E artikulo aki ta skirbi na papiamentu . Lo ta apresia si por mantene e artikulo aki na estilo di papiamentu .

Blues

Supkategoria di	musika popular , music of North America
Fecha di fundashon of kreashon	1890s
Has use	musika
Name	blues
Nomber ofisial	blues
Pais di origen	Estadonan Uni di Merka
Praktika pa	blues musician , blues shouter

Blues ta un estilo di musika krea entre 1860 i 1900 i ku tin su origen den e musika di katibunan afrikano den suit di Estadonan Uni di Merka , entre otro den delta di e riu Mississippi, entre Memphis i New Orleans .

Historia [ edita | edita fuente ]

Blues ta un sorto di musika di katibunan ku tabata traha riba plantashinan di katuna den region suit di Merka den bisindario di e delta di Mississippi i Memphis . E prome katibunan no tabata kere ku nan lo keda Merka, pasobra ta presu nan ta i despues nan lo bolbe bai Afrika , pero nan mester a traha duru tur dia i tabata papia nan mes idioma i kanta nan melodianan afrikano. A dura hopi generashon prome ku e afrikanonan a kuminsa papia e idioma ingles . Pasobra hopi katibu tabata kambia di patron oropeo ku nan mes idioma di nan pais natal. E katibunan tambe ku tabatin nan idioma di e parti di Afrika ku nan a bini, nan tabata haya nan den un situashon hopi duru pa sina pida pida di tur e idioma ku nan a haya nan kune dje patronnan oropeo, prome ku a introdusi idioma ingles den henter Merka. Esunnan ku a keda biba riba e mesun plantashi henter nan bida sin kambia di patron a kuminsa papia ingles mas lihe ku esnan ku tabata kambia di patron kada bes. Nan a kuminsa kanta kantikanan religioso manera gospels , spirituals, worksong i hollers and shout ta e klank ku nan tabata produsi ku nan stem (tambe un manera di protesta) pa ekspresa nan miseria dje situashon di trabou riba e plantashinan. Hopi katibu no tabata bira kristian, pasobra hopi blanku no tabata kere ku katibunan por a sivilisa.

Religion [ edita | edita fuente ]

Na fin di siglo 18 katibunan i esnan ku tabata liber a kuminsa bira kristian , baptismo of metodismo , religionnan ku a sorg pa un solushon i kita e pensamentu ku un dia nan lo bolbe bai Afrika. Despues e katibunan a kuminsa kanta hopi kantikanan religioso , a bira un kustumber den suit ora di bai dera morto of despues di entiero, nan tabata kanta kantikanan di beibel di mas alegra, manera, "Oh when the Saints", Go Down Moses", I'm Marching to Zion", Walk into Jerusalem like john", Crossing The River Jordan." Kantika di pasadanan di Beibel den tempu ku katibunan hudiu a sali foi Egipto . Despues ku hopi katibu a haya sa ku e manera ku nan ta biba no ta hustu,nan a kuminsa hui i esnan ku suelte tabata kai den man di Afro-Merikano nan liber kaminda nan tabata skonde te ora ku nan por sigi pa logra yaga staten den nort pa nan ta liber. Katibunan ku n Hudaismoan a trese bek pa nan dono a kuminsa plama notisia bou dje otro katibunan kiko nan mester hasi ora nan hui pa yega estadonan den nort di Merka. Nan tabatin un kodigo ku e dononan no sa, ku ta yama "Under Ground Railroad" (e nomber dje kodigo aki no tin nada di hasi ku trein) tabata puesto nan kaminda e katibunan ku hui tabata skonde,te ora ku nan por sigi pa yega statennan den nort pa nan ta liber.

Palabra di outornan [ edita | edita fuente ]

Un merikano yama Joseph Machlis a bisa ku blues ta pertenese na Merka, laga bisa ta indigena (inheemse) estilo musikal merikano sin direkt e antesedente ku nos konose di tradishonnan afrikano of oropeo . Ta un kos spesial i interamente diferente foi loke e antepasadonan a bini kune.Pero Alan Lomax ta duna un otro ehempel di kantikanan ku ta komparabel ku blues loke a haya na Nort-West Afrika bou di desendenan yama Wolof i Watusi.E palabra 'BLUE' (blou) ta asosia ku e sintimentu di melankoliko of depreshon foi tempu di Elisabethania.E outor merikano Washington Ivring a duna e termino "the Blues" manera e tabata defini foi ana 1807.E historia di e tradishon musikal di blues ku ta kompletamente ( negro ) ta di tende bisa of un boka bisa otro palabra di e antepasadonan ku asina nan por a bai bek mas leu den siglo,ku solamente e kuminsa dje historia na ana 1860.

Variashonnan [ edita | edita fuente ]

E variashon ku a bini foi e kantikanan religioso ku e katibunan tabata kanta pa ekspresa nan sintimentu i miserianan ta un reakshon riba mal tratu ku ta resulta den field holler(Ta un klank den nan stem)E Field holler ta duna forsa pa spiritual i blues,ku tabata trese mas ambiente den kampamentu di plantashinan den suit.Despues di guera sivil blues a sigui plama bou di afromerikanonan den suit i ta karga e nomber,musika di katibunan di Afrika. Field hollers, ballades ,musika di misa, rhythmic dance tunes ,ku ta yama jump-ups , a desaroya bira musika di kantantenan ku pregunta i respons.

E ta kanta un lina i kitara ta responde. Un kitara no tabatin hopi popularidat den tokamentu di blues, banyo tabata e prome instrumento di kuerde i di mas popular pa toka blues.Den ananan 1890 nan tabata toka blues hopi den siudatnan den suit. E palabra "BLUES" nan ta use en-general den e musika tradishonal. Tabatin hopi hende ku nan mes opinon kiko ta blues, tin ta bisa ta un eskala di struktura, un filosofia, un struktura di akort, of e tono di un akort manera falsu.asina tabatin hopi hende ku nan mes interpretashon di blues, pero ta sigur ku blues ta di origen afromerikano ku melodianan harmonisa ku tono di akortnan oOropeo. Musika oropeo tabatin otro sistema,nan no tabata kanta manera ta kanta blues ku hopi sintimentu i emoshon den nan stem manera nan ta yora. E "blue notes" no ta tono den eskala musiko di Oropa, ta un karakteristiko di blues.Tin tres blue note den eskala musika di blues.Tempu ku nan a kuminsa ku notashon di blues musik nan sali riba e eskala musika di blues.Tin hopi makis di melodia i ritmonan den blues ku ta difisil,pero nan no ta imposibel pa notashon musikal.prome ku a bin ku notashon di field holler,no tabatin niun musikante ku tabata toka e sorto "blue note" nan aki riba un instrumento di musika. E blues di tempu nan pasa tabata iregular kua ritmo,nan tabata toka un pida i papia un pida,manera por tende den diskonan bieu dje artistanan legendario di blues manera Charley Patten,Blind Lemon Jefferson, Robert Johnson i Lightnin'Hopkins.E prome estilo di blues ku a haya fama na ana 1911 tabata di kompositor W.C.Handy (1873-1958) i tambe e tabata un poetiko i a duna e formashon artistiko na blues ku a kuminsa haya popularidat ront di ananan 1910 ku e publikashon di "Memphis Blues" (na 1912) i "St Louis Blues" (na 1914). Na ana 1913 ya nan registra e blues instrumental. Despues di sklabitut ku hopi katibu bandona plantashinan i bai biba den siudat pa buska trabou, esnan musikante a kuminsa toka blues den bar,kabaretnan den siudat i hendenan a kuminsa balia riba ritmo di blues nan a bin yame Rythm and Blues anto e blues ku nan trese siudat a haya e nomber City Blues .

Musika famoso [ edita | edita fuente ]

Na ananan 1920 blues tabata un musika famoso na Merka, blues a kuminsa plama riba henter Merka, komo ku hopi migrante afromerikano di suit a bai nort pa buska un bida mas miho den siudatnan grandi den nort. Hopi musiko di e estadonan suit a bai nort, pasobra situashon den suit a kuminsa eskala outoridatnan a kuminsa abusa di musikonan afromerikano den bar, kabaret i klupnan di lus kora. Den nort e musika tradishonal a kuminsa haya un forma grandi.

E prome kantantenan muhe Mamie Smith i Bessie Smith ku tabatin hopi fama den e tempu ei.Mamie Smith graba su prome blues vokal na ana 1920 "Crazy Blues" .Na ananan 1930 pa '40 tabata e kantante legendario di blues i jazz Billie Holiday ku a graba i bende mas ku mion disko.(tin un pelikula menshona,na e albumnan titula, "lady Sings the Blues" .)E popularidat enorme di blues tabatin un influensia importante riba e musika Jazz benidero den tempu ei.(tabata e inisia dje musika popular yama jazz) i ku ta fuente di tur estilo di musika POP di awendia.E Afro-merikanonan a kuminsa usa mas instrumento manera guitara,piano,bas,saksofon,drum i sinfonia di boka pa toka blues,despues a bin introdusi tambe guitara ku emplifayer ku zonido mas duru.Den siudatnan grandi manera Chicago i Detroit na fin di ananan 1940 pa kuminsa'50 e kantante i tokadonan manera Muddy Waters , Willy Dixon,John Lee Hooker,Howlin'Wolf,Elmore James i hopi otro mas tabata toka loke nan ta yama Mississippi Delta Blues,kompana ku guitara,bas,drum set,piano i de bes en kuando senfonia di boka of otro instrumento di bientu.T'Bone,Walkerna Housten i B.B.king ku Memphis Blues tabata e famoso tokadonan di guitara ku estilo jazz .

Rock & Roll [ edita | edita fuente ]

Na kuminsamentu di ana 1950 a bini estilo kompletamente otro di musika nase foi rhythm and blues (e blues bailabel) i boogie woogie (blues instrumental aselera).E disc-jockey Alan Freed a duna e musika nobo e nomber Rock and Roll , asina e nomber a surgi. Alan a propoga e musika aki i hasi'e popular bou di generashon blanku,dje manera ei a kibra e segregashon rasial ku tabata normal e tempu ei pa laga e generashon blanku sina konose musika Afro-merikano Rock and Roll ku a pone henter mundu kompletamente kabes abou.Musikonan manera Little Richard , Elvis Presley , Fats Domino, Ray Charles, Chuck Berry, Jerry Lee lewis , Bill Haley, (ku a meskla e musika country and Western ku Rhythm and Blues) su hit tabata ( Rock around the clock ) asina tabatin hopi otro musikonan nan mas.Tur musikonan aki a haya fama i graba hopi disko gana hopi sen bira riko den un periodo kortiko.

Blues moderno [ edita | edita fuente ]

Na kuminsamentu di ana 1960 hopi Merikano blanku i Oropeonan musiko a deskubri City Blues. Hopi dje bluesband nan manera Paul Butterfield bluesband, The Rolling Stones , Yardbirds, John Mayall's Bluesband Cream, Canned Heat, Fleedwood Mac, asina e generashon Blanku hoben dje tempu aya a bin sina konose blues musika mas miho,komo prome no tabatin bon kontakto den komunidat entre blanku i Afro-merikano. Te na momentu ku e musika rock and roll a surgi na 1950 a trese kambio bou di e hobennan merikano. E hobennan blanku a kuminsa interesa den musika tradishonal blues.Despues e musikonan blanku a sigi ku nan mes estilo di toka blues,yama Rock Blues of blues blanku.E musikonan blanku i afromerikano a haya hopi fama ku e rock blues, kitaristanan konosi tabata Jimi Hendrix , Eric Clapton, Otis Rush, Jimmy Page, Eddie v. Halen. E generashon di fin di 1940-1950 ku ta Albert Collins, B.B.King ,i difuntu John Lee Hooker a sigi gosa dje splenternan ku a surgi foi blues tradishonal e generashon nan despues menera Buddy Guy,Otis Rush, Robert Gray, Eric Clapton i hopi otronan ku a bini despues ta gosa di musika te awendia. Blues ku Jazz ta un estilo di musika ku a surgi mas ku'n siglo pasa. Den tur generashonnan ku a pasa nan a keda toka i kanta blues i jazz te awendia.Tabatin hopi meskla nan di musika ku a surgi foi blues tabata pa un temporada, despues no tabata tende nada mas di nan.