George Washington ( Bridges Creek , Virginia , 22 de freargiu 1732 ? Mount Vernon , Virginia , 14 de nadale 1799 ) est istadu unu de sos babos fundadores de sos Istados Aunidos , isvilupende su rolu de cumandadore cabu de s’armada continentale in tempus de sa gherra rebolussionaria amerigana . Aiat finas presididu subra de su cumbeniu chi aiat redatadu su custituimentu, su cale aiat sustituidu s’istatutu de sa cunfederadura. Su custituimentu aiat istabilidu sa funtzione de presidente de sa repubriga, chi Washington fiat istadu su primu mantenende-la.

Washington fiat istadu eleghidu presidente a isseberu unanime de sos 69 eleghidores in su 1788, e aiat cumpretadu duos mandatos. Aiat presididu subra de sa formadura de una gubernu nassionale forte e finantziadu bene, chi mantenneret sa neutralidade in sas gherras pilisende in Europa , suprimeret sa rebellia e lograrat atzetadura intre sos ameriganos de onzi casta. S’istilu suo de lideru aiat apostivigadu medas formas e rituales gubernamentales impreados dae tando, che su sistema de gubernu e su pronuntziamentu de s’arresonu inagurale. In prus de custu, sa transidura paghiosa dae sa presidentzia sua a sa de John Adams aiat istabilidu una tradissione galu como in esistentzia. Istorigamente, Washington est cussideradu ampramente comente su babu de sos Istados Aunidos .