Di Wikipedia, e ensiklopedia liber
E artikulo aki ta skirbi na
papiamentu
. Lo ta apresia si por mantene e artikulo aki na estilo di
papiamentu
.
Luis ("Luigi") Benjamin Pinedo
(n.
23 di yuli
1926
na
Willemstad
? f.
28 di mart
2007
na Willemstad) tabata un
pintor
artistiko di
Korsou
.
[1]
Pinedo a nase den e bario di
Otrobanda
na Willemstad i e tabata e uniko yu homber di e hoyero Luis Bernardo Pinedo i e kosedo Remigia Rosaria de Lannoy. Na momentu ku e tabata bai skol sekundario, el a kuminsa pinta, probablemente inspira pa dos tio ku tabata pinta den nan tempu liber. Pero komo Pinedo tabata falta praktika, el a hana les i a tuma kurso di pintamentu; entre otro na e skol di arte
New York School
. Pa motibunan deskonosi. Pinedo ta muda bai
Venezuela
ku su tata pa varios ana. Na Venezuela e ta sina pa ofishi di elektrisista. Entretantu Pinedo a keda pinta i asisti na tayernan di pintura na
Puerto Rico
, Venezuela,
Mexico
i
Colombia
.
Na 1951 el a regresa Korsou i a kasa ku Aura Tweeboom. Nan ta hana dos yu muhe. Unu di e dos yunan, Karin Isidora-Pinedo, tambe a bira pintor i a tene un ekshibishon huntu ku su tata na 2021.
[2]
Prinsipalmente, Pinedo a pinta naturalesa i paisahenan urbano romantiko di Korsou; spesialmente e tabata ekspresa su su amor pa su
kapital
Willemstad. Hopi di su pinturanan tabata imprimi riba postal pa promoshona i konmemora Korsou i su kultura. Pero Pinedo no por a biba di pintamentu so. El a risibi un sertifikado komo fabrikante di instrument na
Shell
Technische School Curacao.
Despues el a kuminsa instala i hasi mantenshon di left i roltrap na Korsou i
Aruba
. Tambe na Aruba e tabata pinta esenanan di naturalesa, aparte di su trabou komo instalado.
[1]
Seguidamente Pinedo a kuminsa duna les for di su mes kas na mucha i adulto na Korsou. Durante 8 ana el a duna les na e
Instituto Venezolano para la Cultura y la Cooperacion Curazao.
Na 1965 el a kuminsa ekspone su obranan. Na 1966 Pinedo a partisipa na un kurso internashonal di pintura na
Caracas
, kapital di Venezuela, na memoria di e luchado pa libertat
Simon Bolivar
; el a keda na di 5 luga. Despues di a baha ku penshon na 1980, el a kuminsa ku pintura apstrakto. E obra
Abstracte Clowns
ta un ehempel masha konosi.
Pinedo a fayese na e edat di 80 ana. Dia 31 di mart 2007 e kremashon di su kurpa a tuma luga i a plama su shinishi ta den
laman Karibe
na altura di
Tafelberg
.
Relashona ku su fayesementu, su amigu
Elis Juliana
kual ta un poeta i pintor, a kompone un poesia na su honor. Dia 28 di mart 2007 a pone un mosaiko konmemorativo ku su imagen na Otrobanda. El a risibi un rekonosimentu pa su obranan, kual tabata un medaya di plata di honor asosia ku "
Orden di Oranje-Nassau
" dia 8 di aprel 1982. Obranan di Pinedo ta forma parti di e kolekshon di
Museo di Korsou
[3]
.