E artikulo aki ta skirbi na
papiamentu
. Lo ta apresia si por mantene e artikulo aki na estilo di
papiamentu
.
Giovanni Abath
|
|
Informashon personal
|
Nomber kompleto
|
Giovanni A. Abath
|
Alias
|
7.1
|
Nasementu
|
23 yanuari 1974
![Editá pa Wikidata](//upload.wikimedia.org/wikipedia/commons/thumb/8/8a/OOjs_UI_icon_edit-ltr-progressive.svg/10px-OOjs_UI_icon_edit-ltr-progressive.svg.png) Willemstad
|
|
Wepsait ofisial
|
Giovanni A. Abath
(☆
23 di yanuari
1974
na
Willemstad
), tambe konosi pa su nomber artistiko
7.1
(vershon numeriko di su inisialnan), ta un aktor, artista teatral i artista visual di
Korsou
.
Giovanni Abath a lanta na
Barber
den
Bandabou
.
[1]
E tabata kreativo komo mucha i for di un edat hoben su enfoke tabata riba obranan di heru. Despues di su estudio na LTS, Abath a traha komo trahado di konstrukshon den e
refineria Isla
.
[1]
Aki el a kuminsa eksperimenta ku materialnan di desperdisio. Komo ku na prinsipio tabatin tiki interes den esei, el a bai aktua. Komo aktor e tin mas ku 30 ana di eksperensia den
teatro
i pelikula. El a hunga entre otro den e pelikula
Tula: The Revolt
(2013)
[2]
; den
Bulado
(2020) ku a gana e premio "Gouden Kalf" pa miho pelikula durante e festival di pelikula hulandes na 2020 i tabata e entrada hulandes pa e kategoria di miho pelikula internashonal di e Academy Awards; e pelikula kortiku
La Dama Blanca
(2021) ku
Rina Penso
i
Invasie
(2024).
[3]
[4]
For di 2011 e ta lider artistiko di Kara Productions.
Abath ta un artista plastiko outodidakto; su obranan visual ta pertenese na e tipo medio mixto. E ta traha eskultura, instalashon i otro obranan di arte di heru, staal inoxidabel, skuma di peps, palu i otro materialnan. Su obranan, den kual e influensia di
Yubi Kirindongo
ta visibel, ta trata temanan manera bida, su pais Korsou, naturalesa, historia i sentimentu.
[5]
Na okashon di e sentenario di e refineria na 2018, el a hana e oportunidat pa organisa un exposishon di su obranan. Komo ku e materialnan tabata bin di e refineria, su trabou a keda propiedat di e kompania. Ora e refineria a dal sera na 2020 e por a hiba su obranan i por a partisipa na 'Open Atelier Route' na Korsou.
Abath a kosecha fama nashonal ku su disenonan ana tras ana pa e karosanan di
karnaval
i e iluminashon festivo durante e periodo di Pasku. Rapidamente el a hana mas enkargo i a keda bon risibi den e mundu di e artistanan visual. Riba enkargo di gobiernu di Korsou el a traha e obra di arte
History in motion
na
Plasa Brion
na
Otrobanda
pa
Dia di Bandera
na 2018.
Rei Willem Alexander
i
Reina Maxima
tabata presente na e seremonia riba 2 di yuli 2018.
[6]
Su obra,
Man of Steel
, a wordu inklui den e ruta di arte di Blue Bay Sculpture Park. Pa e Kaya Kaya festival na Otrobanda el a traha e obranan
Emancipate yourself from mental slavery
,
Konose bo mes i lo bo konose Universo
i e pergola
Flowers of the Sky
. E ultimo obra aki ta na
Aruba
.
[7]
Despues di hopi ana di restorashon di e edifisio neglisha, na september 2023 el a habri su tayer i galeria 7.1 Experience den Lanthuis Morgenster. E
Light Bearer
, un imagen di 7.1 meter di altura ku ta ilumina anochi, ta mustra bishitantenan e kaminda pa e galeria i dos vershon grandi di su kreashon
Little Man
ta yama bishitantenan bonbini na entrada.
[8]
-
Man of Steel
, Parke di estatua Blue Bay
-
History in motion
,
Plasa Brion
,
Otrobanda
-
Emancipate yourself from mental slavery
, Emmastraat, Otrobanda
-
Eskultura na Otrobanda
-
Patrimonio Nashonal di Pueblo
-
Konose bo mes i lo bo konose Universo
, Frederikstraat, Otrobanda
-
Light bearer
na Lanthuis Morgenster na Wishi
Fuente, nota i/of referensia
|