Di Wikipedia, e ensiklopedia liber
E
Hunta di Maneho
of
Gerensia
(
Hulandes
:
Raad van Bestuur
Ingles
:
Board of Directors
) ta e organo ku ta maneha un kompania of un instituto. E gerensia ta enkarga ku e maneho diario di e kompania i tin ku duna kuenta i rason na e
Hunta di Komisario
of na e
Akshonistanan
direktamente. E Hunta di Maneho por ta konsisti di un of mas persona ku ta wordu skohe pa e Akshonistanan huntu ku e komisarionan.
E responsabilidat final di lokual ta sosode den e kompania ta kai riba e gerensia. E gerente ta esun ku tin ku sali pa e kompania; tin ku duna kara. Normalmente ora ta trata di un sosiedat anonimo e gerente no por wordu pone personalmente responsabel; esaki ta bira e kaso ora ta trata di mal maneho i no kumplimentu ku
normanan di bon gobernashon
.
E tarea tipiko di un gerensia ta entre otro:
- Maneha e kompania dor di tomo di desishon;
- Kumpli ku e vishon i e metanan di e kompania;
- Selekta, apunta, duna soporte i revisa e trabou di e
supalternonan
;
- Aproba i kumpli ku e presupuesto anual.
E funshon nan den un Hunta di Maneho por ta entre otro:
- Presidente di e Hunta
- Direktor Ehekutivo
- Direktor Finansiero
- Direktor Operashonal
- Direktor Tekniko
- Direktor Komersial
- Direktor General
- Sekretario Ehekutivo