Articulu in
LSC
Sa
Republica Democratica Tedesca
(RDT)(in
tedescu
Deutsche Demokratische Republik, DDR
), narada prus simpremente
Germania Est
, fiat unu istadu esistidu de su 1949 a su 1990 in sa zona de chi oe est
Germania
chi cun s'agabu de sa
II Gherra Mundiale
fiat assignadu a s'ocupatzione militare de is tropas
Sovieticas
.
Teniat isterrida de 108 177 km² e in su 1990 populatzione de unos 16 700 000 bividores.
Sa capitale fiat
Berlin-Est
Su territoriu de s'istadu cumprendiat cussos de is atuales
Land
de: (de nord a sud)
Mecklenburg Vorpommern
,
Brandenburg
, sa parte est de su Stadtstaat de
Berlin
,
Sachsen-Anhalt
e
Freistaat Sachsen
.
Allacanaiat a Est cun sa
Polonia
, a Sud cun sa
Tzecoslovachia
, a Ovest cun sa
Repubrica Federale Tedesca
e a su Nord teniat bessida in su
mare Balticu
.
Sa proclamatzione de sa Republica Democratica Tedesca acuntessiat su 7 de santugaine 1949, comente resposta a sa proclamatzione unilaterale de sa
Republica Federale Tedesca
(RFT) (prus nodia comente
Germania Ovest
) in is zonas de ocupatzione militare de is tropas de
Istados Unidos
,
Renniu Aunidu
e
Frantza
.
Addiliat a su
Patu de Warszawa
in su 1957. Impare a sa
RFT
, beniat ammitida in s'
ONU
isceti su 18 de capudanni 1973.
Is ribellias pro chircare de nde furriare su gubernu aiant comintzadu giai de su 1953 ma non teniant mai sutzessu.
Pro su chi pertocat is relatziones cun is bighinos de s'Ovest, fiant minguas e limitadas de is autoridades. Is lacanas fiant serradas cun acorros, fossos e cuntrolladas militamente, mancari is bividores bi fuiant numerosos passende atraessu Berlin, tzitade chi, a sa matessi manera de sa natzione fiat dividida in unu chirru ovest e unu est. Pro custa resone in su 1961 is autoridades de sa RDT e sovieticas aiant pesadu unu muru chi dda ispartziat in duos cantones e controiat cale chi siat comunicatzione (francos is Check-Point, ghennas de frontera chi permitiant attraessamentos cuntrollados de una parte a s'atera).
S'acostamentu cun sa Germania Ovest fiat incomintzadu cun s'eletzione a presidente de
Willy Brandt
in sa RFT in su 1969 chi sighiat una politica definida
Ostpolitik
(politica de s'est), e fiat sighida cun s'eletzione de
Erich Honecker
in su 1976 a Est.
S'istadu at agabadu de esistere a sa fine de su 1989. Difatis a primu, s'11 de cabudanne 1989 s'
Ungheria
aiat abertu is fronteras cun s'
Austria
, fatu chi permitiat a is tedescos de s'Est de si·nche andare a s'Ovest, e pagus meses a pustis, su 9 de onniasantu nde fiat isciarrocadu su
Muru de Berlin
, simbulu de sa
Gherra Frida
.
In s'annu chi fiat sighidu is duas republicas tedescas si fiant aunidas e fiat naschida sa
Germania
de oe.
Is abitantes de sa Repubrica Democratica Tedesca fiant meda prus pagos de sos de sa Repubrica Federale, ma de su restu sa mannaria de su territoriu fiat minore. Is tzitades printzipales fiant
Berlin-Est
,
Dresden
e
Leipzig
. Ateras tzitades fiant
Halle
,
Jena
,
Rostock
,
Karl-Marx-Stadt
.
Sa limba uffitziale fiat su
tedescu
ma b'aiat una minoria
soraba
in su sud.
Pro su chi pertocat sa religione, is tedescos de s'Est sunt a majoria
protestante
luterana
, ma s'istadu essende de ideologia communista professaiat s'Ateismu. Is creidores non beniant persighidos ma teniat limites mannos in sa possibilidade de carriera in su traballu.