totalidade de sa Matzedonia a sa Serbia e a sa Gretzia , Adrianopolis a s' Imperiu Otomanu e sa Dobrugia meridionale a sa Romania .
Custu template:  castia   ?   cuntierras   ?   modifica

Sa segunda gherra balcanica est istadu unu cunflitu breve chi fiat tzocadu in s'istiu de su 1913 chi aiat bidu sa Bulgaria contra is fintzas a tando alliados de sa Liga Balcanica , annotamala sa Romania e s' Imperiu otomanu , e de su cale fiat essida derrotada. [1] ? Sa gherra aiat batidu a unu tratadu de paghe nou, su Tratadu de Bucarest , [2] chi aiat mudadu sa sestadura territoriale cuncordada in su Tratadu de Londra , firmadu pagos meses in antis, chi aiat postu fine a sa prima gherra balcanica , in sa cale sa Liga Balcanica aiat bintu a sos otomanos. [3]

Is cumbatimentos fiant durados trintatres dies e fiant comintzados cun un'atacu bulgaru chi in pagu tempus aiat lassadu su passu a is contra-ofensivas serbas e gregas . S'intransigentzia territoriale bulgara, chi non cheriat atzetare su possessu gregu de Thessaloniki pro mantennere s'alliantzia cun sa Gretzia, ne tzedere sa Dobrugia meridionale pro evitare s'atacu rumenu e chi aiat detzididu s'isciopu de sa gherra, aiant favoressidu sa derrota finale sua. [4] Mancari is bulgaros fiant renessidos a cuntennere a sa fine casi totu is afracadas serbu-gregas, s'intrada in su cunflitu de sa Romania a primu e de s' Imperiu Otomanu a fatu aiat asseguradu sa derrota sua. Su Guvernu de Sofia non si fiat asseguradu nemmancu s'apoderamentu firmu de sa Russia , chi ddi diat podere evitare sos atacos de rumenos e otomanos. [5]

Is cumbatimentos fiat acabados cun una partzidura de territorios favorabile in sustantzia a is binchidores: sa Serbia aiat otentu sa prus parte setentrionale de sa Matzedonia , sa Gretzia sa parte meridionale (incluende Thessaloniki ), [6] sa Romania sa Dobrugia meridionale ? e s' Imperiu Otomanu sa Tratzia orientale cun Adrianopolis . [7] Sa Bulgaria , mancari cunsiderende sa gherra comente unu disacatu, aiat otentu una parte minore de sa Matzedonia , sa Tratzia otzidentale e territorios a sud de is montes Rodopi . [8]

Militarmente, sa Serbia fiat abarrada sa printzipale potentzia regionale impare cun sa Romania , mentras politicamente fiat istada s'unica natzione a si mantennere prossima a sa Russia a pustis de s'istesiamentu de sa Bulgaria, iscuntenta de su cumportamentu russu durante sa gherra. [9] Sa dipendentzia russa de sa Serbia pro mantennere s'influentzia sua in is Balcanos diat essere unu fatore importante pro iscadenare de sa Prima Gherra Mundiale un'annu a pustis, in s'istiu de su 1914 . [10]

Riferimentos [ modifica | modifica su codighe de origine ]

  1. ↑ ( EN ) Crampton, R. J., Aleksand?r Stamboli?ski, Bulgaria , Haus Publishing, 2009, p. 59.
  2. ↑ ( EN ) Crampton, R. J., Aleksand?r Stamboli?ski, Bulgaria , Haus Publishing, 2009, p. 59.
  3. ↑ ( EN ) Richard C. Hall, The Balkan Wars 1912-1913: Prelude to the First World War , 24 austu 2000, p. 109.
  4. ↑ ( EN ) Richard C. Hall, The Balkan Wars 1912-1913: Prelude to the First World War , 24 austu 2000, p. 127.
  5. ↑ ( EN ) Richard C. Hall, The Balkan Wars 1912-1913: Prelude to the First World War , 24 austu 2000, p. 127.
  6. ↑ ( EN ) Richard C. Hall, The Balkan Wars 1912-1913: Prelude to the First World War , 24 austu 2000, p. 192.
  7. ↑ ( EN ) Richard C. Hall, The Balkan Wars 1912-1913: Prelude to the First World War , 24 austu 2000, p. 302.
  8. ↑ ( EN ) Constant, Stephen, Foxy Ferdinand, Tsar of Bulgaria , 1980, p. 352.
  9. ↑ ( EN ) Richard C. Hall, The Balkan Wars 1912-1913: Prelude to the First World War , 24 austu 2000, p. 129.
  10. ↑ ( EN ) Richard C. Hall, The Balkan Wars 1912-1913: Prelude to the First World War , 24 austu 2000, p. 129.

Articulos ligados [ modifica | modifica su codighe de origine ]

Ateros progetos [ modifica | modifica su codighe de origine ]

Sister project Wikimedia Commons tenet files chi ligant a: Segunda Gherra Balcanica
Bogadu dae " https://sc.wikipedia.org/w/index.php?title=Segunda_gherra_balcanica&oldid=175874 "