Gerrit F. Schotte

Pais di nashonalidat	Reino Hulandes
Nomber di dilanti	Gerrit
Fam	Schotte
Fecha di nasementu	9 september 1974
Luga di nasementu	Willemstad
Okupashon	politiko
Funshon	prome ministro di Korsou
Partido politiko	Movementu Futuro Korsou

Gerrit Fransisco Schotte (☆ 9 di september 1974 na Willemstad ) ta un politiko kurasoleno . Entre 2010 i 2012 e tabata minister-presidente di Korsou . Schotte ta bai den historia komo e prome minister-presidente di Korsou komo pais outonomo i ademas esun mas hoben den Reino Hulandes te e momento ei. ^[1] Pa via di su pasado unda el a keda kondena varios biaha pa aktonan froudulento e ta ser konsidera un persona i politiko kontroversial. ^{[2] [3] [4] [5]}

Di 2010 te 2020 Schotte tabata lider di e partido Movementu Futuro Korsou (MFK), kual el a funda apenas shete siman prome ku elekshon na ougustus 2010. Dia 27 di ougustus 2010 partido MFK a bira e di dos partido mas grandi ku 5 asiento den konseho insular . Partido MFK a forma gobiernu huntu ku Pueblo Soberano y Partido MAN dia 4 di september 2010.

E koalishon aki lo bira e prome gabinete di Korsou despues di desmantelashon di Antias Hulandes dia 10 di oktober 2010 . Schotte tabata e prome minister di Korsou desde e fecha ei te ku 29 di september 2012. Fin di 2012 el a keda elegi komo miembro di parlamento di Korsou y a fungi alabes komo lider di frakshon MFK. Schotte a retira for di parlamento riba dia 27 di november 2018 na momentu ku su sentensia den e caso Babel a bira definitivo. ^[6]

Link eksterno [ edita | edita fuente ]

Sitio ofisial di Gerrit Schotte

	Prome minister di Korsou
Gerrit Schotte · Stanley Betrian · Daniel Hodge · Ivar Asjes · Ben Whiteman · Hensley Koeiman · Gilmar Pisas · Eugene Rhuggenaath