Sa segunda gherra italo-etiope o fintzas campagna de Abissinia o simpremente gherra de Etiopia est istadu unu cunflitu chi bidiat opostos s' Italia Fascista de Benito Mussolini e s' Imperiu de Etiopia de Haile Selassie I dae su 3 de santugaine de su 1935 a su 9 de maju de su 1936 . Aiat costituidu su segundu cumprobu de s' Italia de s'impossessare de s'istadu a fatu de sa vitoria etiope de Adua in su 1896. Sa vitoria de s'Etiopia fiat istada siat militare siat politica e diplomatica sende chi li aiat afiantzadu s'indipendentzia e su reconnoschimentu internatzionale. S'Etiopia e s'Italia perteniant a sa Sotziedade de sas Natziones , chi teniat sa tarea de prevennere sas gherras peri su printzipiu de seguresa colletiva.

S'acontessida de custa gherra aiat tentu cussighentzia in su retiru de s' Italia dae sa Sotziedade de sas natziones e de l'acostare a sa Germania nazista . Parallelamente sa Sotziedade de sas Natziones aiat ammostadu de no essere capatza de cumprire sas tareas suas e aiat balangiadu iscretia internatzionale, in s'espuru de sa segunda gherra mundiale . Mancari sos italianos teniant superioridade tecnologica e aiat impitadu armas chimicas, una resistentzia armada a s'ocupatzione italiana no fiat mai totalmente annichilada e aiat sighidu a durare fintzas a su 5 de maju de su 1941, die de sa liberatzione de Addis Abeba , ghiada dae su norte de su paisu dae sas tropas britannica impare a sa prima divisione frantzesa libera e fintzas de sas tropas belgas in su sud de su paisu.