Donato (Donnino) di Angelo di Pascuccio stranoma el Bramante ( Fermignano , 1444 ? Roma , 11 mars 1514) a l’e stait n'angigne, architet e pitor italian dl' Arnassensa .

Biografia [ modifica | modifiche la sorgiss ]

Bramante a l’ha travaja a l’inissi ‘me pitor, influensa da Melozzo da Forli. Soe prime comande ‘me architet a son del 1479, quand a l’era al servissi ed Ludovich Sforza , a Milan , andoa a travaja ansema a Leonard da Vinci .

Del 1500 a va a Roma andoa a mostra so concet dle stil classich con el Tempiet ed San Pe an Montorio (1502-1510). Cost edifissi a propon na sintesi antrames l’art antica e l’art dl'Arnassiment: elevassion ed 3 scalin, compost da na sala sentral arionda, circonda d'un peristil forma da colone toscan-e con ansima un lambris.

Sa euvra pi avosa a l’e sans gnun dubi la Basilica ed San Pe (inissia ant el 1506) a Roma, realisa a la domanda del Papa Giulio II . Bramante a trassa el proget, a buta le fondamenta (1513) e a l’aussa fin al prim pian, ma a l’ha pa el temp ed finila. L'edifissi, dop soa mort, a l’e fini e perfessiona da Michelangel .

Antrames j'autre euvre, as peul armarchesse S. Maria avzin S. Satir (1482-1486), el ciostr ed S. Ambreus a Milan (1497-1498), el Palass apostolich del Vatican o edco el Palass Caprini (1501-1502). Bramante a l’e stait el magister e el protetor ed Rafael .